ರಾಣೇಬೆನ್ನೂರು, ಜ.8- ಇಲ್ಲಿನ ನಗರದೇವತೆ  ತುಂಗಾಜಲ ಚೌಡೇಶ್ವರಿ ಹಾಗೂ ಗಂಗಾಜಲ ಚೌಡೇಶ್ವರಿ ದೇವಿಯರ ಜಾತ್ರಾ ಮಹೋತ್ಸವವು ಇದೇ ದಿನಾಂಕ 13ರ ಸೋಮವಾರ ದಿಂದ ದಿನಾಂಕ 18 ಶನಿವಾರದವರೆಗೆ  ನಡೆಯಲಿದೆ.

ಅಂದು ಬೆಳಿಗ್ಗೆ 10 ಗಂಟೆಗೆ ತುಂಗಾಜಲ ಚೌಡೇಶ್ವರಿ ದೇವಿ ಮೆರವಣಿಗೆ ನಡೆಯಲಿದೆ. ದಿನಾಂಕ 14 ರಂದು ಬೆಳಿಗ್ಗೆ ಜಾತ್ರಾ ಸ್ಥಳ ತುಂಗಾಜಲ ಆಲಯದಲ್ಲಿ ವಿರಾಜಮಾನಳಾಗು ವಳು. ಅದೇ ರೀತಿ ಸೋಮವಾರ ಸಂಜೆ ತಳವಾರ ಓಣಿಯ ಊರ  ಮನೆಯಿಂದ ಹೊರಡುವ   ಚೌಡೇಶ್ವರಿ ದೇವಿ ಸಹ ಮಂಗಳವಾರ ಬೆಳಿಗ್ಗೆ ಜಾತ್ರಾಸ್ಥಳ ತುಂಗಾಜಲದ ಆಲಯದಲ್ಲಿ ಪ್ರತಿಷ್ಠಾಪನೆಗೊಳ್ಳುವಳು.

ದಿನಾಂಕ 18 ರ ಶನಿವಾರವದರೆಗೆ ಉಡಿ ತುಂಬುವ, ಬಳೆ ಇಡಿಸುವ, ಹರಕೆ ಸಲ್ಲಿಸುವ, ಓಕುಳಿ ಮುಂತಾದ ಧಾರ್ಮಿಕ ಕಾರ್ಯಕ್ರಮಗಳು ಎರಡೂ ದೇವಾಲಯಗಳಲ್ಲಿ ನಡೆಯಲಿದೆ.