ಮಾನ್ಯರೇ,

ನಮ್ಮ  ರಾಜ್ಯದಲ್ಲಿ  ಮೊದಲು ಮುಖ್ಯ  ಕಂದಾಯ  ವಿಭಾಗಗಳಿರುವ  ಬೆಂಗಳೂರು, ಮಂಗಳೂರು, ಗುಲ್ಬರ್ಗ ಮತ್ತು ಬೆಳಗಾವಿ  ಮಹಾನಗರಗಳಲ್ಲಿ ಮಾತ್ರ ವಿಶ್ವ ವಿದ್ಯಾನಿಲಯಗಳು ಇರುತ್ತಿದ್ದವು. ಆದರೆ  ಶಿಕ್ಷಣವು   ವ್ಯಾಪಾರೀಕರಣಗೊಳ್ಳುತ್ತಿರುವ  ಇತ್ತೀಚಿನ ವರ್ಷಗಳಲ್ಲಿ  ಅವು  ನಾಯಿಕೊಡೆಗ ಳಂತೆ  ತಲೆ  ಎತ್ತುತ್ತಿರುವುದೇನೋ ಸರಿ,  ಆದರೆ  ಹಲವು  ಕಡೆ ` ವಿಶ್ವವಿದ್ಯಾನಿಲಯ’  ಹಾಗೂ  ಕೆಲವು ಕಡೆ `ವಿಶ್ವವಿದ್ಯಾಲಯ’  ಎಂದು ಹೆಸರುಗಳಿರುವುದು  ಜನ ಸಾಮಾನ್ಯರಿಗೆ  ಗೊಂದಲ  ಉಂಟುಮಾಡುತ್ತಿದೆ.  ಶಿಕ್ಷಣ  ಸಂಸ್ಥೆಗಳೇ ಹೀಗೆ  ದ್ವಂದ್ವ ನಾಮಾವಳಿಗಳ  ಫಲಕಗಳನ್ನು  ಬರೆಸಿಕೊಂಡಿರುವುದು  ಎಷ್ಟು  ಸರಿ ?

 ಅದೇ ರೀತಿ ಮಂತ್ರಾಲಯ, ಸಚಿವಾಲಯ, ಗ್ರಂಥಾಲಯ,  ದೇವಾಲಯ, ಶಿವಾಲಯ, ಹೀಗೆ ಶಬ್ದಗಳ  ಬಳ್ಳಿ ಕುಡಿಯೊಡೆ ದರೆ   ನಾವು  ಯಾವ  ಕನ್ನಡ ಪದಕೋಶದಲ್ಲಿ  ಹುಡುಕಬೇಕಿದೆ ? ಈ ಹಿಂದೆ ಜನಪ್ರಿಯ  ಮಾಜಿ  ಪ್ರಧಾನಿಯಾಗಿದ್ದ   ಅಟಲ್ ಬಿಹಾರಿ  ವಾಜಪೇಯಿ , ವಾಜಪಾಯ್  , ವಾಜಪೈ, ವಾಜಪಾಯೇ, ಎಂದೆಲ್ಲಾ ಅಲ್ಲಲ್ಲಿ ಕೇಳಿ ಬರುತ್ತಿದ್ದವು. ಹೀಗೆ  ಭಾಷೆ  ಮತ್ತು ಉಚ್ಚಾರಗಳ  ಬಳಕೆ   ಸಂದರ್ಭದಲ್ಲಿ ದ್ವಂದ್ವ ಮತ್ತು ಗೊಂದಲಗಳ  ನೀತಿ ಏಕೆ ?

–  ಜೆ. ಎಸ್. ಚಂದ್ರನಾಥ, ನೀಲಾನಹಳ್ಳಿ,  8296522692