ಹರಿಹರ, ನ. 8 – ನಗರದಲ್ಲಿ ಎಸ್.ಎಸ್.ಕೆ. ಸಮಾಜದ ವತಿಯಿಂದ ನಡೆದ ಸಹಸ್ರಾರ್ಜುನ ಮಹಾರಾಜರ ಜಯಂತಿ ಅಂಗವಾಗಿ ಶ್ರೀ ಸಹಸ್ರಾರ್ಜುನ ಮಹಾರಾಜರ ಭಾವ ಚಿತ್ರದ ಮೆರವಣಿಗೆಯನ್ನು ಸಡಗರ ಸಂಭ್ರಮದಿಂದ ಅದ್ದೂರಿಯಾಗಿ ಆಚರಿಸಲಾಯಿತು.

ಮೆರವಣಿಗೆ ದೇವಸ್ಥಾನ ರಸ್ತೆಯ ಶ್ರೀ ಸಹಸ್ರಾರ್ಜುನ ವೃತ್ತದಿಂದ ಆರಂಭಗೊಂಡು ದೊಡ್ಡಿ ಬೀದಿ, ಹಳೆ ಪಿ.ಬಿ.‌ ರಸ್ತೆ, ಗಾಂಧಿ ವೃತ್ತ, ಮುಖ್ಯ ರಸ್ತೆ, ರಾಣಿ ಚೆನ್ನಮ್ಮ ವೃತ್ತ, ಮೂಲಕ ಹಾದು ಪುನಃ ಸಹಸ್ರಾರ್ಜುನ ವೃತ್ತಕ್ಕೆ ಅಂತ್ಯಗೊಂಡಿತು. 

ಮೆರವಣಿಗೆಯಲ್ಲಿ ಸಮಳ, ಪುರವಂತ ವಡಪುಗಳು, ಡೊಳ್ಳು, ಡಿಜೆ. ಸೌಂಡ್ ಸಿಸ್ಟಮ್, ಬ್ಯಾಂಡ್ ಸೇಟ್ ವಾದಕ ಸೇರಿದಂತೆ ಇತರೆ ಕಲಾ ಮೇಳಗಳು ಮೆರವಣಿಗೆಗೆ ಮೆರಗನ್ನು ನೀಡಿದವು.

ಈ ಸಂದರ್ಭದಲ್ಲಿ ಎಸ್‌.ಎಸ್.ಕೆ. ಸಮಾಜದ ಅಧ್ಯಕ್ಷ ಮೋಹನ್ ಖೀರೋಜಿ, ಉಪಾಧ್ಯಕ್ಷ ಪರುಶುರಾಮ್ ಕಾಟ್ವೆ, ಖಜಾಂಚಿ ತುಳಜಪ್ಪ ಭೂತೆ, ಮುಖಂಡ ಅಂಬಾಸಾ ಮೆಹರ್ವಾಡೆ, ರಮೇಶ್ ಕಾಟ್ವೆ, ರಾಘವೇಂದ್ರ, ವಿನಾಯಕ ಲದ್ವಾ, ಗಣೇಶ ಮೆಹರ್ವಾಡೆ, ಶ್ರೀಕಾಂತ್ ಮೆಹರ್ವಾಡೆ, ಈಶ್ವಸಾ, ಕೃಷ್ಣ ಪಿ. ರಾಜೋಳ್ಳಿ, ಅಶೋಕ ಭೂತೆ,  ಮೋತಿಲಾಲ್ ಖರೋಜಿ, ಶ್ರೀಪಾದ್, ರಾಜು ಖೀರೋಜಿ,  ದುರ್ಗಾಸಾ,  ಅಂಬುಜಾ ಪಿ. ರಾಜೋಳ್ಳಿ, ರೂಪಾ ಕಾಟ್ವೆ, ಸೇವಂತಿ ಭಾಯಿ ಭೂತೆ,  ಇತರರು ಹಾಜರಿದ್ದರು.