ಮಾನವನ ಮನಸು ಹೃದಯ
ಚಿನ್ನವಾಗಿತ್ತು ಅಂದು !
ದೇವರು ಚಿನ್ನವಾಗುತ್ತಿದ್ದಾನೆ
ಇಂದು !
ಪ್ರೀತಿ ಕರುಣೆ ತುಂಬಿದ
ಮಾನವನ ಹೃದಯ ಇಂದು ಕಲ್ಲಾಗುತ್ತಿದೆ.
ಮಾನವೀಯ ಸಂಬಂಧ ದೂರವಾಗುತ್ತಿದೆ
ಮಾನವ ಹೃದಯವೇ ಧರ್ಮಪೀಠ !
ಈಗ ಆಗುತ್ತಲಿವೆ ನೂರಾರು ಪೀಠ !
ಮಾನವ ಜಾತಿ ಒಂದೇ ಅಂದು !
ಸಾವಿರಾರು ಜಾತಿಗಳ ಪಂಗಡ ಇಂದು !
ನಾವು ನಮ್ಮ ದೇವರು ಏನಾಗುತ್ತಿದೆ ಇಂದು !
ನಡೆಯುತ್ತಲೇ ಇದೆ ಸಂಘರ್ಷವಿಂದು !
ವಾಸ್ತವ ಬದುಕಿನಲಿ ಏನೆಲ್ಲಾ ಬದಲಾವಣೆ
ದೇವರಿಗೆ ಲಂಚ ನೀಡುವ ಭಕ್ತರ ದೊಡ್ಡ ಹಿಂಡು !
ದೇವರು ನಗುತಿಹನು
ಕಲಿಯುಗದ ಕರ್ಮವನು ಕಂಡು !
ಮನುಜನ ಆಟವ ನೋಡಿ
ಬಾಳಿನ ವ್ಯರ್ಥವ ಕಂಡು !
ಬಾಳಿನ ಬೆಳಗು ಆತ್ಮದ ಅರಿವು
ಅರಿಯುತ್ತಿಲ್ಲ ಮನುಜ
ಮಾಡುತ್ತಿದ್ದಾನೆ ಬಾಳು ವ್ಯರ್ಥ !
ಭಕ್ತಿ-ಜ್ಞಾನ-ಕರ್ಮ ಮರೆಯಾಗಿ
ಶಕ್ತಿ-ಯುಕ್ತಿ ಸೆರೆಯಾಗಿ
ಓಟಕ್ಕೆ ವಿರಾಮವಿಲ್ಲ
ಓಡುತ್ತಿದೆ ಮಾನವನ ಬದುಕು…!
ಜೆಂಬಿಗಿ ಮೃತ್ಯುಂಜಯ
ದಾವಣಗೆರೆ.