ಗರ್ಭಿಣಿ ತವರಿನ ಮೂವರು, ಗಂಡನ ಮನೆಯ ಆರು ಜನರಲ್ಲಿ ಸೋಂಕು ಪತ್ತೆ
ದಾವಣಗೆರೆ, ಜೂ. 22 – ಹರಿಹರ ತಾಲ್ಲೂಕಿನಲ್ಲಿ ಸೋಮವಾರ 9 ಕೊರೊನಾ ಪ್ರಕರಣಗಳು ವರದಿಯಾ ಗಿವೆ. ಹರಿಹರದ ಗರ್ಭಿಣಿ ಮಹಿಳೆ ಯೊಬ್ಬರ ತವರು ಹಾಗೂ ಗಂಡನ ಮನೆಯ ಒಂಭತ್ತು ಜನರಿಗೆ ಸೋಂಕು ತಗುಲಿದೆ.
ಪತ್ರಿಕಾಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿರುವ ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ, ಗರ್ಭಿಣಿ ಎಎನ್‍ಸಿ ಪರೀಕ್ಷೆಗೆ ಬಂದಾಗ ಕೊರೊನಾ ಇರುವುದು ಪತ್ತೆಯಾಗಿದೆ. ಆನಂತರ ಸಂಪರ್ಕಿತರನ್ನು ಪರೀಕ್ಷೆಗೆ ಒಳಪಡಿಸಿದಾಗ, ಹರಿಹರದ ಅಗಸರ ಬೀದಿಯಲ್ಲಿರುವ ಗಂಡನ ಮನೆ ಯಲ್ಲಿ ಆರು ಜನರಿಗೆ ಹಾಗೂ ರಾಜನ ಹಳ್ಳಿಯ ಮೂವರಿಗೆ ಸೋಂಕಿರುವುದು ಕಂಡು ಬಂದಿದೆ ಎಂದು ತಿಳಿಸಿದ್ದಾರೆ.
ಜಿಲ್ಲೆಯಲ್ಲಿ ಪೂಲಿಂಗ್ ಟೆಸ್ಟ್ : ರಾಜ್ಯ ಸರ್ಕಾರದ ಸೂಚನೆಯಂತೆ ಕೊರೊನಾ ಸೋಂಕು ಪತ್ತೆಗಾಗಿ ಪೂಲಿಂಗ್ ಟೆಸ್ಟ್ ನಡೆಸಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ತಿಳಿಸಿದ್ದಾರೆ.
ಹೊನ್ನಾಳಿ ಹಾಗೂ ಚನ್ನಗಿರಿಗಳಲ್ಲಿ ಈ ರೀತಿಯ ಪರೀಕ್ಷೆ ನಡೆಸಲಾಗುತ್ತಿದೆ. ಕೊಳಚೆ ಪ್ರದೇಶ ಮುಂತಾದ ಕಡೆಗಳಲ್ಲೂ ಸಹ ಪರೀಕ್ಷೆ ನಡೆಸ ಲಾಗುವುದು ಎಂದವರು ಹೇಳಿದ್ದಾರೆ. ಹಲವು ವ್ಯಕ್ತಿಗಳ ಮಾದರಿಗಳನ್ನು ಪಡೆದು ಒಟ್ಟಿಗೆ ಪರೀಕ್ಷಿ ಸುವುದನ್ನು ಪೂಲಿಂಗ್ ಎನ್ನಲಾಗುತ್ತಿದೆ. ಇದಕ್ಕೆ ಐಸಿಎಂಆರ್ ಈ ಹಿಂದೆಯೇ ನಿರ್ದೇಶನ ಕಳಿಸಿದೆ.
31 ಕಂಟೈನ್‌ಮೆಂಟ್ ವಲಯ : ದಾವಣಗೆರೆಯಲ್ಲಿ ಕೇಂದ್ರೀಕೃತ ವಾಗಿದ್ದ ಕೊರೊನಾ ಪ್ರಕರಣಗಳು ಈಗ ಜಿಲ್ಲೆಯ ತಾಲ್ಲೂಕು ಭಾಗ ಗಳಿಗೂ ಹರಡುತ್ತಿವೆ. ಜಿಲ್ಲೆಯಲ್ಲಿ ಈಗ 31 ಸಕ್ರಿಯ ಕಂಟೈನ್‌ಮೆಂಟ್ ವಲಯಗಳಿವೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ. ಇದುವರೆಗೂ ಒಟ್ಟು 41 ಕಂಟೈನ್‌ಮೆಂಟ್ ವಲಯಗಳನ್ನು ರೂಪಿಸಲಾಗಿತ್ತು. ಇವುಗಳ ಪೈಕಿ ಹತ್ತರಲ್ಲಿ ಯಾವುದೇ ಸೋಂಕು ಕಂಡು ಬರದ ಕಾರಣ, ನಿಯಮಗಳ ಪ್ರಕಾರ ಡಿನೋಟಿಫೈ ಮಾಡಲಾಗಿದೆ.
ಇವರ ಸೋಂಕಿನ ಮೂಲ ಪತ್ತೆ ಹಚ್ಚಲಾಗುತ್ತಿದೆ. ಪ್ರಾಥಮಿಕ ವರದಿ ಪ್ರಕಾರ ಇವರ ಕುಟುಂಬದ ಒಬ್ಬರು ದಾವಣಗೆರೆಯ ಬಾಷಾನಗರ ಮತ್ತಿತರೆ ಕಡೆಗೆ ಬಂದು ಹೋಗುತ್ತಿದ್ದರೆಂದು ತಿಳಿದು ಬಂದಿದೆ. ಈ ಬಗ್ಗೆ ಪರಿಶೀಲಿಸುತ್ತಿರುವುದಾಗಿ ಜಿಲ್ಲಾಧಿಕಾರಿ ಹೇಳಿ ದ್ದಾರೆ. ಈ ಕುಟುಂಬದವರು ಹರಿಹರದ ಮದು ವೆಯಲ್ಲಿ ಪಾಲ್ಗೊಂಡಿದ್ದರು ಎಂದು ಹೇಳಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಮದುವೆಯಲ್ಲಿ ಪಾಲ್ಗೊಂಡ 22 ಜನರ ಮಾದರಿಗಳನ್ನು ಪರೀಕ್ಷೆಗೆ ತೆಗೆದುಕೊಳ್ಳಲಾಗಿದೆ.
ಹರಿಹರದಲ್ಲಿ ಇಂದು ಸೋಂಕಿಗೆ ಸಿಲುಕಿದವರ ಪೈಕಿ ನಾಲ್ವರು ಅಪ್ರಾಪ್ತ ಬಾಲಕಿಯರೂ ಇದ್ದಾರೆ.
ಚನ್ನಗಿರಿಯ ಗೌಡರ ಬೀದಿಯಲ್ಲಿ ಇಬ್ಬರು ಹಾಗೂ ಕುಂಬಾರ ಬೀದಿಯಲ್ಲಿ ಇಬ್ಬರಿಗೆ ಸೋಂಕಿರುವುದು ಕಂಡು ಬಂದಿತ್ತು. ಒಬ್ಬರು ಮಹಿಳೆ ಶಿವಮೊಗ್ಗದ ಆಸ್ಪತ್ರೆಯಲ್ಲಿ ಸಾವಿಗೂ ಗುರಿಯಾಗಿದ್ದರು. ಈ ಪ್ರಕರಣಗಳಲ್ಲಿ ಬೆಲ್ಲದ ವ್ಯಾಪಾರಿಯೊಬ್ಬರಿಂದ ಸೋಂಕು ಹರಡಿರಬಹುದು ಎಂಬ ಹಿನ್ನೆಲೆಯಲ್ಲಿ ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿ ಹೇಳಿದ್ದಾರೆ.
ಸೋಂಕು ಲಕ್ಷಣವಿದ್ದರೆ ಬೇಗ ಆಸ್ಪತ್ರೆಗೆ ಧಾವಿಸಿ : ಎರಡೂವರೆ ತಿಂಗಳ ಮಗುವಿ ನಿಂದ ಹಿಡಿದು ರಕ್ತದೊತ್ತಡ ಇರುವ 73 ವರ್ಷದ ವೃದ್ಧ ಮಹಿಳೆಯವರೆಗೆ ನಾನಾ ರೀತಿಯ ಆರೋಗ್ಯ ಸಮಸ್ಯೆ ಇರುವವರು ಇದುವರೆಗೂ ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣವಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ತಿಳಿಸಿದ್ದಾರೆ.
ಸಿಂಗಲ್ ವೆಂಟ್ರಿಕಲ್ ಇದ್ದ 18 ವರ್ಷದ ಯುವತಿ, ಒಂದೇ ಕಿಡ್ನಿ ಇದ್ದ 65 ವರ್ಷದ ಮಹಿಳೆ, ಕಾಲು ಗ್ಯಾಂಗ್ರಿನ್ ಆಗಿದ್ದ 69 ವರ್ಷದ ವ್ಯಕ್ತಿ, ಹೃದಯ ರೋಗ ಇದ್ದ 68 ವರ್ಷದ ವ್ಯಕ್ತಿಗಳು ಇದುವರೆಗೂ ಗುಣವಾಗಿ ದ್ದಾರೆ. ಕೊರೊನಾ ಲಕ್ಷಣ ಕಂಡು ಬಂದ ತಕ್ಷಣ ಆಸ್ಪತ್ರೆಗೆ ಬಂದು ತೋರಿಸಿ ಕೊಂಡರೆ ಚಿಕಿತ್ಸೆ ನೀಡಲು ಹಾಗೂ ಬೇಗ ಗುಣಮುಖರಾಗಲು ಸಾಧ್ಯವಾಗು ತ್ತದೆ ಎಂದು ಬೀಳಗಿ ಹೇಳಿದ್ದಾರೆ.
ಜಿಲ್ಲೆಯಲ್ಲಿ ಇದುವರೆಗೆ ಹತ್ತು ವರ್ಷದೊಳಗಿನ 22 ರೋಗಿಗಳು, 60 ವರ್ಷ ಮೀರಿದ 29 ಹಾಗೂ ಇತರೆ ರೋಗಗಳಿರುವ 13 ಜನರು ಮತ್ತು ಆರು ಗರ್ಭಿಣಿಯರಿಗೆ ಕೊರೊನಾ ಸೋಂಕಿರುವುದು ಪತ್ತೆಯಾಗಿದೆ ಎಂದವರು ತಿಳಿಸಿದರು.
ಔಷಧಿ ಅಂಗಡಿಗಳಿಂದ ಮಾಹಿತಿಗೆ 35 ತಂಡ : ಔಷಧಿ ಅಂಗಡಿ ಹಾಗೂ ಆಸ್ಪತ್ರೆಗ ಳಲ್ಲಿ ಕೆಮ್ಮು, ನೆಗಡಿ, ಎದೆ ಉರಿ ಮುಂ ತಾದ ಲಕ್ಷಣಗಳಿಗಾಗಿ ಔಷಧಿ ಪಡೆದ ವರ ಮಾಹಿತಿ ಸಂಗ್ರಹಿಸಲು 35 ತಂಡಗಳನ್ನು ರಚಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ತಿಳಿಸಿದ್ದಾರೆ.
ಉಸಿರಾಟದ ಸಮಸ್ಯೆ ಹಾಗೂ ಫ್ಲು ರೀತಿಯ ಸಮಸ್ಯೆ ಎದುರಿಸುತ್ತಿರುವರು ಹಾಗೂ ದುರ್ಬಲ ಆರೋಗ್ಯ ಹೊಂದಿ ರುವವರ ಕುರಿತ ವ್ಯಾಪಕ ಮಾಹಿತಿ ಯನ್ನು ಸಂಗ್ರಹಿಸಲಾಗಿದೆ ಎಂದವರು ಹೇಳಿದ್ದಾರೆ.
ಈ ಮಾಹಿತಿಯನ್ನು ತಾಲ್ಲೂಕು ಆರೋಗ್ಯಾಧಿಕಾರಿಗಳಿಂದ ಹಿಡಿದು ಆಶಾ ಕಾರ್ಯಕರ್ತೆಯವರೆಗೆ ಸಲ್ಲಿಸಿ ಎಲ್ಲರ ಆರೋಗ್ಯ ತಪಾಸಣೆ ಮಾಡಲಾಗುತ್ತಿದೆ. ಇದಕ್ಕಾಗಿ ಮೂರು ಪ್ರತ್ಯೇಕ ತಂಡಗಳನ್ನು ರಚಿಸಲಾಗಿದೆ ಎಂದವರು ಹೇಳಿದ್ದಾರೆ.
ಜಿಲ್ಲೆಯಲ್ಲಿ ಆರು ಗರ್ಭಿಣಿಯರಿಗೆ ಕೊರೊನಾ ಸೋಂಕಿರುವುದು ಕಂಡು ಬಂದಿದೆ. ಇವರಲ್ಲಿ ಮೂವರು ಮಹಿಳೆಯರಿಗೆ ಹೆರಿಗೆಯಾಗಿದೆ. ಇವರಲ್ಲಿ ಇಬ್ಬರು ಸಾಮಾನ್ಯ ಹಾಗೂ ಒಬ್ಬರಿಗೆ ಸಿಜೇರಿಯನ್ ಹೆರಿಗೆಯಾಗಿದೆ. ಮಕ್ಕಳನ್ನು ಒಂದೆರಡು ದಿನಗಳಲ್ಲಿ ಕೊರೊನಾ ಪರೀಕ್ಷೆಗೆ ಒಳಪಡಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಬೀಳಗಿ ತಿಳಿಸಿದ್ದಾರೆ.
ಕೆಲ ಗರ್ಭಿಣಿಯರು ಹೆರಿಗೆಗಾಗಿ ಬೇರೆ ಬೇರೆ ಊರುಗಳಿಗೆ ಹೋಗುತ್ತಿರುವುದು ಕಂಡು ಬಂದಿದೆ. ಇಂತಹ ಸಂದರ್ಭದಲ್ಲಿ ಅವರಾದರೂ ವೈದ್ಯಕೀಯ ಸಿಬ್ಬಂದಿಗೆ ಮಾಹಿತಿ ನೀಡಬೇಕು. ಇಲ್ಲವಾದರೆ ನೆರೆ ಹೊರೆಯವರಾದರೂ ಜಿಲ್ಲಾಡಳಿತ ಹಾಗೂ ಸ್ಥಳೀಯ ಸಿಬ್ಬಂದಿಗೆ ಮಾಹಿತಿ ನೀಡಿ ಸಹಕರಿಸಬೇಕು ಎಂದು ಜಿಲ್ಲಾಧಿಕಾರಿ ಮನವಿ ಮಾಡಿಕೊಂಡಿದ್ದಾರೆ.
ಪತ್ರಿಕಾಗೋಷ್ಠಿಯಲ್ಲಿ ಎಸ್ಪಿ ಹನುಮಂತರಾಯ, ಅಪರ ಜಿಲ್ಲಾಧಿಕಾರಿ ಪೂಜಾರ್ ವೀರಮಲ್ಲಪ್ಪ, ಡಿಹೆಚ್‍ಓ ಡಾ.ರಾಘವೇಂದ್ರಸ್ವಾಮಿ, ಜಿಲ್ಲಾ ಸರ್ಜನ್ ಡಾ.ನಾಗರಾಜ್, ಸರ್ವೇಕ್ಷಣಾಧಿಕಾರಿ ಡಾ.ರಾಘವನ್, ಅರವಳಿಕೆ ತಜ್ಞ ಡಾ. ರವಿ ಮತ್ತಿತರರು ಉಪಸ್ಥಿತರಿದ್ದರು.