ದಾವಣಗೆರೆ, ಆ.10- ಓಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದ ಭಾರತೀಯ ಕ್ರೀಡಾಪಟುಗಳಿಗೆ ಜಿಲ್ಲಾ ಕ್ರೀಡಾಪಟುಗಳ ಸಂಘದಿಂದ ನಗರದ ಹರಳಣ್ಣೆ ಕೊಟ್ರಬಸಪ್ಪ ವೃತ್ತದಲ್ಲಿ ಇಂದು ಅಭಿನಂದನೆ ಸಲ್ಲಿಸಲಾಯಿತು.
ಸಂಘದ ಅಧ್ಯಕ್ಷ ದಿನೇಶ್ ಕೆ.ಶೆಟ್ಟಿ ಮಾತನಾಡಿ, ಜಿಲ್ಲೆಯಲ್ಲಿರುವ ಬಡ ಮತ್ತು ಕೂಲಿ ಕಾರ್ಮಿಕರ ಮಕ್ಕಳಿಗೆ ಪ್ರೋತ್ಸಾಹ ನೀಡಿದರೆ, ಇನ್ನೂ ಉತ್ತಮ ಸಾಧನೆ ಮಾಡುತ್ತಾರೆ ಎಂದು ತಿಳಿಸಿದರು.
ವಿರೋಧ ಪಕ್ಷದ ನಾಯಕ ಎ. ನಾಗರಾಜ್ ಮಾತನಾಡಿ, ಪಂದ್ಯಾವಳಿ ಗೆದ್ದ ನಂತರ ಸಂಭ್ರಮ ಪಡುವುದಕ್ಕಿಂತ ಮುಂಚೆಯೇ ಬಡ ಮಕ್ಕಳ ಪ್ರೋತ್ಸಾಹಿಸಿ, ಅಂತಹ ಮಕ್ಕಳ ಬೆಳವಣಿಗೆಗೆ ಕಾರಣರಾದರೆ, ಇನ್ನೂ ಉತ್ತಮ ಸಾಧನೆ ಮಾಡಬಹುದು ಎಂದು ಹೇಳಿದರು.
ಈ ಸಂದರ್ಭದಲ್ಲಿ ವಿಜಯ ಜೈನ್, ವೆಂಕಟೇಶ್, ರಾಮಣ್ಣ, ಮಾಲತೇಶ್, ಉಮೇಶ್, ಗೋಪಾಲ್, ರಾಕೇಶ್, ಜಿ. ರಾಮಚಂದ್ರ ರಾಯ್ಕರ್, ರವಿ, ಅಕ್ರಂ ಭಾಷಾ, ಜಾಕೀರ್, ಸುರೇಶ್‌ ಜಾಧವ್‌, ಪ್ರವೀಣ್ ಕುಮಾರ್, ಶ್ರೀಕಾಂತ್ ಬಗರೆ, ಯುವರಾಜ್, ಕರಿಬಸಪ್ಪ, ವೆಂಕಟೇಶ್ ಸೇರಿದಂತೆ ಇತರರು ಇದ್ದರು.