ಹರಿಹರದ ಹೊಸಭರಂಪುರ ಬಡಾವಣೆಯ ಕಸಬಾ ಗ್ರಾಮದೇವತೆ ಊರಮ್ಮ ದೇವಿಯ 15 ನೇ ಶರನ್ನವರಾತ್ರಿ ಮಹೋತ್ಸವವು  ಇಂದಿನಿಂದ ಇದೇ ದಿನಾಂಕ 12ರವರೆಗೆ  ನಡೆಯಲಿದೆ ಎಂದು ದೇವಸ್ಥಾನ ಸಮಿತಿ ಅಧ್ಯಕ್ಷ ಸುರೇಶ್ ಚಂದಾಪೂರ್ ತಿಳಿಸಿದರು. ಪತ್ರಿನಿತ್ಯ ಬೆಳಗ್ಗೆ 6 ಗಂಟೆಗೆ ಘಟ ಸ್ಥಾಪನೆ, ಶ್ರೀ ದೇವಿಗೆ ನಂದಾದೀಪ, ವಿಘ್ನೇಶ್ವರ ಸ್ವಾಮಿಗೆ ವಿಶೇಷ ಪೂಜೆ ಮಹಾಮಂಗಳಾರತಿ ಅಲಂಕಾರ, ಕುಂಕುಮಮಾರ್ಚನೆ, ಲಲಿತ ಸಹಸ್ರನಾಮ ಹಾಗೂ ಸಂಜೆ ನಗರದ ವಿವಿಧ ಮಹಿಳಾ ಸಂಘದವರಿಂದ ಭಜನಾ ಕಾರ್ಯಕ್ರಮ ನಡೆಯಲಿದೆ. 

ಇಂದು ಶೃಂಗೇರಿ ಶಾರದಾ ದೇವಿ ಅಲಂಕಾರ, ಸಂಜೆ ಶ್ರೀ ಹರಿ ಭಜನಾ ಮಂಡಳಿ ವತಿಯಿಂದ ಭಜನೆ ಲಲಿತಾ ಸಹಸ್ರಾರನಾಮ. ನಾಳೆ ಶುಕ್ರವಾರ ಚಂದ್ರ ಗುತ್ತೆಮ್ಮದೇವಿ ಅಲಂಕಾರ, ಸಂಜೆ ಶ್ರೀ ಗ್ರಾಮದೇವತೆ ಮಹಿಳಾ ಮಂಡಳಿ ವತಿಯಿಂದ ಭಜನೆ ಏರ್ಪಾಡಾಗಿದೆ.