ಸ್ವಂತ ವ್ಯಕ್ತಿತ್ವದ ರಾಷ್ಟ್ರೀಯ ಸಂಸ್ಕೃತಿಯ ಭಾವ : ಸಚಿವ

ದಾವಣಗೆರೆ, ನ.1 – ಕರ್ನಾಟಕ ವೆಂದರೆ ಕೇವಲ ಗಡಿರೇಖೆಯ ಒಳಗೆ ಸೀಮಿತವಾದ ಭೌಗೋಳಿಕ ಪ್ರದೇಶವಲ್ಲ. ಅದು ಕನ್ನಡದ ಸ್ವಂತ ವ್ಯಕ್ತಿತ್ವದ ಹಿನ್ನೆಲೆಯಲ್ಲಿ ರಾಷ್ಟ್ರೀಯ ಸಂಸ್ಕೃತಿಯನ್ನು ಪ್ರತಿಪಾದಿಸುವ ಅತ್ಯುನ್ನತ ಭಾವ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಭೈರತಿ ಬಸವರಾಜ ಹೇಳಿದ್ದಾರೆ.

ನಗರದ ಜಿಲ್ಲಾ ಕ್ರೀಡಾಂಗಣದಲ್ಲಿ ಜಿಲ್ಲಾಡಳಿತದ ವತಿಯಿಂದ ಆಯೋಜಿ ಸಲಾಗಿದ್ದ ಕನ್ನಡ ರಾಜ್ಯೋತ್ಸವದ ಸಂದ ರ್ಭದಲ್ಲಿ ಧ್ವಜಾರೋಹಣ ನೆರವೇರಿಸಿದ ನಂತರ ರಾಜ್ಯೋತ್ಸವ ಸಂದೇಶ ನೀಡಿ ಅವರು ಮಾತನಾಡುತ್ತಿದ್ದರು.

ದಾಸ, ಭಕ್ತಿ ಪರಂಪರೆ, ವಚನ ಸಾಹಿತ್ಯದ ಮೂಲಕ ಸಾಮಾಜಿಕ ಕ್ರಾಂತಿ ಮಾಡಿ ನಾಡು, ನುಡಿಯನ್ನು ಶ್ರೀಮಂತಗೊಳಿಸಲಾಗಿದೆ. ಬಹುತ್ವದ ಸ್ಥಳೀಯತೆಯನ್ನು ಗೌರವಿಸುವ ಹಾಗೂ ಒಕ್ಕೂಟದ ಭಾವೈಕ್ಯತೆ ಬಲಗೊಳಿಸುವ ಸಂವಿಧಾನದ ಆಶಯಕ್ಕೆ ಅನುಗುಣವಾಗಿ ಭಾಷಾವಾರು ಪ್ರಾಂತ್ಯಗಳ ರಚನೆಯಾಗಿದೆ. ಪ್ರತಿ ರಾಜ್ಯದ ರಾಜ್ಯ ಭಾಷೆಯು ಈ ನೆಲದ ಸಾರ್ವಭೌಮ ಭಾಷೆಯಾಗಿದೆ ಎಂದು ತಿಳಿಸಿದರು.

ಜಾಗತೀಕರಣದ ಹಿನ್ನೆಲೆಯಲ್ಲಿ ಇಂಗ್ಲಿಷ್ ಜ್ಞಾನ ಅವಶ್ಯಕವಾಗಿದ್ದರೂ, ಮಾೃತಭಾಷೆ ಕನ್ನಡಕ್ಕೆ ಮೊದಲ ಆದ್ಯತೆ. ನಮ್ಮ ಶಿಕ್ಷಣ ನೀತಿಯೂ ಮಾತೃ ಭಾಷೆಗೆ ಹೆಚ್ಚಿನ ಒತ್ತು ನೀಡಿದೆ. ಕನ್ನಡ ಮಾಧ್ಯಮ ಶಾಲೆಗಳನ್ನು ಉಳಿಸಿ, ಬೆಳೆಸುವ ಹಾಗೂ ಕನ್ನಡ ಭಾಷೆಯ ಸೊಗಡು ಉಳಿಸಿ, ಸೊಬಗು ಹೆಚ್ಚಿಸುವ ಕೆಲಸ ಇನ್ನಷ್ಟು ಆಗಬೇಕಿದೆ ಎಂದು ಕರೆ ನೀಡಿದರು.

ಕೊರೊನಾ ಇಳಿಮುಖವಾಗಿರುವುದಕ್ಕೆ ಇದೇ ಸಂದರ್ಭದಲ್ಲಿ ಸಂತೋಷ ವ್ಯಕ್ತಪಡಿಸಿದ ಅವರು, ಒಂದನೇ ತರಗತಿಯಿಂದ ಶಾಲೆಗಳು ಆರಂಭವಾ ಗಿರುವುದು ಶುಭ ಸಮಾಚಾರ ಎಂದು ಹೇಳಿದರು.

ಶಾಸಕ ಎಸ್.ಎ. ರವೀಂದ್ರನಾಥ್ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು.

ಜಿಲ್ಲೆಯ 51 ಸಾಧಕರಿಗೆ ಕರ್ನಾಟಕ ರಾಜ್ಯೋತ್ಸವ ಸನ್ಮಾನ

ದಾವಣಗೆರೆ, ನ.1 – ಕನ್ನಡ ರಾಜ್ಯೋತ್ಸವದ ಅಂಗವಾಗಿ ನಾಡು – ನುಡಿಗೆ ಸೇವೆ ಸಲ್ಲಿಸಿದ 51 ಗಣ್ಯರಿಗೆ ಜಿಲ್ಲಾಡಳಿತದ ವತಿಯಿಂದ ಸನ್ಮಾನಿಸಲಾಯಿತು.

ಸನ್ಮಾನಿತರ ಪಟ್ಟಿ : ಜಾನಪದ : ಈಶ್ವರಪ್ಪ – ಹೊನ್ನಾಳಿ, ಎಸ್.ಕೆ. ಜಯಪ್ಪ – ಹರಿಹರ, ಸಿ.ಹೆಚ್. ಉಮೇಶ್ ನಾಯ್ಕ – ದಾವಣಗೆರೆ, ಡಿ.ಜಿ. ನಾಗರಾಜ್ – ದಾವಣಗೆರೆ, ಎ.ಹೆಚ್. ವೀರಪ್ಪ – ಹರಿಹರ.
ಕ್ರೀಡೆ : ಎನ್. ಪರಶುರಾಮಪ್ಪ – ದಾವಣಗೆರೆ, ಎ. ಅಬ್ದುಲ್ ಗಫಾರ್ – ದಾವಣಗೆರೆ, ಎ. ಸುಧಾ – ದಾವಣಗೆರೆ.
ಸಂಘ – ಸಂಸ್ಥೆ : ಶ್ರೀ ವೀರೇಶ್ವರ ಪುಣ್ಯಾಶ್ರಮ, ದಾವಣಗೆರೆ
ಡ್ರಾಮಾ ಸೀನ್ಸ್ : ರಾಮಾಚಾರಿ, ದಾವಣಗೆರೆ
ಶಿಕ್ಷಣ : ಎ.ಬಿ. ರಾಮಚಂದ್ರಪ್ಪ-ದಾವಣಗೆರೆ, ಅನಿತಾ ದೊಡ್ಡಗೌಡರ್ – ದಾವಣಗೆರೆ. ರಂಗಭೂಮಿ : ಜೈಲಕ್ಷ್ಮಿ ಹೆಗಡೆ – ದಾವಣಗೆರೆ, ಸಿ.ವಿ. ನಾಗೇಶ್ – ಜಗಳೂರು, ವೀರಪ್ಪ ಅಂದಲಗಿ – ಹರಿಹರ.
ಕೃಷಿ : ಡಾ. ಎನ್.ಎಸ್. ವೆಂಕಟರಾಮಾಂಜನೇಯ – ಹರಿಹರ, ದ್ಯಾವಣ್ಣ ಹಾಲವರ್ತಿ, ರೇಖಾ – ದಾವಣಗೆರೆ.
ಶಿಲ್ಪಕಲೆ : ಡಾ. ಎಂ.ಕೆ. ಗಿರೀಶ್ ಕುಮಾರ್ – ದಾವಣಗೆರೆ, ಎ. ಷಣ್ಮುಖಾಚಾರ್ಯ – ಹೊನ್ನಾಳಿ.
ಚಿತ್ರಕಲೆ : ಉಷಾರಾಣಿ – ದಾವಣಗೆರೆ.
ನೃತ್ಯ : ರಜನಿ ಕುಲಕರ್ಣಿ – ದಾವಣಗೆರೆ.
ಸಂಗೀತ : ಗೀತಾ ಮಾಲತೇಶ್ – ದಾವಣಗೆರೆ.,
ಭಜನೆ : ಎಂ.ಎನ್. ಮಾರ್ತಾಂಡಪ್ಪ – ದಾವಣಗೆರೆ.
ಸಾಹಿತ್ಯ : ಸೀತಾ ನಾರಾಯಣ – ಹರಿಹರ, ಡಾ. ಎಸ್.ಹೆಚ್. ವಿನಯ್ ಕುಮಾರ್ ಸಾಹುಕಾರ್ – ದಾವಣಗೆರೆ, ಮಲಮ್ಮ ನಾಗರಾಜ್‌ – ದಾವಣಗೆರೆ.
ಸಮಾಜ ಸೇವೆ : ಎಸ್. ಚೈತ್ರ – ದಾವಣಗೆರೆ, ಮಂಜುಳ ಬಸವಲಿಂಗಪ್ಪ – ದಾವಣಗೆರೆ, ಆರ್.ಎಸ್. ತಿಪ್ಪೇಸ್ವಾಮಿ – ದಾವಣಗೆರೆ, ಎ.ಆರ್. ವೀರಭದ್ರಪ್ಪ – ಸಮಾಜ ಸೇವೆ.
ಕನ್ನಡಪರ ಹೋರಾಟ : ಟಿ.ಎಂ. ಶಿವಯೋಗಿಸ್ವಾಮಿ – ದಾವಣಗೆರೆ, ಬಸಮ್ಮ – ದಾವಣಗೆರೆ, ಟಾರ್ಗೆಟ್ ಅಸ್ಲಂ – ದಾವಣಗೆರೆ.
ಪತ್ರಿಕೋದ್ಯಮ : ಮಂಜುನಾಥ ಗೌರಕ್ಕಳವರ್ – ದಾವಣಗೆರೆ, ಮೊಹಮ್ಮದ್ ರಫೀಕ್ – ದಾವಣಗೆರೆ, ಎ.ಪಿ. ಸಂಜಯ್ – ದಾವಣಗೆರೆ, ಎಸ್. ಹನುಮಂತಪ್ಪ ಹಾಲಿವಾಣ- ದಾವಣಗೆರೆ
ಪತ್ರಿಕಾ ವಿತರಣೆ : ಎ.ಎನ್. ಕೃಷ್ಣಮೂರ್ತಿ – ದಾವಣಗೆರೆ.
ಸಂಕೀರ್ಣ : ದಿಳ್ಯಪ್ಪ – ದಾವಣಗೆರೆ, ಸುಬ್ರಮಣ್ಯ ನಾಡಿಗೇರ್ – ಹರಿಹರ, ಕೆ.ಹೆಚ್. ಮೆಹಬೂಬ್ – ದಾವಣಗೆರೆ.
ನವೋದ್ಯಮ : ಶಂಭುಲಿಂಗಪ್ಪ ಬಸವನಾಳು – ದಾವಣಗೆರೆ, ನಾಗನಗೌಡ ಮಲಕಾಜಿ – ದಾವಣಗೆರೆ.
ತಂಬೂರಿ ವಾದನ : ತಂಬೂರಿ ಉಮಾನಾಯ್ಕ – ದಾವಣಗೆರೆ
ತಬಲಾ ವಾದನ : ರಾಜು ಹಿರೇಮಠ – ದಾವಣಗೆರೆ
ಬಯಲಾಟ : ಎ.ಡಿ. ತಿಪ್ಪೇಸ್ವಾಮಿ – ಜಗಳೂರು.
ಪರಿಸರ : ಡಾ. ಶಾಂತಾಭಟ್ – ದಾವಣಗೆರೆ
ವೈದ್ಯಕೀಯ : ಡಾ.ಎ.ಎಂ. ಶಿವಕುಮಾರ್ – ದಾವಣಗೆರೆ, ಡಾ. ಎಸ್.ಬಿ. ಮುರುಗೇಶ್ – ದಾವಣಗೆರೆ.
ಸಮಾಜ ಸೇವೆ : ಡಾ. ಪ್ರಸಾದ್ ಬಂಗೇರ – ದಾವಣಗೆರೆ.

14 ಶಿಕ್ಷಕರಿಗೆ ಪ್ರಶಸ್ತಿ ವಿತರಣೆ

ದಾವಣಗೆರೆ, ನ. 1 – ಜಿಲ್ಲಾ ಮಟ್ಟದಲ್ಲಿ ಪ್ರೌಢಶಾಲೆ ಮತ್ತು ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಸಾಧನೆ ಮಾಡಿರುವ 14 ಶಿಕ್ಷಕರಿಗೆ ಕನ್ನಡ ರಾಜ್ಯೋತ್ಸವದ ಸಂದರ್ಭದಲ್ಲಿ ಪ್ರಶಸ್ತಿಯನ್ನು ವಿತರಿಸಲಾಗಿದೆ.

ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಭೈರತಿ ಅವರು ಪ್ರಶಸ್ತಿಯೊಂದಿಗೆ ವೈಯಕ್ತಿಕವಾಗಿ 10 ಸಾವಿರ ರೂ. ನಗದು ಬಹುಮಾನವನ್ನು ವಿತರಿಸಿದರು.

ಪುರಸ್ಕೃತ ಪ್ರಾಥಮಿಕ ಶಾಲಾ ಶಿಕ್ಷಕರು : ಸುರೇಖಾ, ಲಿಂಗದಳ್ಳಿ, ಚನ್ನಗಿರಿ ತಾಲ್ಲೂಕು. ನಾಗವೇಣಿ, ದಾವಣಗೆರೆ. ಲೋಕಣ್ಣ ಮಾಗೋಡು, ಆನಗೋಡು. ಶರಣಕುಮಾರ ಹೆಗಡೆ ಧೂಳೆಹೊಳೆ, ಹರಿಹರ ತಾಲ್ಲೂಕು. ರತ್ನಮ್ಮ, ಹೊನ್ನಾಳಿ. ಕಮಲಾಕ್ಷಿ ಸುರಹೊನ್ನೆ, ನ್ಯಾಮತಿ ತಾಲ್ಲೂಕು. ಡಿ. ಬಸವರಾಜ್ ದಿದ್ದಿಗಿ, ಜಗಳೂರು ತಾಲ್ಲೂಕು.

ಪ್ರೌಢಶಾಲೆ ವಿಭಾಗ : ಎಂ.ಬಿ. ಪ್ರಭಾಕರ್ ಹಿರೇಕೊಗಲೂರು, ಚನ್ನಗಿರಿ ತಾಲ್ಲೂಕು. ರಾಜೇಶ್ವರಿ, ಮೆಳ್ಳೇಕಟ್ಟೆ ದಾವಣಗೆರೆ ತಾಲ್ಲೂಕು. ಸುಜಾತ ಎಚ್.ಎನ್. ದಾವಣಗೆರೆ. ಜ್ಯೋತಿ ಪಿ.ಎಂ., ಬನ್ನಿಕೋಡು ಹರಿಹರ ತಾಲ್ಲೂಕು. ದೇವರಾಜ, ಉಮಾ, ಬೇಲಿಮಲ್ಲೂರು, ಹೊನ್ನಾಳಿ ತಾಲ್ಲೂಕು. ವಿಶ್ವನಾಥ ಸಿ.ಎಂ. ಬೆಳಗುತ್ತಿ ಮಲ್ಲಿಗೇನಹಳ್ಳಿ, ನ್ಯಾಮತಿ ತಾಲ್ಲೂಕು. ಶಶಿರೇಖಾ ದೊಣ್ಣೆಹಳ್ಳಿ, ಜಗಳೂರು ತಾಲ್ಲೂಕು.

‘ಜನತಾವಾಣಿ’ ಛಾಯಾಗ್ರಾಹಕ ರಫೀಕ್‌ಗೆ ರಾಜ್ಯೋತ್ಸವ ಸನ್ಮಾನ

ದಾವಣಗೆರೆ, ನ.1 – ಜನತಾವಾಣಿ ಪತ್ರಿಕೆಯ ಛಾಯಾಗ್ರಾಹಕ ಯು.ಜಿ. ಮೊಹಮ್ಮದ್ ರಫೀಕ್ ಅವರು ಈ ಬಾರಿಯ ಕನ್ನಡ ರಾಜ್ಯೋತ್ಸವದ ಅಂಗವಾಗಿ ಜಿಲ್ಲಾಡಳಿತದಿಂದ ಸನ್ಮಾನಿತರಾಗಿದ್ದಾರೆ.
ಕಳೆದ 20 ವರ್ಷಗಳಿಂದ ರಫೀಕ್ ಅವರು ಪತ್ರಿಕೆಯಲ್ಲಿ ಛಾಯಾಗ್ರಾಹಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಈ ಸಂದರ್ಭದಲ್ಲಿ ಸಂಸದ ಜಿ.ಎಂ. ಸಿದ್ದೇಶ್ವರ, ಮೇಯರ್ ಎಸ್.ಟಿ. ವೀರೇಶ್, ದೂಡಾ ಅಧ್ಯಕ್ಷ ದೇವರಮನಿ ಶಿವಕುಮಾರ್, ಐ.ಜಿ.ಪಿ. ರವಿ, ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ, ಜಿ.ಪಂ. ಸಿಇಒ ವಿಜಯ ಮಹಾಂತೇಶ ದಾನಮ್ಮನವರ್, ಅಪರ ಜಿಲ್ಲಾಧಿಕಾರಿ ಪೂಜಾರ್ ವೀರಮಲ್ಲಪ್ಪ, ಪಾಲಿಕೆ ಆಯುಕ್ತ ವಿಶ್ವನಾಥ್ ಮುದಜ್ಜಿ ಮತ್ತಿತರರು ಉಪಸ್ಥಿತರಿದ್ದರು.

ಇದೇ ಸಂದರ್ಭದಲ್ಲಿ ನಾಡು – ನುಡಿಗಾಗಿ ಸೇವೆ ಸಲ್ಲಿಸಿದ 51 ಗಣ್ಯರನ್ನು ಸನ್ಮಾನಿಸಲಾಯಿತು. ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗಗಳಲ್ಲಿ 14 ಉತ್ತಮ ಶಿಕ್ಷಕರಿಗೆ ಪ್ರಶಸ್ತಿ ನೀಡಲಾಯಿತು.

ಸಮಾರಂಭದಲ್ಲಿ ಮೀಸಲು ಪೊಲೀಸ್ ಪಡೆ, ಗ್ರಾಮಾಂತರ ಉಪ ವಿಭಾಗ, ಅರಣ್ಯ ಇಲಾಖೆ, ಗೃಹ ರಕ್ಷಕ ದಳ, ಅಗ್ನಿ ಶಾಮಕ ದಳ ಹಾಗೂ ಪೊಲೀಸ್ ವಾದ್ಯ ವೃಂದಗಳಿಂದ ಕವಾಯತು ನಡೆಯಿತು. ಸಚಿವ ಭೈರತಿ ಅವರು ಗೌರವ ವಂದನೆ ಸ್ವೀಕರಿಸಿದರು.

ಇದಕ್ಕೂ ಮುಂಚೆ ಮಹಾನಗರ ಪಾಲಿಕೆ ಮುಂಭಾಗದಿಂದ ಆರಂಭವಾಗಿ ವಿದ್ಯಾರ್ಥಿ ಭವನದ ಮಾರ್ಗವಾಗಿ ಜಿಲ್ಲಾ ಕ್ರೀಡಾಂಗಣದವರೆಗೆ ಭುವನೇಶ್ವರಿ ದೇವಿಯ ಭಾವಚಿತ್ರದ ಮೆರವಣಿಗೆ ಕಲಾ ತಂಡಗಳೊಂದಿಗೆ ನೆರವೇರಿತು.

ಕಾಡಿದ ಪ್ರೇಕ್ಷಕರ ಕೊರತೆ : ರಾಜ್ಯೋತ್ಸವದ ಸಮಾರಂಭದಲ್ಲಿ ಪ್ರೇಕ್ಷಕರ ಕೊರತೆ ಕಾಡಿತು. ಮೆರವಣಿಗೆಯಲ್ಲೂ ಸಹ ಜನರ ಸಂಖ್ಯೆ ಕಡಿಮೆ ಇತ್ತು. ರಾಜ್ಯ ಸರ್ಕಾರ ರಾಜ್ಯೋತ್ಸವಕ್ಕೆ ಗರಿಷ್ಠ 500 ಜನ ಭಾಗವಹಿಸಬಹುದು ಎಂದು ಅನುಮತಿ ನೀಡಿತ್ತು. ಆದರೆ, ಕೈಬೆರಳಣಿಕೆಯಷ್ಟೇ ಜನ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಕೊರೊನಾ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳಿಂದ ಯಾವುದೇ ಕಾರ್ಯಕ್ರಮಗಳು ನೆರವೇರಲಿಲ್ಲ. ಇದೂ ಸಹ ಪ್ರೇಕ್ಷಕರ ನಿರಾಸಕ್ತಿಗೆ ಕಾರಣವಾಗಿತ್ತು.