ದಾವಣಗೆರೆ, ನ.10- ಶ್ರೀ ಸೋಮವಂಶ ಸಹಸ್ರಾರ್ಜುನ ಕ್ಷತ್ರೀಯ ಸಮಾಜದ ಆರಾಧ್ಯ ದೈವ ಶ್ರೀ ರಾಜರಾಜೇಶ್ವರಿ ಸಹಸ್ರಾರ್ಜುನ ಮಹಾರಾಜರ ಜಯಂತ್ಯೋತ್ಸವವನ್ನು ನಗರದ ಶ್ರೀ ಜಯದೇವ ಮುರುಘರಾಜೇಂದ್ರ ವೃತ್ತದಲ್ಲಿನ ಶ್ರೀ ಶಂಕರ ಮಠದಲ್ಲಿ ಇಂದು ವಿಜೃಂಭಣೆಯಿಂದ ಆಚರಿಸಲಾಯಿತು.
ಶ್ರೀ ಸೋಮವಂಶ ಸಹಸ್ರಾರ್ಜುನ ಕ್ಷತ್ರೀಯ ಸಮಾಜದ ಅಧ್ಯಕ್ಷ ಮಲ್ಲಾರಸಾ ಆರ್‌. ಕಾಟ್ವೆ ಅವರ ಅಧ್ಯಕ್ಷತೆಯಲ್ಲಿ ದೂಡಾ ಅಧ್ಯಕ್ಷ ದಿನೇಶ್‌ ಕೆ. ಶೆಟ್ಟಿ ಅವರು ಶ್ರೀ ರಾಜರಾಜೇಶ್ವರಿ ಸಹಸ್ರಾರ್ಜುನ ಮಹಾರಾಜರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ದರು. ಹುಬ್ಬಳ್ಳಿಯ ಹೆಸರಾಂತ ಸಂಗೀತಗಾರ ಪಂಡಿತ್‌ ಬಾಲಚಂದ್ರ ನಾಕೋಡ್, ರಾಣೇಬೆನ್ನೂರಿನ ನಗರಸಭೆ ಸದಸ್ಯರಾದ ಶ್ರೀಮತಿ ತ್ರಿವೇಣಿ ಎನ್‌. ಪವಾರ್‌ ಅವರುಗಳು ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡು ಮಹಾರಾಜರ ಭಾವಚಿತ್ರಕ್ಕೆ ಮಾಲಾರ್ಪಣೆ ಮಾಡಿದರು.
ಎಸ್.ಎಸ್.ಕೆ. ಸಮಾಜದ ನಾಗರತ್ನ ಬದ್ದಿ, ಮಹೇಶ್‌ ಸೋಳಂಕೆ, ಕಾರ್ಯದರ್ಶಿ ಶುಭಾಂಜಲಿ ಕಠಾರೆ, ಪ್ರವೀಣ್‌ ಜಿ. ಕಾಟ್ವೆ ಮತ್ತು ಇತರರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಪೂಜಾ ಸೋಳಂಕಿ ನಿರೂಪಿಸಿದರು. ಗಿರೀಶ್‌ ಮೆಹರ್‌ವಾಡೆ ಸ್ವಾಗತಿಸಿದರು. ಅಮೃತರಾಜ ಬದ್ದಿ ವಂದಿಸಿದರು.