ಹರಿಹರ, ಜು.11- ಹರಿಹರ ಬಿ ವಲಯದಲ್ಲಿ ಪರಿಸರ ಕಾರ್ಯಕ್ರಮ ಅಂಗವಾಗಿ ಗಿರಿಯಮ್ಮ ಪ್ರೌಢಶಾಲೆ ಆವರಣದಲ್ಲಿ ಗಿಡ ನೆಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಇದೇ ವೇಳೆ ಗ್ರೀನ್ ವೇ ಕುಕ್‌ ಸ್ಟೌವ್ ಕುರಿತು ಮಾಹಿತಿ ನೀಡಲಾಯಿತು. ಶಾಲೆಯ ಮುಖ್ಯ ಶಿಕ್ಷಕ ಡಿ.ಎನ್. ಜೋಶಿ ಉದ್ಘಾಟನೆ ನೆರವೇರಿಸಿದರು.
ಮುಖ್ಯ ಅತಿಥಿಗಳಾಗಿ ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆ ಯೋಜನಾಧಿಕಾರಿ ಗಣಪತಿ ಮಾಳಂಜಿ ಆಗಮಿಸಿ ದ್ದರು. ಪ್ರೌಢಶಾಲೆಯ ಉಪ ಶಿಕ್ಷಕಿ ಕಮಲಾ, ಪ್ರಾಥಮಿಕ ಶಾಲಾ ಶಿಕ್ಷಕ ರಮೇಶ್ ಉಪಸ್ಥಿತರಿದ್ದರು. ಗ್ರೀನ್‌ವೇ ಮೇಲ್ವಿಚಾರಕ ಶಂಕರ್, ಒಕ್ಕೂಟದ ಅಧ್ಯಕ್ಷೆ ಶಬೀನಾ, ವಲಯ ಮೇಲ್ವಿಚಾರಕ ಸಿದ್ದಯ್ಯ, ಶಾರದ, ಸಾವಿತ್ರಿ ಮತ್ತಿತರರು ಉಪಸ್ಥಿತರಿದ್ದರು.