ದಾವಣಗೆರೆ, ಸೆ. 8- ತೋಳಹುಣಸೆ ಬಳಿ ಇರುವ ಪಿಎಸ್‌ಎಸ್ಇಎಂಆರ್ ಶಾಲಾವರಣದಲ್ಲಿ ದಕ್ಷಿಣ ವಲಯ-2 ಸಿಬಿಎಸ್‌ಇ ಮಾಧ್ಯಮ ಶಾಲೆಗಳ ಈಜು ಕ್ರೀಡಾಕೂಟವನ್ನು ನಾಳೆ ದಿನಾಂಕ 9 ರ ಸೋಮವಾರ ಸಂಜೆ 4 ಗಂಟೆಗೆ ಚಾಲನೆ ನೀಡಲಾಗುವುದು ಎಂದು ಶಾಲೆಯ ಕನ್ನಡ ಶಿಕ್ಷಕ ಶಂಕರ್ ನೆಶ್ವಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಸ್ಪರ್ಧೆಯಲ್ಲಿ ಎರಡು ಸಾವಿರಕ್ಕೂ ಅಧಿಕ ಸಂಖ್ಯೆಯಲ್ಲಿ  ಬಾಲಕ-ಬಾಲಕಿಯರು ಪಾಲ್ಗೊಳ್ಳಲಿದ್ದಾರೆ. ಕರ್ನಾಟಕ, ಕೇರಳ, ತಮಿಳುನಾಡು, ಮಹಾರಾಷ್ಟ್ರ, ಗೋವಾ, ಡಿಯು, ದಾಮನ್ ರಾಜ್ಯಗಳ ಸಿಬಿಎಸ್‌ಇ ಶಾಲೆಗಳ ವಿದ್ಯಾರ್ಥಿಗಳು ಭಾಗವಹಿಸಲಿದ್ದಾರೆ. ನಾಳೆ ಸಂಜೆ 4 ಗಂಟೆಗೆ ಶಾಲಾ ಆಡಳಿತ ಮಂಡಳಿಯ ಅಧ್ಯಕ್ಷ ಎಸ್.ಎಸ್. ಗಣೇಶ್ ಸ್ಪರ್ಧೆ ಉದ್ಘಾಟಿಸಲಿದ್ದಾರೆ.

ಸೆ. 14 ರಿಂದ 18 ರವರೆಗೆ ಕ್ಲಸ್ಟರ್‌ ಮಟ್ಟದ ಕಬಡ್ಡಿ ಟೂರ್ನಿಯು ದಾವಣಗೆರೆಯ ಎಂಬಿಎ ಕಾಲೇಜು ಮೈದಾನದಲ್ಲಿ ನಡೆಯಲಿದ್ದು, ಸೆ. 26 ರಿಂದ 30 ರವರೆೆಗೆ ಶಿವಗಂಗೋತ್ರಿಯ ಪಿಎಸ್‌ಎಸ್‌ಇಎಂಆರ್ ಶಾಲಾ ಆವರಣದಲ್ಲಿ ಕ್ಲಸ್ಟರ್ ಮಟ್ಟದಲ್ಲಿ ಅಥ್ಲೆಟಿಕ್ಸ್ ಕ್ರೀಡಾಕೂಟ ನಡೆಯಲಿದೆ.

ಪತ್ರಿಕಾಗೋಷ್ಠಿಯಲ್ಲಿ ಪ್ರಾಚಾರ್ಯ ಅರುಣ್ ಪ್ರಸಾದ್, ಉಪ ಪ್ರಚಾರ್ಯ ಹೆಚ್.ಜಿ. ಉಮಾಪತಿ, ವಿಲ್ಸನ್ ಉಪಸ್ಥಿತರಿದ್ದರು.