ಹರಿಹರ, ಡಿ.3 – ನಗರದ ಕೇಶವ ನಗರದ ಪಟೇಲ್ ಬಡಾವಣೆಯ ಶ್ರೀ ಸಾಯಿಬಾಬಾ ಮಂದಿರದಲ್ಲಿ ಇಂದು ಕಾರ್ತಿಕ ದೀಪೋತ್ಸವದ ನಿಮಿತ್ತವಾಗಿ ಶ್ರೀ ಸಾಯಿಬಾಬಾ ಸ್ವಾಮಿಗೆ, ಶ್ರೀ ವರಸಿದ್ದಿ ವಿನಾಯಕ ಸ್ವಾಮಿಗೆ ಮತ್ತು ಶ್ರೀ ಕಾಶಿ ವಿಶ್ವನಾಥ ಸ್ವಾಮಿಗೆ ಬೆಳಿಗ್ಗೆಯಿಂದ ಸಂಜೆಯವರೆಗೆ ವಿಶೇಷ ಪೂಜೆ, ಅಭಿಷೇಕ, ಮಹಾಮಂಗಳಾರತಿ ಸಂಜೆ ಮಹಾ ದೀಪೋತ್ಸವ ನಡೆಯಿತು.

ಈ ಸಂದರ್ಭದಲ್ಲಿ ಸಾಯಿಬಾಬಾ ಮಂದಿರದ ಅಧ್ಯಕ್ಷ ಬಸವರಾಜ್ ಪಾಟೀಲ್, ಉಪಾಧ್ಯಕ್ಷ ಹನುಮಂತಪ್ಪ ಸುರ್ವೆ, ಖಜಾಂಚಿ ಮಹದೇವಪ್ಪ ಸರಫದ್, ನಿರ್ದೇಶಕರಾದ  ಎಸ್.ಎಸ್. ಸಂಗನಾಳಮಠ, ದೊರೆಸ್ವಾಮಿ, ಎಸ್.ಎಸ್. ಚಳಗೇರಿ, ವಾಗೀಶ್ ಪಾಟೀಲ್, ಚಂದ್ರಶೇಖರ್ ಸರಫದ್, ಲಿಂಗರಾಜ್ ಪಾಟೀಲ್, ಡಿ. ಗೋಪಾಲರಾವ್, ಅಮಿತ್ ಕಬಾಡಿ, ಅಶೋಕ ಕಾಟೀಲ್, ಭೀಮಣ್ಣ ಐರಣಿ, ಸತೀಶ್ ಪಾಟೀಲ್, ಶಶಿಧರ್ ಆನ್ವೇರಿ, ಅರ್ಚಕ ಕುಮಾರಸ್ವಾಮಿ ಇತರರು ಹಾಜರಿದ್ದರು.