ದಾವಣಗೆರೆ, ಆ. 27- ಜಿಲ್ಲೆಯಲ್ಲಿ ಬುಧವಾರ 232 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, 5 ಜನರು ಸಾವನ್ನಪ್ಪಿದ್ದಾರೆ. 162 ಜನರು ಸೋಂಕು ಮುಕ್ತರಾಗಿ ಬಿಡುಗಡೆಯಾಗಿದ್ದಾರೆ.
ಇಲ್ಲಿಯವರೆಗೆ 7760 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, 172 ಜನರು ಸಾವನ್ನಪ್ಪಿದ್ದಾರೆ. ಪ್ರಸ್ತುತ 1796 ಸಕ್ರಿಯ ಪ್ರಕರಣಗಳಿವೆ.
ದಾವಣಗೆರೆ ತಾಲ್ಲೂಕಿನಲ್ಲಿ 103, ಹರಿಹರ 60, ಜಗಳೂರು 4, ಚನ್ನಗಿರಿ 30, ಹೊನ್ನಾಳಿ 26 ಹಾಗೂ ಹೊರ ಜಿಲ್ಲೆಯ 9 ಜನರಲ್ಲಿ ಸೋಂಕು ದೃಢಪಟ್ಟಿದೆ.
ದಾವಣಗೆರೆ ರಾಜೇಂದ್ರ ಬಡಾವಣೆಯ 46 ವರ್ಷದ ಪುರುಷ, ಬಸಾಪುರದ 60ರ ಪುರುಷ, ಹೊನ್ನೂರಿನ 65 ವರ್ಷದ ಮಹಿಳೆ, ಜಗಳೂರಿನ 78 ವರ್ಷದ ವೃದ್ಧೆ ಹಾಗೂ ಹಾವೇರಿ ಜಿಲ್ಲೆಯ ರಾಣೇಬೆನ್ನೂರಿನ 55 ವರ್ಷದ ಪುರುಷ ಕೋವಿಡ್‌ನಿಂದಾಗಿ ಮೃತಪಟ್ಟಿದ್ದಾರೆ.
ಹರಿಹರ ತಾಲ್ಲೂಕಿನಲ್ಲಿ ಶತಕ
ಹರಿಹರ : ನಗರದ ಬೆಂಕಿನಗರ, ಎ.ಕೆ. ಕಾಲೋನಿ, ವಿಜಯನಗರ ಬಡಾವಣೆ, ಪ್ರಶಾಂತನಗರ, ಹರ್ಲಾಪುರ ಬಡಾವಣೆ ಹಾಗೂ ಗ್ರಾಮೀಣ ಪ್ರದೇಶದ ನಿಟ್ಟೂರು, ಗಂಗನಹರಸಿ, ಕುಂಬಳೂರು, ಮಲೆಬೆನ್ನೂರು, ಪಾಮೇನಹಳ್ಳಿ, ಗುತ್ತೂರು, ಕೆ.ಎನ್. ಹಳ್ಳಿ, ಹೊಸಪಾಳ್ಯ, ಭಾನುವಳ್ಳಿ, ಹಾಲಿವಾಣ, ಸಂಕ್ಲಿಪುರ, ಉಕ್ಕಡಗಾತ್ರಿ, ಬನ್ನಿಕೋಡು, ನಂದಿತಾವರೆ ಸೇರಿದಂತೆ ಇತರೆ ಗ್ರಾಮಗಳಲ್ಲಿ ಒಟ್ಟು 116 ವ್ಯಕ್ತಿಗಳಿಗೆ ಕೊರೊನಾ ಸೋಂಕು ದೃಡಪಟ್ಟಿದ್ದು, ಒರ್ವ ವ್ಯಕ್ತಿ ಮರಣ ಹೊಂದಿರುವುದಾಗಿ ತಹಶೀಲ್ದಾರ್ ಕೆ.ಬಿ ರಾಮಚಂದ್ರಪ್ಪ ತಿಳಿಸಿದರು.
ನಗರದಲ್ಲಿ 645 ಗ್ರಾಮೀಣ ಪ್ರದೇಶದಲ್ಲಿ 524 ಸೇರಿದಂತೆ ಒಟ್ಟು ಇಲ್ಲಿಯವರೆಗೆ 1169 ವ್ಯಕ್ತಿಗಳಿಗೆ ಕೊರೊನಾ ಸೋಂಕು ಹರಡಿದೆ. 609 ಜನರು ಚಿಕಿತ್ಸೆ ಪಡೆದುಕೊಂಡು ಗುಣಮುಖರಾಗಿದ್ದಾರೆ. ಐಸೋಲೇಷನ್ ನಲ್ಲಿ 422, ದಾವಣಗೆರೆ ಸಿ.ಜೆ. ಆಸ್ಪತ್ರೆಯಲ್ಲಿ 154, ಕೋವಿಡ್ ಕೇರ್ ಸೆಂಟರ್ ನಲ್ಲಿ 179, ಹರಿಹರದ ಸಾರ್ವಜನಿಕ ಆಸ್ಪತ್ರೆಯಲ್ಲಿ 327 ವ್ಯಕ್ತಿಗಳು ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಇಂದು 264 ವ್ಯಕ್ತಿಗಳಿಗೆ ಗಂಟಲು ದ್ರವ ಪರೀಕ್ಷೆ ಮಾಡಲಾಗಿದ್ದು ಇಲ್ಲಿಯವರೆಗೆ 12,165 ಜನರಿಗೆ ಗಂಟಲು ದ್ರವ ಪರೀಕ್ಷೆ ಮಾಡಲಾಗಿದೆ. ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ 358 ಕಂಟೋನ್ಮೆಂಟ್ ಝೋನ್ ಗಳು ಇದ್ದು ಅದರಲ್ಲಿ 190 ಅವಧಿ ಮುಗಿದಿದ್ದು ಉಳಿದ 168 ಕಂಟೋನ್ಮೆಂಟ್ ಝೋನ್ ಗಳಲ್ಲಿ ವಾಸಿಸುವ ಸಾರ್ವಜನಿಕರಿಗೆ ಯಾವುದೇ ರೀತಿಯ ತೊಂದರೆ ಆಗದಂತೆ ಎಲ್ಲಾ ರೀತಿಯ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ತಾಲ್ಲೂಕು ಆರೋಗ್ಯ ಅಧಿಕಾರಿ ಡಾ. ಚಂದ್ರಮೋಹನ್, ಡಾ. ಹನುಮನಾಯ್ಕ್, ಪೌರಾಯುಕ್ತೆ ಎಸ್. ಲಕ್ಷ್ಮೀ, ನಗರಸಭೆ ಎಇಇ ಬಿರಾದಾರ, ಆರೋಗ್ಯ ಇಲಾಖೆಯ ವಿಮಲನಾಯಕ್ ಇತರರು ಹಾಜರಿದ್ದರು.
ನಿಟ್ಟೂರು-ಹಾಲಿವಾಣ ಸೇರಿ 67 ಜನರಿಗೆ ಸೋಂಕು
ಮಲೇಬೆನ್ನೂರು, ಆ.26- ಮಲೇಬೆನ್ನೂರು ಹೋಬಳಿಯಲ್ಲಿ ಇಂದು 67 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ನಿಟ್ಟೂರಿನ ಒಂದೇ ಮನೆಯಲ್ಲಿ 17 ಜನರಿಗೆ ಪಾಸಿಟಿವ್ ಬಂದಿದೆ. ಆದರೆ ಅವರೆಲ್ಲರೂ ಆರೋಗ್ಯವಾಗಿದ್ದಾರೆ ಎಂದು ಉಪತಹಶೀಲ್ದಾರ್ ಆರ್. ರವಿ ತಿಳಿಸಿದ್ದಾರೆ.
ನಿಟ್ಟೂರಿನಲ್ಲಿ ಒಟ್ಟು 25 ಜನರಿಗೆ, ಹಾಲಿವಾಣದಲ್ಲಿ 13, ವಡೆಯರ ಬಸಾಪುರದಲ್ಲಿ 9, ಮಲೇಬೆನ್ನೂರಿನಲ್ಲಿ 3, ಕುಂಬಳೂರಿನಲ್ಲಿ 4, ಕೊಮಾರನಹಳ್ಳಿ ತಾಂಡಾದಲ್ಲಿ 3, ಸಂಕ್ಲೀಪುರದಲ್ಲಿ 2 ಹಾಗೂ ಕೊಪ್ಪ ಮತ್ತು ಉಕ್ಕಡಗಾತ್ರಿಯಲ್ಲಿ ತಲಾ ಒಬ್ಬರಿಗೆ ಸೋಂಕು ಕಾಣಿಸಿಕೊಂಡಿದೆ ಎಂದು ರವಿ ಮಾಹಿತಿ ನೀಡಿದ್ದಾರೆ. ಭಾನುವಳ್ಳಿ ಗ್ರಾಮದಲ್ಲೂ ಈ ದಿನ 7 ಜನರಿಗೆ ಪಾಸಿಟಿವ್ ಬಂದಿದೆ.
70 ಜನರಿಗೆ ಟೆಸ್ಟ್: ಇಂದು ಹೊಳೆಸಿರಿಗೆರೆಯಲ್ಲಿ 35 ಜನರಿಗೆ, ಕುಂಬಳೂರಿನಲ್ಲಿ 7, ಕೊಮಾರನಹಳ್ಳಿ 6 ಮತ್ತು ಮಲೇ ಬೆನ್ನೂರಿನ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ 32 ಜನರಿಗೆ ಕೊರೊನಾ ಟೆಸ್ಟ್ ಮಾಡಿದ್ದು, ಹೊಳೆಸಿರಿಗೆರೆಯಲ್ಲಿ ಇಬ್ಬರಿಗೆ ಹಾಗೂ ಮಲೇಬೆನ್ನೂರಿನಲ್ಲಿ ನಾಲ್ವರಿಗೆ ಪಾಸಿಟಿವ್ ಬಂದಿದೆ ಎಂದು ಹಿರಿಯ ಆರೋಗ್ಯ ಸಹಾಯಕ ಎಂ. ಉಮ್ಮಣ್ಣ ತಿಳಿಸಿದ್ದಾರೆ.