ದಾವಣಗೆರೆ, ಫೆ.19- ಭದ್ರಾ ಅಚ್ಚು ಕಟ್ಟು ಪ್ರದೇಶದಲ್ಲಿ ಬೆಳೆಗಳು ಮತ್ತು ಕುಡಿಯುವ ನೀರಿನ ಉದ್ದೇಶದಿಂದ ಇಂದಿನಿಂದ ಇದೇ ದಿನಾಂಕ 23ರವರೆಗೆ ನಾಲೆಗಳಿಗೆ ನೀರನ್ನು ಬಿಡುತ್ತಿರುವ ಹಿನ್ನೆಲೆಯಲ್ಲಿ ಕಾಲುವೆ ಸುತ್ತ ನಿಷೇಧಾಜ್ಞೆ ಜಾರಿ ಮಾಡಲಾಗಿದೆ.
ತಾಲ್ಲೂಕಿನ ಮಾಯಕೊಂಡ ಹೋಬಳಿ ನಲ್ಕುಂದ ಬಳಿ ತಾಲ್ಲೂಕು ಗಡಿಯಿಂದ ಶಂಕರನಹಳ್ಳಿ ಗ್ರಾಮ ವ್ಯಾಪ್ತಿಯಲ್ಲಿ ಬರುವ ಭದ್ರಾ ಕಾಲುವೆಗಳ ಸುತ್ತ ಮುತ್ತ ಕಾಲುವೆಯಿಂದ ಬಲ ಮತ್ತು ಎಡಭಾಗದಿಂದ 200 ಮೀಟರ್ವರೆೆಗಿನ ವ್ಯಾಪ್ತಿಯಲ್ಲಿ, ಕಾರ್ಯನಿರ್ವಾಹಕ ದಂಡಾಧಿಕಾರಿಯೂ ಆಗಿರುವ ತಹಶೀಲ್ದಾರ್ ಡಾ.ಎಂ.ಬಿ. ಅಶ್ವತ್ಥ್ ನಿಷೇಧಾಜ್ಞೆ ಜಾರಿ ಮಾಡಿದ್ದಾರೆ.
ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿ ಕಳೆದ 16ರಂದು ನಡೆದ ಸಭೆಯಲ್ಲಿ ಅಚ್ಚುಕಟ್ಟು ಪ್ರದೇಶದ ಕೊನೆಯ ಭಾಗಕ್ಕೆ ನೀರು ತಲುಪದೇ ಇರುವ ಕುರಿತು ಅನೇಕ ರೈತ ಸಂಘಟನೆಗಳು ಮನವಿ ಮಾಡಿವೆ. ಪ್ರಸ್ತುತ ಜಿಲ್ಲೆಯಲ್ಲಿ ಭೀಕರ ಬರಗಾಲವಿದೆ. ಬೆಳೆಗಲ್ಲದೇ ಕುಡಿಯುವ ನೀರಿಗೂ ಬರವಿದೆ. ಅನಧಿಕೃತ ಪಂಪ್ಸೆಟ್ಗಳನ್ನು ತೆರವುಗೊಳಿಸಲು ಹಾಗೂ ಮತ್ತೆ ಪಂಪ್ಸೆಟ್ಗಳನ್ನು ಅಳವಡಿಸದಂತೆ ಅಗತ್ಯ ಕ್ರಮವಹಿಸಲು ಸೂಚಿಸಲಾಗಿದೆ.
ಅಕ್ರಮ ಪಂಪ್ಸೆಟ್ ತೆರವು, ನೀರಿನ ಹರಿವು ಹೆಚ್ಚಳ
ಭದ್ರಾ ನಾಲೆ ಉದ್ದಕ್ಕೂ 144ನೇ ಸೆಕ್ಷನ್ ಜಾರಿ
ಮಲೇಬೆನ್ನೂರು, ಫೆ. 19 – ಕೊಪ್ಪದಿಂದ ಮಲೇಬೆನ್ನೂರು ಪಟ್ಟಣದವರೆಗೆ ಭದ್ರಾ ನಾಲೆಗೆ ಅಳವಡಿಸಿದ್ದ ಅಕ್ರಮ ಪಂಪ್ ಸೆಟ್ಗಳ ತೆರವು ಕಾರ್ಯಾಚರಣೆ ಸೋಮವಾರ ಪೊಲೀಸ್ ಭದ್ರತೆಯಲ್ಲಿ ನಡೆಯಿತು.
ಕೊಪ್ಪ, ಹಾಲಿವಾಣ, ದಿಬ್ಬದ ಹಳ್ಳಿ, ಕೋಮಾರನಹಳ್ಳಿ, ಮಲೇಬೆನ್ನೂರಿನವರೆಗೆ ನಡೆದ ಕಾರ್ಯಾ ಚರಣೆಯಲ್ಲಿ 40ಕ್ಕೂ ಹೆಚ್ಚು ಅಕ್ರಮ ಪಂಪ್ ಸೆಟ್ಗಳನ್ನು ತೆರವುಗೊಳಿಸಲಾ ಯಿತೆಂದು ತಹಶೀಲ್ದಾರ್ ಗುರುಬಸವರಾಜ್ ತಿಳಿಸಿದ್ದಾರೆ. ಅಚ್ಚುಕಟ್ಟಿನ ಕೊನೆ ಭಾಗದ ತೋಟದ ಬೆಳೆಗಳಿಗೆ ಕಳೆದ ಅವಧಿಯಲ್ಲಿ ನೀರು ತಲುಪಲಿಲ್ಲ, ಆದ್ದರಿಂದ ಈ ಬಾರಿ ಜಿಲ್ಲಾಧಿಕಾರಿ ಡಾ. ಎಂ.ಟಿ. ವೆಂಕಟೇಶ್ ಅವರಿಗೆ ಜಿಲ್ಲೆಯ ರೈತ ಮುಖಂಡರು ಪೊಲೀಸ್ ಭದ್ರತೆಯಲ್ಲಿ ಕೊನೆ ಭಾಗದ ತೋಟದ ಬೆಳೆಗಳಿಗೆ ನೀರು ಹರಿಸಬೇಕೆಂದು ಒತ್ತಡ ಹಾಕಿದ್ದರು.
ಈ ಹಿನ್ನಲೆಯಲ್ಲಿ ಜಿಲ್ಲಾಧಿಕಾರಿಗಳು ಅಧಿಕಾರಿಗಳ ಸಭೆ ನಡೆಸಿ ಭದ್ರಾ ನಾಲೆಗಳ ಉದ್ದಕ್ಕೂ 144 ಸೆಕ್ಷನ್ ಮಾಡಿ ಅಕ್ರಮ ಪಂಪ್ಸೆಟ್ಗಳನ್ನು ತೆರವು ಮಾಡಿಸುವ ಮೂಲಕ ಕೊನೆ ಭಾಗಕ್ಕೆ ನೀರು ತಲುಪಿಸುವ ಪಯತ್ನ ಮಾಡಿದ್ದಾರೆ.
ಭಾನುವಾರ ಬಸವಾ ಪಟ್ಟಣ ಉಪ-ವಿಭಾಗ ಬಸವಾಪಟ್ಟದಿಂದ ಯಕ್ಕನಹಳ್ಳಿಗೆವರೆಗೆ ವ್ಯಾಪ್ತಿಯಲ್ಲಿ ಎಇಇ ಧನಂಜಯ ಹಾಗೂ ಕಂದಾಯ, ಪೊಲೀಸ್ ಹಾಗೂ ಬೆಸ್ಕಾಂ ಇಲಾಖೆಯವರು ಸೇರಿ 8ಕ್ಕೂ ಹೆಚ್ಚು ಅಕ್ರಮ ಪಂಪ್ಸೆಟ್ಗಳನ್ನು ತೆರವು ಮಾಡಿದ್ದರು. ಇದರ ಪರಿಣಾಮ ಸೋಮವಾರ 15, 16, ಮತ್ತು 17ನೇ ಉಪಕಾಲುವೆಗಳಲ್ಲಿ ನೀರು ಹರಿದು ಬಂದಿದೆ ಎಂದು ರೈತರು ತಿಳಿಸಿದ್ದಾರೆ.
ಕೆಲವು ರೈತರು ಸ್ವಯಂ ಪ್ರೇರಣೆಯಿಂದ ಪಂಪ್ಸೆಟ್ ತೆರವು ಮಾಡಿದರೆ, ಇನ್ನೂ ಕೆಲವು ರೈತರು ನಾವು ತೆಗೆಯುವುದಿಲ್ಲ ಎಂದು ಹಠ ಮಾಡಿದಾಗ ಪೊಲೀಸ್ ತೆರವು ಮಾಡಿಸಿದ್ದಾರೆ ಎನ್ನಲಾಗಿದೆ. ಫೆ. 29 ರವರೆಗೆ ನಾಲೆಯಲ್ಲಿ ನೀರು ಹರಿಯಲ್ಲಿದ್ದು, ಈ ಬಾರಿ ಅಚ್ಚುಕಟ್ಟಿನ ಎಲ್ಲಾ ತೋಟಗಳಲ್ಲಿ ನೀರು ಸಿಗಲಿದೆ ಎಂದು ಎಇಇ ಧನಂಜಯ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಸೋಮವಾರ ಕಾರ್ಯಚಾರಣೆಯಲ್ಲಿ ಉಪತಹಶೀಲ್ದಾರ್ ಆರ್. ರವಿ, ಕಂದಾಯ ನಿರೀಕ್ಷಕ ಆನಂದ್ ಗ್ರಾಮಲೆಕ್ಕಾಧಿಕಾರಿ ಅಣ್ಣಪ್ಪ ಇಂಜಿನಿಯರ್ ಪ್ರಭುಗೌಡ, ಭರತ, ಎಎಸ್ಐ ಬಸವರಾಜ್ ಮತ್ತಿತರರು ಇದ್ದರು.
ಅಕ್ರಮ ಪಂಪ್ಸೆಟ್ಗಳ ತೆರವು ಕಾರ್ಯಾಚರಣೆ ವೇಳೆ, ಅಡ್ಡಿಪಡಿಸುವ ಮತ್ತು ಗಲಭೆಗಳಾಗುವ ಸಂಭವವಿರುವ ಕಾರಣದಿಂದಾಗಿ ಈ ಪ್ರದೇಶವನ್ನು ನಿಷೇಧಿತ ಪ್ರದೇಶವೆಂದು ಘೋಷಿಸಲು ಕನೀನಿನಿ ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ ಸಹ ಕೋರಿದ್ದು, ಇದು ಸೂಕ್ತವಾಗಿರುವ ಕಾರಣ ನಿಷೇಧಾಜ್ಞೆ ಹೊರಡಿಸಿರುವುದಾಗಿ ತಹಶೀಲ್ದಾರರು ತಿಳಿಸಿದ್ದಾರೆ.
ಈ ಪ್ರದೇಶದ ವ್ಯಾಪ್ತಿಯಲ್ಲಿ 4 ಜನಕ್ಕಿಂತ ಹೆಚ್ಚು ಜನ ಸೇರುವುದು, ಮಾರಕಾಸ್ತ್ರಗಳನ್ನು ಹಿಡಿದು ತಿರುಗಾಡುವುದು, ಸ್ಪೋಟಕಗಳನ್ನು ಶೇಖರಿಸುವುದು, ಘೋಷಣೆ ಕೂಗುವುದು, ಸಾರ್ವಜನಿಕ ಸಭ್ಯತೆ ಅಥವಾ ನೀತಿಯನ್ನು ಮೀರುವುದು, ಅಕ್ರಮಿಸಬಹುದಾದ ಕೃತ್ಯಗಳನ್ನು ಮಾಡುವುದನ್ನು ನಿಷೇಧಿಸಲಾಗಿದೆ. ಆದೇಶ ಉಲ್ಲಂಘಿಸುವವರ ವಿರುದ್ದ ಭಾರತೀಯ ದಂಡ ಸಂಹಿತೆ ಕಲಂ 188ರ ಪ್ರಕಾರ ಕ್ರಮ ಜರುಗಿಸುವುದಾಗಿ ತಹಶೀಲ್ದಾರ್ ಎಚ್ಚರಿಸಿದ್ದಾರೆ.