ಹರಪನಹಳ್ಳಿ, ಅ. 22 – ಇಲ್ಲಿನ ನೃತ್ಯ ವಿಶ್ವ ವಿದ್ಯಾಲಯದ ಟ್ರಸ್ಟ್‌ ವತಿಯಿಂದ ಈ ಬಾರಿ ದಸರಾ ಸಂಭ್ರಮ ಗಮನ ಸೆಳೆಯಿತು.
ಎಂ.ಪಿ. ರವೀಂದ್ರ ಪ್ರತಿಷ್ಠಾನದ ವತಿಯಿಂದ ಹಾಲಿ ಶಾಸಕಿ ಎಂ.ಪಿ. ಲತಾ ಮಲ್ಲಿಕಾರ್ಜುನ್‌ ಕಾರ್ಯಕ್ರಮದ ರೂವಾರಿಗಳಾಗಿದ್ದರು.
ಹರಪನಹಳ್ಳಿ ಕ್ಷೇತ್ರದ ನಿಚ್ಚವ್ವನಹಳ್ಳಿಯಿಂದ ಪ್ರಾರಂಭವಾಗಿ ಬಾಗಳಿ, ಕಡತಿ, ಕೆ. ಕಲ್ಲಹಳ್ಳಿ, ಹಾರಕನಾಳು, ಚಿಗಟೇರಿ, ಬೆಂಡಿಗೇರಿ, ಹಿರೇಮೇಗಳಗೆರೆ, ಹಲವಾಗಲು ಮತ್ತು ಉಜ್ಜಯಿನಿಯಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮ ಜರುಗಿತು.
ದಾವಣಗೆರೆ ನೃತ್ಯ ಕಲಾ ಅಧ್ಯಕ್ಷ ರಾಜಶೇಖರ್‌ ಸಕ್ಕಟ್ಟು, ನೃತ್ಯ ವಿದುಷಿ ರಕ್ಷಾ ರಾಜಶೇಖರ್‌ ಕಾರ್ಯಕ್ರಮ ಸಂಯೋಜಿಸಿದರು. ಚಿರಂತನ ಅಕಾಡೆಮಿಯ ಅಧ್ಯಕ್ಷೆ ದೀಪಾ ರಾವ್‌ ತಂಡ, ಅನುಶ್ರೀ ಬಳಗದ ವೀಣಾ ಹೆಗಡೆ ತಂಡ ಮತ್ತು ಉದಯ ಶಂಕರ್‌ ನಿರೂಪಿಸಿದರು.