ದಾವಣಗೆರೆ,ಆ.6- ಬಾಡಾ ಕ್ರಾಸ್‍ನ ಪುಟ್ಟರಾಜ ನಗರದಲ್ಲಿರುವ ಶ್ರೀ ವೀರೇಶ್ವರ ಪುಣ್ಯಾಶ್ರಮದಲ್ಲಿ ಶ್ರಾವಣ ಮಾಸದ ಪ್ರಯುಕ್ತ ಶ್ರೀ ಗಾನಯೋಗಿ ಶಿವಯೋಗಿ ಪಂಚಾಕ್ಷರಿ ಗವಾಯಿಗಳವರ ಜೀವನ ಚರಿತ್ರೆ ಮಹಾಪುರಾಣವನ್ನು ಆರಂಭಿಸಲಾಯಿತು.
ಉದ್ಘಾಟನೆಯನ್ನು ನೆರವೇರಿಸಿ ಆಶೀರ್ವಚನ ನೀಡಿದ ಆವರಗೊಳ್ಳ ಹಿರೇಮಠದ ಶ್ರೀ ಓಂಕಾರ ಶಿವಾಚಾರ್ಯ ಸ್ವಾಮೀಜಿ, ಆಶ್ರಮದಲ್ಲಿ ದಿವ್ಯ ಪುಟ್ಟರಾಜರ ದೀಪಕ್ಕೆ ನಾವುಗಳು ಎಣ್ಣೆ-ಬತ್ತಿ ಇದ್ದಂತೆ, ಆಶ್ರಮದಲ್ಲಿ ನಡೆಯುವ ಸೇವೆಗಳು ಅಚ್ಚುಕಟ್ಟಾಗಿ ನಡೆಯುತ್ತಿವೆ ಎಂದು ಶ್ಲ್ಯಾಘಿಸಿದರು.
ಆಶ್ರಮದ ಕಾರ್ಯದರ್ಶಿ ಜೆ.ಎನ್. ಕರಿಬಸಪ್ಪ, ನಿರ್ದೇಶಕ ಎ.ಹೆಚ್. ಸಿದ್ದಲಿಂಗಸ್ವಾಮಿ, ಬಸವನಗೌಡ್ರು ಮತ್ತಿತರರು ಹಾಜರಿದ್ದರು.
ಶಿವಬಸವಯ್ಯ ಸ್ವಾಮಿ ಚರಂತಿಮಠ ಅವರು 1 ತಿಂಗಳ ಕಾಲ ಪುರಾಣ ಪ್ರವಚನ ಮಾಡುವರು. ಪ್ರತಿ ಶನಿವಾರ ಮತ್ತು ಭಾನುವಾರ ಮಧ್ಯಾಹ್ನ 1 ರಿಂದ ಹಾಗೂ ಉಳಿದ ದಿನಗಳಲ್ಲಿ ಸಂಜೆ 4-30 ರಿಂದ ಪುರಾಣ ಪ್ರವಚನ ನಡೆಯಲಿದೆ.