ಹರಪನಹಳ್ಳಿಯಲ್ಲಿ ಕೆಪಿಸಿಸಿ ವೀಕ್ಷಕ ಅಲ್ಲಂ ವೀರಭದ್ರಪ್ಪ

ಹರಪನಹಳ್ಳಿ, ಡಿ.20- ಗುಂಪುಗಾರಿಕೆಯಿಂದ ಪಕ್ಷ ಕಟ್ಟಲು ಸಾಧ್ಯವಿಲ್ಲ ಒಗ್ಗಟ್ಟಿನಿಂದ ಮಾತ್ರ ಪಕ್ಷ ಕಟ್ಟಲು ಸಾದ್ಯ  ಎಂದು ಕೆಪಿಸಿಸಿ ವೀಕ್ಷಕ , ಮಾಜಿ ಸಚಿವ ಅಲ್ಲಂ ವೀರಭದ್ರಪ್ಪ ಹೇಳಿದರು. 

ಪಟ್ಟಣದ ಆರ್.ಎಸ್.ಎನ್.ಶಾ ಲಾ ಆವರಣದಲ್ಲಿ ಗ್ರಾ.ಪಂ ಚುನಾವಣಾ ಸಂಬಂಧ ಆಯೋಜಿಸಿದ್ದ  ಕಾಂಗ್ರೆಸ್ ಪಕ್ಷದ ಸಿದ್ದತಾ ಸಭೆಯಲ್ಲಿ ಪಾಲ್ಗೊಂಡು ಅವರು ಮಾತನಾಡಿ ದರು. ವಿಧಾನಸಭಾ ಟಿಕೆಟ್ ಆಕಾಂಕ್ಷಿಗಳು ಈ ಗ್ರಾಮ ಪಂಚಾಯ್ತಿ ಚುನಾವಣೆಯಲ್ಲಿ ತಲಾ 50 ಅಭ್ಯರ್ಥಿಗಳನ್ನು ಗೆಲ್ಲಿಸಿ ಕೊಂಡು ಬರಬೇಕು, ಇಲ್ಲದಿದ್ದರೆ ತಮ್ಮ ಗುರಿ ಮುಟ್ಟಲು ಸಾದ್ಯವಿಲ್ಲ ಎಂದು ತಾಕೀತು ಮಾಡಿದರು.

ಗ್ರಾ.ಪಂ ಚುನಾವಣೆಯಲ್ಲಿ ಗೆಲ್ಲಿಸಿಕೊಂಡು ಬಂದರೆ ಲೀಡರ್ ಆಗುತ್ತೀರಿ. ಜನರ ಸೇವೆ ಮಾಡಿ ದರೆ ಜನರು ಗುರುತಿಸುತ್ತಾರೆ ಎಂದ  ವಿಧಾನಸಭಾ ಟಿಕೆಟ್ ಆಕಾಂಕ್ಷಿಗಳಿಗೆ ಸಲಹೆ ನೀಡಿದರು.

ಕಾಂಗ್ರೆಸ್ ಪಕ್ಷ ದೊಡ್ಡ ಪಕ್ಷ, ಅಂದಿನ ಸಂದರ್ಭದಲ್ಲಿ ವಿಧಾನಸಭಾ ಟಿಕೆಟ್ ಯಾರಿಗೆ ಕೊಡುತ್ತಾರೊ ಗೊತ್ತಿಲ್ಲ, ಯಾಕೆ ಕೊಡುತ್ತಾರೊ ಗೊತ್ತಿಲ್ಲ, ಎಲ್ಲರ ಪ್ರೀತಿ ವಿಶ್ವಾಸ ವಿದ್ದರೆ ಮಾತ್ರ ಶಾಸಕ ಸ್ಥಾನ ಗೆಲ್ಲಬಹುದು ಎಂದು ಹೇಳಿದರು.

ಜನರು ಬಿಜೆಪಿಯಿಂದ ದೂರವಾಗುತ್ತಿದ್ದಾರೆ. ಗ್ರಾ.ಪಂ ಹಂತದಿಂದ ಪಕ್ಷವನ್ನು ಬಲಪಡಿಸಿ ಎಂದು ತಿಳಿಸಿದರು. 

ಪ್ರತಿ ಗ್ರಾಮ ಪಂಚಾಯ್ತಿಗೆ ಒಬ್ಬೊಬ್ಬ ವೀಕ್ಷಕರನ್ನು ನೇಮಕ ಮಾಡುತ್ತೇನೆ. ಅವರು ಪ್ರತಿ ದಿನ ಸಂಜೆ ವರದಿ ಕೊಡಬೇಕು. ಆ ವರದಿಯನ್ನು ಕೆಪಿಸಿಸಿಗೆ ಕಳಿಸುತ್ತೇನೆ ಎಂದು ಹೇಳಿದರು.

ಕೋಆರ್ಡಿನೇಟರ್ ವಿಜಯಕುಮಾರ್‌, ವಾರದಗೌಸ, ಜಿಲ್ಲಾದ್ಯಕ್ಷ ಶಿವಯೋಗಿ,  ಕೆಪಿಸಿಸಿ ಮಹಿಳಾ ಕಾರ್ಯದರ್ಶಿ ಎಂ.ಪಿ.ಲತಾ,  ಕೆಪಿಸಿಸಿ ಮಾದ್ಯಮ ವಿಶ್ಲೇಷಕಿ  ಎಂ.ಪಿ.ವೀಣಾ,ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಬೇಲೂರು ಅಂಜಪ್ಪ, ಎಸ್ .ಮಂಜುನಾಥ, ಮುಖಂಡರಾದ ಎಚ್ .ಕೆ. ಹಾಲೇಶ, ಜಿ.ಪಂ ಸದಸ್ಯ ಎಚ್ .ಬಿ.ಪರಶುರಾಮಪ್ಪ, ಶಶಿಧರ ಪೂಜಾರ, ಸಾಬಳ್ಳಿ ಜಂಬಣ್ಣ, ಎಂ.ವಿ.ಅಂಜಿನಪ್ಪ, ಡಾ.ಮಹಂತೇಶ ಚರಂತಿಮಠ್ ,ಟಿ.ವೆಂಕಟೇಶ, ಪ್ರಕಾಶ ಪಾಟೀಲ, ಪಿ.ಎಲ್ ಪ್ರೇಮ್ಯನಾಯ್ಕ, ಮತ್ತಿಹಳ್ಳಿ ಅಜ್ಜಣ್ಣ ಇತರರು ಹಾಜರಿದ್ದರು.