ಕೆ.ಎನ್. ಮಲ್ಲಿಕಾರ್ಜುನ ಮೂರ್ತಿ
ದಾವಣಗೆರೆ: ಬಹಳ ವರ್ಷಗಳ ನಂತರ, 2023ರಲ್ಲಿ ದಾವಣಗೆರೆ ಮಹಾನಗರ ಪಾಲಿಕೆ ವ್ಯಾಪ್ತಿಯ ಎಫ್ಎಆರ್ ಅನುಪಾತ ಹೆಚ್ಚಿಸಲಾಗಿತ್ತು. ಇದೀಗ ಮತ್ತೆ ಎಫ್ಎಆರ್ (ಫ್ಲೋರ್ ಏರಿಯಾ ರೇಷಿಯೋ) ಹೆಚ್ಚಳಕ್ಕೆ ಮಹಾನಗರ ಪಾಲಿಕೆ ಮುಂದಾಗಿದೆ.
ಎಫ್ಎಆರ್ ಹೆಚ್ಚಳಕ್ಕೆ ಸ್ಥಳೀಯ ಜನಪ್ರತಿನಿಧಿಗಳು ಒಲವು ತೋರಿದ್ದೇ ಆದಲ್ಲಿ, ಇಷ್ಟು ದಿನ ಕೃಷಿ ಭೂಮಿಯನ್ನು ನುಂಗಿ ಬೆಳೆಯುತ್ತಿದ್ದ ನಗರ ಮುಂದಿನ ದಿನಗಳಲ್ಲಿ ಮೇಲ್ಮುಖವಾಗಿ (ಲಂಬ)ಯೂ ಬೆಳೆಯಲಿದೆ.
ಕಟ್ಟಡಗಳನ್ನು ನಿರ್ಮಿಸಲು ಮಹಾನಗರ ಪಾಲಿಕೆಯಿಂದ ಮಹಡಿ ಪ್ರದೇಶ ಅನುಪಾತ (ಎಪ್‌ಎಆರ್)ದ ಮೇಲೆ ಅನುಮತಿ ನೀಡಲಾಗುತ್ತದೆ. ಎಫ್ಎಆರ್ ಅನುಪಾತ ಹೆಚ್ಚಿಸಿ, ನಿವೇಶನದ ವಿಸ್ತೀರ್ಣಕ್ಕೆ ತಕ್ಕಂತೆ ಮಹಡಿ ಎತ್ತರಿಸಲು ಅವಕಾಶ ನೀಡುವುದರಿಂದ ಅಪಾರ್ಟ್‌ಮೆಂಟ್ ವ್ಯವಸ್ಥೆ ಚಾಲ್ತಿಗೆ ಬಂದು, ವಸತಿ ಸಮಸ್ಯೆ ಪರಿಹಾರವಾಗುತ್ತದೆ. ದಾವಣಗೆರೆ ಎಫ್ಎಆರ್ ಅನುಪಾತ 3 ಮಾತ್ರ. ಇದು ನಿವೇಶನದ ಮುಂಭಾಗದಲ್ಲಿನ ರಸ್ತೆಗಳ ವಿಸ್ತರ್ಣದ ಮೇಲೆ ಅವಲಂಬಿತವಾಗುತ್ತದೆ.
ನಗರದಲ್ಲಿ ಎಫ್ಎಆರ್ ಕಡಿಮೆ ಇದ್ದ ಕಾರಣ ಹೆಚ್ಚು ಮಹಡಿ ಕಟ್ಟಡಗಳ ನಿರ್ಮಾಣಕ್ಕೆ ಅನುಮತಿ ಇರಲಿಲ್ಲ. ನಿಯಮ ಮೀರಿ ಮಹಡಿ ನಿರ್ಮಿಸಿದವರಿಗೆ ಮಹಾನಗರ ಪಾಲಿಕೆ ದುಪ್ಪಟ್ಟು ದಂಡ ವಿಧಿಸುತ್ತಿತ್ತು. ಒಂದು ವೇಳೆ ದಂಡ ಕಟ್ಟದೇ ಇದ್ದರೆ
ಏನಿದು ಎಫ್ಎಆರ್ ?
ನಿವೇಶನದ ಅಳತೆ ಆಧರಿಸಿ ನಿರ್ಮಿಸಬಹುದಾದ ಕಟ್ಟಡದ ವಿಸ್ತೀರ್ಣ ಮತ್ತು ಅಂತಸ್ತುಗಳ ಪ್ರಮಾಣವೇ ಎಫ್ಎಆರ್.
ನಿವೇಶನದ ವಿಸ್ತೀರ್ಣ ಮತ್ತು ಅದರ ಪಕ್ಕದ ಅಥವಾ ಸಮೀಪದ ರಸ್ತೆ ಅಗಲವನ್ನು ಆಧರಿಸಿ ಎಷ್ಟು ಮಹಡಿಗಳ ಕಟ್ಟಡ ನಿರ್ಮಿಸಬಹುದು ಎಂಬುದನ್ನು ಲೆಕ್ಕ ಮಾಡಿ ಅನುಮತಿ ನೀಡಲಾಗುತ್ತದೆ.
ಉದಾಹರಣೆಗೆ ಪ್ರಸ್ತುತ ಎಫ್ಎಆರ್ ಅನುಪಾತ 1.5 ಇದೆ ಎಂದರೆ, 1000 ಚದರಡಿ ನಿವೇಶನದಲ್ಲಿ ನೀವು 1500 ಚದರಡಿ ವಿಸ್ತೀರ್ಣದಲ್ಲಿ ಕಟ್ಟಡ ನಿರ್ಮಾಣಕ್ಕೆ ಅನುಮತಿ ನೀಡಲಾಗುತ್ತದೆ.
ಎಫ್‌ಆರ್ ಹೆಚ್ಚಳದಿಂದ ಏನು ಉಪಯೋಗ..?
* ಎಫ್‌ಆರ್ ಅನುಪಾತ ಹೆಚ್ಚಳವಾದಾಗ ಎತ್ತರದ ಕಟ್ಟಡ ಕಟ್ಟಲು ಅನುಮತಿ ನೀಡಲಾಗುತ್ತದೆ.
* ಇದರಿಂದ ಒಂದು ನಿವೇಶನದಲ್ಲಿ ಹೆಚ್ಚು ಕಟ್ಟಡ ಅಥವಾ ಮನೆಗಳನ್ನು ನಿರ್ಮಿಸಬಹುದು.
* ನಿವೇಶನಗಳ ಕೊರತೆ ನೀಗುತ್ತದೆ. ಕೃಷಿ ಜಮೀನು ಬಡಾವಣೆಗಳಾಗುವುದು ತಪ್ಪುತ್ತದೆ.
* ಮಹಾನಗರ ಪಾಲಿಕೆಯಿಂದ ಮೂಲ ಭೂತ ಸೌಕರ್ಯಗಳನ್ನು ಒದಗಿಸಲು ಸುಲಭವಾಗುತ್ತದೆ.
* ಮಹಾನಗರ ಪಾಲಿಕೆಯ ಆದಾಯವೂ ಹೆಚ್ಚಾಗುತ್ತದೆ.
* ಮುಖ್ಯವಾಗಿ ಜನ ಸಾಮಾನ್ಯರು ದುಪ್ಪಟ್ಟು ತೆರಿಗೆ ಕಟ್ಟುವುದು ತಪ್ಪುತ್ತದೆ.
* ಸಟಿ ಮಧ್ಯ ಭಾಗದಲ್ಲಿನ ಬಡಾವಣೆಗಳು ಅಭಿವೃದ್ಧಿಯಾಗಲು ಸಹಕಾರಿಯಾಗುತ್ತದೆ.
ಎಫ್ಎಆರ್ ಅನುಪಾತ 4ಕ್ಕೆ ಹೆಚ್ಚಿಸಲು ತೀರ್ಮಾನ: ರೇಣುಕಾ
ಇತ್ತೀಚೆಗೆ ನಡೆದ ಪಾಲಿಕೆ ಸಾಮಾನ್ಯ ಸಭೆಯಲ್ಲಿ ಎಫ್ಎಆರ್ ಅನುಪಾ ಹೆಚ್ಚಿಸಲು ಚರ್ಚೆ ನಡೆದಿದ್ದು, 2.5 ರಷ್ಟಿದ್ದ ಅನುಪಾತವನ್ನು 4ಕ್ಕೆ ಹೆಚ್ಚಿಸಲು ಬೈಲಾದಲ್ಲಿ ತಿದ್ದುಪಡಿ ಮಾಡಲಾಗಿದೆ. ಆದರೆ ಅದಕ್ಕೆ ಸರ್ಕಾರ ಅನುಮತಿ ನೀಡಬೇಕಿದೆ ಎನ್ನುತ್ತಾರೆ ಮಹಾನಗರ ಪಾಲಿಕೆ ಆಯುಕ್ತರಾದ ಶ್ರೀಮತಿ ರೇಣುಕ.
ಪ್ರಸ್ತುತ ನಿವೇಶನದ ಅಳತೆ, ಮುಂದಿನ ರಸ್ತೆ, ಅದಕ್ಕೆ ತಕ್ಕಂತೆ ಸೆಟ್ ಬ್ಯಾಕ್ ಪರಿಶೀಲಿಸಿ ಜಿ+3 ವರೆಗೆ ಅನುಮೋದನೆ ಕೊಡಲು ಅವಕಾಶವಿದೆ. ನಿಯಮ ಮೀರಿ ಅಕ್ರಮವಾಗಿ ಕಟ್ಟಿದರೆ ಡಬಲ್ ತೆರಿಗೆ ಕಟ್ಟಬೇಕಾಗುತ್ತದೆ.
ಎಫ್ಎಆರ್ ಹೆಚ್ಚಳವಾದಾಗ ನಗರ ವರ್ಟಿಕಲ್‌ಆಗಿ ಬೆಳವಣಿಗೆಯಾಗುತ್ತದೆ. ಪಾಲಿಕೆಯಿಂದ ಮೂಲಭೂತ ಸೌಕರ್ಯ ಒದಗಿಸಲು ಸುಲಭವಾಗುತ್ತದೆ ಎನ್ನುತ್ತಾರೆ ಆಯುಕ್ತರು.
ಅಕ್ರಮ ಕಟ್ಟಡಗಳಿಗೆ ದುಪ್ಪಟ್ಟು ದಂಡ ಜನರಿಗೆ ಹೊರೆ: ಶಿವನಳ್ಳಿ ರಮೇಶ್
ಮಹಾನಗರ ಪಾಲಿಕೆ ಎಪ್‌ಎಆರ್ ಹೆಚ್ಚಳಕ್ಕೆ ಮುಂದಾಗಿರುವುದು ಉತ್ತಮ. 2023ರಲ್ಲಿ ಎಫ್ಎಆರ್ ಅನುಪಾತ ಹೆಚ್ಚಿಸಿ, ಪರವಾನಗಿ ನೀಡಲಾಗುತ್ತಿದೆ. ಆದರೆ ಅದಕ್ಕೂ ಮುನ್ನ ಅಂದರೆ ಎಫ್ಎಆರ್ ಕಡಿಮೆ ಇದ್ದ ಸಂದರ್ಭದಲ್ಲಿ ನಿಯಮ ಮೀರಿ ಕಟ್ಟಿದ ಕಟ್ಟಡಗಳು ನಗರದಲ್ಲಿ ಹೆಚ್ಚಾಗಿವೆ. ಅವುಗಳಿಗೆ ದುಪ್ಪಟ್ಟು ದಂಡ ವಿಧಿಸುತ್ತಿರುವುದು ನಾಗರಿಕರಿಗೆ ಹೊರೆಯಾಗಿದೆ. ಕಳೆದ ವರ್ಷ ಎಫ್‌ಆರ್ ಹೆಚ್ಚಳವಾಗಿದೆ. ಮುಂದಿನ ದಿನಗಳಲ್ಲಿ ಹೆಚ್ಚಾಗುವುದರಿಂದ ಎಫ್ಎಆರ್ ಮೀರಿದ ಹಳೆಯ ಕಟ್ಟಡಗಳ್ನು ಹೊಸ ನಿಯಮದಡಿ ತಂದು ದಂಡಮುಕ್ತ ಮಾಡಬೇಕಿದೆ ಎಂದು ಪಾಲಿಕೆ ಮಾಜಿ ಸದಸ್ಯ ಶಿವನಹಳ್ಳಿ ರಮೇಶ್ ಒತ್ತಾಯಿಸಿದ್ದಾರೆ.
ಬೆಂಗಳೂರು ಮಾದರಿಯಲ್ಲಿಯೇ ದಾವಣಗೆರೆ ನಗರವೂ ಅತಿ ವೇಗದಲ್ಲಿ ಬೆಳೆಯುತ್ತಿದೆ. ಎಫ್ಎಆರ್ ದರ ಹೆಚ್ಚಳವಾದರೆ ನಗರ ಲಂಬವಾಗಿ ಬೆಳೆಯಲು ಸಾಧ್ಯವಾಗುತ್ತದೆ.
– ಕೆ.ಪ್ರಸನ್ನಕುಮಾರ್, ಪಾಲಿಕೆ ವಿಪಕ್ಷ ನಾಯಕ.
ಎಫ್ಎಆರ್ ಹೆಚ್ಚಿಸಿ ಸರ್ಕಾರದಿಂದ ಅನುಮತಿ ದೊರೆತಿದೆ. ರಸ್ತೆಯ ಅಗಲ, ಸೆಟ್ ಬ್ಯಾಕ್ ಪರಿಶೀಲಿಸಿ ಗರಿಷ್ಟ 6 ಫ್ಲೋರ್ ಕಟ್ಟಲು ಪರವಾನಗಿ ನೀಡಲಾಗುವುದು.
– ಕೆ.ಚಮನ್ ಸಾಬ್, ಮೇಯರ್, ಮಹಾನಗರ ಪಾಲಿಕೆ.
ಶೇ.2ರಷ್ಟು ಬಡ್ಡಿ ಬೀಳುತ್ತಿತ್ತು. ಇದೀಗ ಎಫ್ಎಆರ್ ಅನುಪಾತ ಮತ್ತಷ್ಟು ಹೆಚ್ಚಳವಾದರೆ ಮಹಡಿ ಕಟ್ಟಡಗಳ ಸಂಖ್ಯೆ ಅಧಿಕೃತವಾಗಿಯೇ ಹೆಚ್ಚಾಗಲಿದೆ.
ದಾವಣಗೆರೆಯಲ್ಲೇನು ದೊಡ್ಡ ಕೈಗಾರಿಕೆಗಳು, ಐಟಿಬಿಟಿ ಕಂಪನಿಗಳಿಲ್ಲ. ಇರುವುದು ಬಹುತೇಕ ಅಂದರೆ ಶೇ.70ರಷ್ಟು ಮಧ್ಯಮ ವರ್ಗದ ಜನರೇ. ಸಾಲ ಮಾಡಿ ಮನೆ ಕಟ್ಟುವ ಮೂಲಕ ಜೀವನದ ಬಹುದೊಡ್ಡ ಆಸೆಯೊಂದನ್ನು ಪೂರೈಸಿಕೊಳ್ಳುವವರೇ ಹೆಚ್ಚು. ಮನೆ ಕಟ್ಟುವವರು ಎರಡು ಅಥವಾ ಮೂರು ಅಂತಸ್ಥಿನ ಮನೆ ಕಟ್ಟಿ, ಅದರಿಂದ ಬಾಡಿಗೆ ನಿರೀಕ್ಷಿಸುತ್ತಾರೆ. ಅದರಿಂದ ಸಾಲ ತೀರಿಸಬಹುದೆಂಬ ಅಥವಾ ಆದಾಯ ಹೆಚ್ಚಿಸಿಕೊಳ್ಳಬೇಕೆಂಬ ಉದ್ದೇಶ ಹೊಂದಿರುತ್ತಾರೆ. ಆದರೆ ಎಫ್ಎಆರ್ ಅನುಪಾತ ಕಡಿಮೆ ಇರುವುದರಿಂದ ಎತ್ತರಕ್ಕೆ ಕಟ್ಟಿದಷ್ಟೂ ಅದು ಅಕ್ರಮವಾಗುತ್ತದೆ. ಅದಕ್ಕೆ ಪಾಲಿಕೆಗೆ ದುಪ್ಪಟ್ಟು ತೆರಿಗೆ ನೀಡಬೇಕಾಗುತ್ತದೆ.
ದುಪ್ಪಟ್ಟು ತೆರಿಗೆ ಲೂಟಿ ಮಾಡುವ ಬದಲು ಎಫ್‌ಎಅರ್ ಅನುಪಾತ ಹೆಚ್ಚಿಸಿ ಕಾನೂನು ಪ್ರಕಾರ ಕಂದಾಯ ವಸೂಲಿ ಮಾಡುವುದು ಸೂಕ್ತ ಎಂಬುದು ಸಾರ್ವಜನಿಕರ ಒತ್ತಾಸೆಯಾಗಿತ್ತು.