ಕಂಟೈನ್‌ಮೆಂಟ್‌ ವಲಯ ಕಡಿಮೆ ಮಾಡಿಲ್ಲ: ಎಸ್ಪಿ : ಕಂಟೈನ್‌ಮೆಂಟ್‌ ವಲಯವನ್ನು ನಿಗದಿಗಿಂತ ಕಡಿಮೆ ಮಾಡಿಲ್ಲ ಎಂದು ಎಸ್‌ಪಿ ಹನುಮಂತರಾಯ ತಿಳಿಸಿದ್ದಾರೆ.
ಪಾಲಿಕೆ ಮೇಯರ್ ಬಿ.ಜಿ. ಅಜಯ್ ಕುಮಾರ್ ಕಂಟೈನ್‌ಮೆಂಟ್‌ ವಲಯ ಕಡಿಮೆ ಮಾಡಲು ಎಸ್‌ಪಿ ಜೊತೆ ಮಾತನಾಡಿರುವುದಾಗಿ ಹೇಳಿದ್ದಾರೆಂಬ ಪತ್ರಕರ್ತರ ಪ್ರಶ್ನೆಗೆ ಈ ಉತ್ತರ ನೀಡಿದ್ದಾರೆ. ಕಂಟೈನ್‌ಮೆಂಟ್‌ ವಲಯ ಕಡಿಮೆ ಮಾಡುವ ಬಗ್ಗೆ ಮಾತನಾಡಿಲ್ಲ. ಸ್ಥಳೀಯ ಸಮಸ್ಯೆಗಳನ್ನು ಸ್ಥಳೀಯವಾಗಿಯೇ ಬಗೆಹರಿಸುವ ಕುರಿತು ಮಾತನಾಡಿದ್ದೇವೆ ಎಂದವರು ಹೇಳಿದರು.

ಪೊಲೀಸರ ಆರೋಗ್ಯ ರಕ್ಷಣೆಗೆ ಕ್ರಮ : ಕೊರೊನಾ ರಕ್ಷಕರಾದ ಪೊಲೀಸ್ ಒಬ್ಬರಲ್ಲಿಯೇ ಸೋಂಕು ಕಂಡು ಬಂದಿರುವುದು ಕಳವಳಕ್ಕೆ ಕಾರಣವಾಗಿದೆ. ನಗರದಲ್ಲಿ ಮೊದಲ ಬಾರಿಗೆ ಪೊಲೀಸ್ ಒಬ್ಬರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಪೊಲೀಸರ ಆರೋಗ್ಯ ರಕ್ಷಣೆಗಾಗಿ ಕ್ರಮಗಳನ್ನು ತೆಗೆದುಕೊಳ್ಳಲಾ ಗುತ್ತಿದೆ. ಪಿ.ಪಿ.ಇ. ಕಿಟ್, ಫೇಸ್‌ ಶೀಲ್ಡ್ ಇತ್ಯಾದಿ ಗಳನ್ನು ಪೊಲೀಸರಿಗೆ ಒದಗಿಸಲಾಗಿದೆ ಎಂದು ಎಸ್‌ಪಿ ಹನುಮಂತರಾಯ ಹೇಳಿದ್ದಾರೆ. ಆಯುಷ್ ಇಲಾಖೆಯ ಮೂಲಕ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುಳಿಗೆಗಳನ್ನೂ ಪೂರೈಸಲಾಗುತ್ತಿದೆ. ಅತಿ ಅಪಾಯ ಇರುವ ಸಂದರ್ಭಗಳಲ್ಲಿ ಕಾರ್ಯ ನಿರ್ವಹಿಸುವಾಗ ಪಿ.ಪಿ.ಇ. ಕಿಟ್ ಬಳಕೆ ಮಾಡುವಂತೆ ತಿಳಿಸಲಾಗಿದೆ ಎಂದೂ ಅವರು ತಿಳಿಸಿದ್ದಾರೆ. ಸಂಚಾರಿ ಪೊಲೀಸ್ ಪೇದೆ ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು. ಅವರು ಮನೆಯಲ್ಲಿರಲಿಲ್ಲ. ಹೀಗಾಗಿ ಪೊಲೀಸ್ ಕ್ವಾರ್ಟರ್ಸ್‌ನಲ್ಲಿ ಕಂಟೈನ್‌ಮೆಂಟ್ ವಲಯ ರೂಪಿಸುವ ಅಗತ್ಯ ಬಂದಿಲ್ಲ. ಕ್ವಾರಂಟೈನ್ ಇರುವ ಪ್ರದೇಶದಲ್ಲಿ ನೈರ್ಮಲ್ಯಕ್ಕೆ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಪ್ರಶ್ನೆಯೊಂದಕ್ಕೆ ಹನುಮಂತರಾಯ ತಿಳಿಸಿದ್ದಾರೆ.

ರೈತರ ಬೀದಿ ಈಗ ಸೀಲ್ ಡೌನ್ : ರೈತರ ಬೀದಿಯ ಬೆಳ್ಳುಳ್ಳಿ ವ್ಯಾಪಾರಿಯೊಬ್ಬರಲ್ಲಿ ಕೊರೊನಾ ಸೋಂಕು ಕಂಡು ಬಂದಿರುವ ಹಿನ್ನೆಲೆಯಲ್ಲಿ
ಆ ಪ್ರದೇಶವನ್ನು ಕಂಟೈನ್‌ಮೆಂಟ್‌ ವಲಯವಾಗಿ ಪರಿವರ್ತಿಸಲಾಗಿದೆ ಎಂದು ಎಸ್‌ಪಿ ಹನುಮಂತರಾಯ ತಿಳಿಸಿದ್ದಾರೆ. ಇದು ನಗರದ ಎಂಟನೇ ಕಂಟೈನ್‌ಮೆಂಟ್ ವಲಯವಾಗಿದೆ

ಬೆಂಗಳೂರಿಗೆ ಒಂದೇ ಹೆಜ್ಜೆ ಹಿಂದೆ!  : ಸಕ್ರಿಯ ಕೊರೊನಾ ಪ್ರಕರಣ ಗಳ ಸಂಖ್ಯೆಯಲ್ಲಿ ದಾವಣಗೆರೆ ಈಗ ಬೆಂಗಳೂರಿ ಗಿಂತ ಒಂದೇ ಹೆಜ್ಜೆ ಹಿಂದಿದೆ.
ಬೆಂಗಳೂರು ನಗರ ಜಿಲ್ಲೆಯಲ್ಲಿ ಸಕ್ರಿಯ ಕೊರೊನಾ ಸೋಂಕಿ ತರ ಸಂಖ್ಯೆ 83 ಆಗಿದೆ. ದಾವಣ ಗೆರೆಯಲ್ಲಿ ಸಕ್ರಿಯ ಸೋಂಕಿತರ ಸಂಖ್ಯೆ ಈಗ 82ಕ್ಕೆ ಏರಿದೆ.

ಜಿಲ್ಲಾ ಸರ್ಜನ್ ವರ್ಗಾವಣೆ : ದಾವಣಗೆರೆ, ಮೇ 14 – ಜಿಲ್ಲಾ ಸರ್ಜನ್ ಆಗಿದ್ದ ಡಾ. ನಾಗರಾಜ್ ಅವರನ್ನು ವರ್ಗಾವಣೆ ಮಾಡಲಾಗಿದ್ದು, ಅವರ ಜಾಗಕ್ಕೆ ಚಿಗಟೇರಿ ಆಸ್ಪತ್ರೆಯ ತಜ್ಞ ವೈದ್ಯ ಡಾ. ಎಸ್. ಸುಭಾಷ್‌ಚಂದ್ರ ಅವರನ್ನು ನೇಮಿಸಲಾಗಿದೆ. ಆರೋಗ್ಯ ಇಲಾಖೆಯ ಆಯುಕ್ತರ ಸೂಚನೆಯ ಮೇರೆಗೆ ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ಅವರು ವರ್ಗಾವಣೆ ಕ್ರಮಕ್ಕೆ ಆದೇಶಿಸಿದ್ದಾರೆ. ಜಿಲ್ಲೆಯಲ್ಲಿ ಇತ್ತೀಚೆಗೆ ಕೊರೊನಾ ಪ್ರಕರಣಗಳು ಗಣನೀಯ ವಾಗಿ ಏರಿಕೆಯಾಗಿರುವ ಜೊತೆಗೆ, ನಾಲ್ಕು ಸಾವುಗಳು ಸಂಭವಿಸಿದ್ದವು.

ಮೇಯರ್ ಸಹಕಾರದಿಂದಲೇ ಕಾರ್ಯ : ಡಿಸಿ : ಪಾಲಿಕೆ ಮಹಾಪೌರರಾದ ಬಿ.ಜಿ. ಅಜಯ್ ಕುಮಾರ್ ಅವರ ಸಹಕಾರದಿಂದಲೇ ನಗರದಲ್ಲಿ ಕಾರ್ಯ ನಿರ್ವಹಿಸುತ್ತಿರುವುದಾಗಿ  ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ತಿಳಿಸಿದ್ದಾರೆ.

ವರ್ತಕರಿಗೆ ಅಂಗಡಿ ತೆರೆಯಲು ಅನುಮತಿ ನೀಡುವ ವಿಷಯದ ಬಗ್ಗೆ ಜಿಲ್ಲಾಡಳಿತದ ನಿರ್ಧಾರಗಳ ಬಗ್ಗೆ ಅಜಯ್ ಕುಮಾರ್ ಅಸಮಾಧಾನ ವ್ಯಕ್ತಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಪಾಲಿಕೆ ಮೇಯರ್ ಹಾಗೂ ಅಧಿಕಾರಿಗಳ ನಡುವೆ ಸಮನ್ವಯದ ಕೊರತೆ ಇದೆಯೇ? ಎಂದು ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಉತ್ತರಿಸುತ್ತಿದ್ದ ಬೀಳಗಿ, ಮೇಯರ್ ಸಹಕಾರದಿಂದಲೇ ಇದುವರೆಗೂ ಕಾರ್ಯ ನಿರ್ವಹಿಸಿದ್ದೇವೆ.

ಅವರ ಸಂಪೂರ್ಣ ಸಹಕಾರದಿಂದ ನಗರದ ಪರಿಸ್ಥಿತಿ ನಿಭಾಯಿಸುತ್ತೇವೆ. ಮುಂದೆಯೂ ಅವರ ಸಹಕಾರದಿಂದ ನಗರದಲ್ಲಿ ನಾವು ನಿಭಾಯಿಸುವ ವಿಶ್ವಾಸವಿದೆ ಎಂದು ಹೇಳಿದರು. ಕಂಟೈನ್‌ ಮೆಂಟ್ ವಲಯಗಳಲ್ಲಿ ಸಮಸ್ಯೆ ಇದ್ದಾಗ ಮಹಾ ಪೌರರೇ ಮುಂದೆ ನಿಂತು ಸಮಸ್ಯೆಗಳನ್ನು ಬಗೆಹರಿ ಸುತ್ತಿದ್ದಾರೆ ಎಂದೂ ಜಿಲ್ಲಾಧಿಕಾರಿ ತಿಳಿಸಿದ್ದಾರೆ. ವ

ರ್ತಕರಿಂದ ಷರತ್ತಿನ ಬಾಂಡ್ ಪಡೆಯುವ ಬಗ್ಗೆ ಯಾವುದೇ ಸೂಚನೆ ನೀಡಿಲ್ಲ. ಎರಡು ಬಾರಿ ಎಚ್ಚರಿಕೆ ನೀಡಿ, ಮೂರನೇ ಬಾರಿ ಅಂಗಡಿಗೆ ಬೀಗ ಮುದ್ರೆ ಹಾಕುವಂತೆ ಪಾಲಿಕೆ ಆಯುಕ್ತರಿಗೆ ಸೂಚನೆ ನೀಡಿದ್ದೇವೆ ಎಂದೂ ಜಿಲ್ಲಾಧಿಕಾರಿ ಇದೇ ಸಂದರ್ಭದಲ್ಲಿ ಸ್ಪಷ್ಟಪಡಿಸಿದ್ದಾರೆ.