ಜಗಳೂರು, ನ. 20 – ಡಿಸೆಂಬರ್ 28 ರಿಂದ ಮೂರು ದಿನಗಳ ಕಾಲ ನಡೆಯಲಿರುವ ಜಿಲ್ಲಾ ಸಾಹಿತ್ಯ ಸಮ್ಮೇಳನ ಹಾಗೂ ಜಗಳೂರು ಉತ್ಸವ ಕಾರ್ಯಕ್ರಮದಲ್ಲಿ ಸ್ಥಳೀಯ ಐತಿಹಾಸಿಕ, ಸಾಂಸ್ಕೃತಿಕ ಪರಂಪರೆಯ ಮೆರಾಗಿನ ಕಿರುಚಿತ್ರ ಪ್ರದರ್ಶಿಸಲಾಗುವುದು ಎಂದು ಶಾಸಕ ಬಿ. ದೇವೇಂದ್ರಪ್ಪ ತಿಳಿಸಿದರು. 

ಪಟ್ಟಣದ ಜನ ಸಂಪರ್ಕ ಕಛೇರಿಯಲ್ಲಿ ವಿಡಿಯೋ  ಚಿತ್ರೀಕರಣ   ಕುರಿತು ಮಾತನಾಡಿದ ಅವರು ಇದರ ಜವಾಬ್ದಾರಿಯನ್ನು ಇತಿಹಾಸ ಸಂಶೋಧನಾ ತಜ್ಞ, ನಿರ್ದೇಶಕ ಡಾ. ರಾಧಾಕೃಷ್ಣನ್ ಪಲ್ಲಕ್ಕಿ ಅವರಿಗೆ  ವಹಿಸಲಾಗಿದೆ ಎಂದರು.

ಜಗಳೂರು ಉತ್ಸವ ಕಾರ್ಯಕ್ರಮದಲ್ಲಿ ಜಗಳೂರು ಜನತೆ ಅರಿಯಲಾಗದಷ್ಟು ಸಾಂಸ್ಕೃ ತಿಕ ಐತಿಹಾಸಿಕ ಪರಂಪರೆಯ ಸಂಶೋಧನಾ  ಮಾಹಿತಿಯ ಕಿರುಚಿತ್ರ ಪ್ರದರ್ಶೀಸುವ ಅಂಗ ವಾಗಿ ವಿಡಿಯೋ ಚಿತ್ರೀಕರಣ ನಡೆಸಲಾಗುತ್ತಿದೆ ಎಂದು ನಟ, ನಿರ್ದೇಶಕ, ಇತಿಹಾಸ ಸಂಶೋಧಕ ಡಾ.ರಾಧಕೃಷ್ಣನ್ ತಿಳಿಸಿದರು.

ಹಂಪಿ ಉತ್ಸವ, ಕನಕಗಿರಿ ಉತ್ಸವಗಳಲ್ಲಿ ಸಂಶೋಧನೆಯ ನಂತರ ಅಲ್ಲಿನ ವಿಶೇಷತೆಯನ್ನು ಚಿತ್ರೀಕರಣದೊಂದಿಗೆ ಕಿರುಚಿತ್ರ ಪ್ರದರ್ಶಿಸಲಾಗಿದೆ. ನಾನು ಜಗಳೂರಿನ ಐತಿಹಾಸಿಕ ಮಾಹಿತಿ ಪಡೆದು ಆಗಮಿಸಿರುವೆ. ಜಗಳೂರು ಜ್ಞಾನ ಸಾಗರದೊಂದಿಗೆ ಜಲಸಾಗರವಾಗಿದೆ, ಸೊಕ್ಕೆ ಗ್ರಾಮದ ಇತಿಹಾಸವನ್ನು ‘ಸುಬ್ರಹ್ಮಣ್ಯ’ ಕಥಾ ರೂಪದಲ್ಲಿ ಸಿನಿಮಾ ಶೂಟಿಂಗ್ ನಡೆಸಲಾಗುತ್ತಿದ್ದೇವೆ. ನನಗೆ ಮತ್ತೊಮ್ಮೆ ಸಂಶೋಧನೆಗೆ ಅವಕಾಶ ನೀಡಿರುವ ಶಾಸಕರಿಗೆ ಚಿರ ಋಣಿ’ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಸಾಹಿತಿ ಎನ್.ಟಿ. ಎರ್ರಿಸ್ವಾಮಿ, ಪತ್ರಕರ್ತ ವಕೀಲ ಡಿ. ಶ್ರೀನಿವಾಸ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಷಂಷೀರ್ ಅಹಮ್ಮದ್, ಜಿ.ಪಂ‌. ಮಾಜಿ ಸದಸ್ಯ ಕೆ.ಪಿ. ಪಾಲಯ್ಯ, ಕೆಪಿಸಿಸಿ ಸದಸ್ಯ ಕಲ್ಲೇಶ್ ರಾಜ್ ಪಟೇಲ್ ಸೇರಿದಂತೆ ಮುಖಂಡರುಗಳು ಇದ್ದರು.