ದಾವಣಗೆರೆ, ಜು.1-ಬಾಡಾ ಕ್ರಾಸ್‌ನಲ್ಲಿರುವ ಶ್ರೀ ವೀರೇಶ್ವರ ಪುಣ್ಯಾಶ್ರಮದಲ್ಲಿ ನಾಡಿದ್ದು ದಿನಾಂಕ 3 ರ ಸೋಮವಾರ ಮಧ್ಯಾಹ್ನ 12 ಗಂಟೆಗೆ 268ನೇ ಗುರು ಪೂರ್ಣಿಮೆ, ಶಿವಾನುಭವ ಗೋಷ್ಠಿ ಮತ್ತು ಸಂಗೀತ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.
ಸಾನ್ನಿಧ್ಯವನ್ನು ಶ್ರೀ ಓಂಕಾರ ಶಿವಾಚಾರ್ಯ ಸ್ವಾಮೀಜಿ (ಆವರಗೊಳ್ಳ), ಶ್ರೀ ಕಲ್ಲಯ್ಯಜ್ಜನವರು (ಶ್ರೀ ವೀರೇಶ್ವರ ಪುಣ್ಯಾಶ್ರಮ) ವಹಿಸುವರು. ಅಧ್ಯಕ್ಷತೆಯನ್ನು ಅಥಣಿ ಎಸ್. ವೀರಣ್ಣ ವಹಿಸುವರು. ಮುಖ್ಯ ಅತಿಥಿಗಳಾಗಿ ಎ.ಹೆಚ್‌. ಶಿವಮೂರ್ತಿ ಸ್ವಾಮಿ, ರವೀಂದ್ರನಾಥ ಸಾಣೇಹಳ್ಳಿ, ಶ್ರೀಮತಿ ಕಲ್ಪನಾ, ಎಸ್. ನೀಲಕಂಠಪ್ಪ ಮತ್ತು ಮಕ್ಕಳು, ಮೊಮ್ಮಕ್ಕಳು ಆಗಮಿಸುವರು. ಕಾರ್ಯಕ್ರಮದಲ್ಲಿ ಆಶ್ರಮದ ಮಕ್ಕಳಿಂದ ಪ್ರಾರ್ಥನೆ ನಡೆಯುವುದು. ವೇ. ಶಿವಬಸಯ್ಯ ಚಿರಂತಿಮಠ ಸಭಾ ನಿರೂಪಣೆ ಮಾಡುವರು.
ಪ್ರಸಾದ ಸೇವೆಯನ್ನು ಡಾ. ಟಿ.ಜಿ. ನಿರಂಜನ್‌ ಹಾಗೂ ಕುಟುಂಬದವರು, ಪಾಲ ರಾಜಗುಪ್ತ, ಲಿಂ. ಶ್ರೀಮತಿ ಪಿ.ಆರ್‌. ಶಾರದ ಮತ್ತು ಸಹೋದರರು ಮತ್ತು ಮಕ್ಕಳು, ಮೊಮ್ಮಕ್ಕಳು ನಡೆಸಿಕೊಡುವರು.