ಕೊಟ್ಟೂರು, ಮಾ. 31 – ಪಟ್ಟಣದ ಕೊಟ್ಟೂರೇಶ್ವರ ಸ್ವಾಮಿ ದೇವಸ್ಥಾನದ ಕಾಣಿಕೆ ಹುಂಡಿಯಲ್ಲಿ 41,44,651 ರೂ. ಸಂಗ್ರಹವಾಗಿದೆ ಎಂದು ಧಾರ್ಮಿಕ ದತ್ತಿ ಇಲಾಖೆ ಸಹಾಯಕ ಆಯುಕ್ತ ಯು.ಎಂ.ಪ್ರಕಾಶರಾವ್ ತಿಳಿಸಿದರು.

ದೇವಸ್ಥಾನದ ಕಾರ್ಯಾಲಯದಲ್ಲಿ ಮಂಗಳವಾರ ಹುಂಡಿ ಏಣಿಕೆ ಕಾರ್ಯ ನಡೆಯಿತು. ಕಳೆದ ಫೆ.10 ರಂದು ಏಣಿಕೆ ಕಾರ್ಯ ನಡೆದಿತ್ತು. ಒಂದುವರೆ ತಿಂಗಳ ಅವಧಿಯೊಳಗೆ ನಡೆದ ರಥೋತ್ಸವ ಸಮಯ ಸೇರಿದಂತೆ, ಈ ಹಣ ಸಂಗ್ರಹವಾಗಿದೆ ಎಂದರು.

ಈ ಸಂದರ್ಭದಲ್ಲಿ ಕಂದಾಯ ಇಲಾಖೆ ಅಧಿಕಾರಿಗಳು, ಮುಜರಾಯಿ ಇಲಾಖೆ ಬಿ.ಎಂ.ಕೃಷ್ಣಪ್ಪ, ಧರ್ಮಕರ್ತರಾದ ಸಿ.ಎಚ್.ಎಂ.ಗಂಗಾಧರಯ್ಯ, ಮಲ್ಲಪ್ಪ, ಆಂಜನೇಯಲು, ಪ್ರದೀಪ್, ಕಾರ್ತಿಕ್, ಕರ್ನಾಟಕ ಪ್ರಗತಿ ಗ್ರಾಮೀಣ ಬ್ಯಾಂಕ್ ಅಧಿಕಾರಿಗಳಾದ ಶಿವರಾಜ್ ಕುಮಾರ್, ದ್ರಾಕ್ಷಾಯಿಣಿ ಹಾಗೂ ಸಿಬ್ಬಂದಿ, ಇಂದು ಕಾಲೇಜ್ ವಿದ್ಯಾರ್ಥಿಗಳು, ಆಯಗಾರ ಬಳಗದ ಕೆಂಪಳ್ಳಿ ಗುರುಸಿದ್ಧನಗೌಡ, ಕೆಂಪಳ್ಳಿ ಸಿದ್ಧನಗೌಡ, ಕೆ.ಎಸ್.ನಾಗರಾಜಗೌಡ, ಎಸ್.ಪ್ರೇಮಾನಂದಗೌಡ, ಕನ್ನಹಳ್ಳಿ ಗುರುಬಸವ ರಾಜ್, ಮುಂತಾದವರು ಪಾಲ್ಗೊಂಡಿದ್ದರು.