ದಾವಣಗೆರೆ, ಜು.12- ರೈತನೋರ್ವನನ್ನು ಅಡ್ಡಗಟ್ಟಿದ ದುಷ್ಕರ್ಮಿ ಗಳು ನಗದು ಹಣ, ಮೊಬೈಲ್ ಫೋನ್ ಕಿತ್ತುಕೊಂಡು ಪರಾರಿಯಾದ ಘಟನೆ ತಾಲ್ಲೂಕಿನ ಚಿಕ್ಕ ಬೂದಿಹಾಳ್ ಗ್ರಾಮದ ಸಮೀಪ ನಡೆದಿದೆ.
ದಾವಣಗೆರೆಯಲ್ಲಿ ಭತ್ತದ ವ್ಯಾಪಾರಕ್ಕೆ ಬಂದಿದ್ದ ರೇವಣಸಿದ್ದಪ್ಪ ಎಂಬ ರೈತ ತಮ್ಮ ಬೈಕ್‌ನಲ್ಲಿ ಊರಿಗೆ ಮರಳುವಾಗ ನಂಬರ್ ಪ್ಲೇಟ್ ಇಲ್ಲದ ಬೈಕ್‌ನಲ್ಲಿ ಬಂದ ಮೂವರು ಅಡ್ಡಗಟ್ಟಿದ್ದಾರೆ. ನಂತರ ರೇವಣಸಿದ್ದಪ್ಪನ ತಲೆಗೆ ಕಲ್ಲಿನಿಂದ ಹೊಡೆದು ಈ ಕೃತ್ಯ ನಡೆಸಿದ್ದಾರೆಂದು ಆರೋಪಿಸಲಾಗಿದೆ.
ಈ ಬಗ್ಗೆ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.