ಜಿಲ್ಲಾ ಮಹಿಳಾ ಕಾಂಗ್ರೆಸ್‍ನಿಂದ ಮಹಿಳಾ ದಿನಾಚರಣೆಯಲ್ಲಿ ಎಸ್ಸೆಸ್ ಶ್ಲ್ಯಾಘನೆ

ದಾವಣಗೆರೆ, ಮಾ. 15 – ಜಿಲ್ಲಾ ಮಹಿಳಾ ಕಾಂಗ್ರೆಸ್ ವತಿಯಿಂದ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು ಹಮ್ಮಿಕೊಳ್ಳಲಾಗಿತ್ತು.

ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಅಂಗವಾಗಿ ದಾವಣಗೆರೆ ಜಿಲ್ಲೆಯಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ವಿಜಯ ಅಕ್ಕಿ, ರೇಣುಕಾ, ಎಡಿಸಿ ಸೈಯದ್ ಅಫ್ರಿನ್ ಭಾನು, ಡಾ. ದೀಪ, ವೀಣಾ ಮಂಜುನಾಥ್, ರೂಪಶ್ರೀ, ಕುಸುಮಾ ಲೋಕೇಶ್, ಬಿ.ಟಿ. ಜಾಹ್ನವಿ, ಸುಮ ಪ್ರವೀಣ್, ಡಿಡಿಎಲ್‍ಆರ್ ಭಾವನ ಅವರನ್ನು ಸನ್ಮಾನಿಸಲಾಯಿತು.

ಸಾಧಕರನ್ನು ಸನ್ಮಾನಿಸಿ ಮಾತನಾಡಿದ ಶಾಸಕ ಶಾಮನೂರು ಶಿವಶಂಕರಪ್ಪ ಇಂದು ಮಹಿಳೆಯರು ಎಲ್ಲಾ ಕ್ಷೇತ್ರಗಳಲ್ಲೂ ಸೇವೆ ಸಲ್ಲಿಸುತ್ತಿದ್ದು, ಮೀಸಲಾತಿ ಮೀರಿ ಅವಕಾಶ ಪಡೆದುಕೊಂಡಿರುವುದು ಶ್ಲ್ಯಾಘನೀಯವೆಂದು ಮಹಿಳಾ ದಿನಾಚರಣೆಯ ಶುಭ ಕೋರಿದರು.

ಎಸ್.ಎಸ್. ಲೈಫ್ ಕೇರ್ ಟ್ರಸ್ಟ್‍ನ ಲೈಫ್ ಟ್ರಸ್ಟಿ ಡಾ. ಪ್ರಭಾ ಮಲ್ಲಿಕಾರ್ಜುನ್ ಮಾತನಾಡಿ, ಮಹಿಳೆಯರಿಗೆ ಅವಕಾಶ ಸಿಗುವುದು ಕಡಿಮೆ. ಅವಕಾಶ ಸಿಕ್ಕಾಗ ಸದುಪಯೋಗ ಪಡೆದುಕೊಳ್ಳಬೇಕೆಂದು ಕರೆ ನೀಡಿದರು.

ಮಹಿಳಾ ಕಾಂಗ್ರೆಸ್ ಜಿಲ್ಲಾಧ್ಯಕ್ಷರಾದ ಶ್ರೀಮತಿ ಅನಿತಾಬಾಯಿ ಮಾಲತೇಶ್ ಮಾತನಾಡಿ, ಮಹಿಳೆಯರಿಗೆ ಶೇ.33 ರಷ್ಟು ಮೀಸಲಾತಿ ಇದ್ದು, ಇದನ್ನು ಎಲ್ಲಾ ಮಹಿಳೆಯರು ಸಮರ್ಪಕವಾಗಿ ಬಳಸಿಕೊಳ್ಳಬೇಕೆಂದು ಸಲಹೆ ನೀಡಿದರು.

ಈ ಸಂದರ್ಭದಲ್ಲಿ ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ದಿನೇಶ್ ಕೆ.ಶೆಟ್ಟಿ, ನಿರ್ಮಲಾ ಸುಭಾಷ್, ಅಶ್ವಿನಿ ಪ್ರಶಾಂತ್, ಗೀತಾ ಚಂದ್ರಶೇಖರ್, ಮಂಜಮ್ಮ, ದ್ರಾಕ್ಷಾಯಣಮ್ಮ, ಶುಭಮಂಗಳ, ರಾಜೇಶ್ವರಿ, ವಿಜಯ, ಸುಷ್ಮಾ ಪಾಟೀಲ್, ಭಾರತೀ ಕಾಂಬಳೆ, ದಿಲ್ ಶಾದ್, ರಹಜಾನ್, ಮಂಗಳಮ್ಮ, ಉಮಾ ಕುಮಾರ್, ರಾಧಾಬಾಯಿ, ಕವಿತಾ ಚಂದ್ರಶೇಖರ್, ಸಲ್ಮಾ, ಕಾವ್ಯ, ಶಿಲ್ಪ, ಯಶೋಧ, ಜಯಮ್ಮ, ಮಂಜಮ್ಮ ಹನುಮಂತಪ್ಪ, ಕವಿತಾ ರಾಜು, ಸುನೀತಾ ಭೀಮಣ್ಣ ಮತ್ತಿತರರಿದ್ದರು.