ಮಲೇಬೆನ್ನೂರು, ಸೆ.30- ತೀವ್ರ ಗಮನ ಸೆಳೆದಿದ್ದ ಪಟ್ಟಣದ ಪ್ರತಿಷ್ಠಿತ ಜುಮ್ಮಾ (ಜಾಮೀಯಾ) ಮಸೀದಿಯ ಆಡಳಿತ ಮಂಡಳಿಯ 11 ನಿರ್ದೇಶಕ ಸ್ಥಾನಗಳಿಗೆ ಭಾನುವಾರ ಶಾಂತಿಯುತ ಚುನಾವಣೆ ನಡೆಯಿತು.

ದರ್ಗಾ ಬಳಿಯ ಜಾಮೀಯಾ ನ್ಯಾಷನಲ್ ಪ್ರೌಢಶಾಲೆಯಲ್ಲಿ ನಡೆದ ಚುನಾವಣೆಯಲ್ಲಿ ಒಟ್ಟು 2466 ಮತದಾರರ ಪೈಕಿ 2300 ಮತದಾರರು ಮತದಾನ ಮಾಡಿದರು. ನಂತರ ಮತ ಎಣಿಕೆ ನಡೆದು, ಫಲಿತಾಂಶ ಪ್ರಕಟಿಸಲಾಯಿತು.

11 ನಿರ್ದೇಶಕ ಸ್ಥಾನಗಳಿಗೆ 40 ಜನ ಅಭ್ಯರ್ಥಿಗಳು ಚುನಾವಣೆಗೆ ಸ್ಪರ್ಧಿಸಿದರು. ಚುನಾವಣೆಯಲ್ಲಿ ಸೈಯದ್ ಖಾಲೀದ್ ಪಾಷಾ, ಎಂ.ಬಿ.ಮೊಹಮ್ಮದ್ ಹಸಾಮ್, ಎಂ.ಬಿ.ಆಸೀಫ್, ದಾದಾವಲ್ಲಿ, ಡಿ.ಭಾಷಾ, ಸುಲ್ತಾನ್ ಹುಸೇನ್, ಸೈಯದ್ ಶಬ್ಬೀರ್, ಅನ್ವರ್ ಭಾಷಾ, ಯುಸೂಫ್ ಖಾನ್, ಇನಾಯತ್ ಖಾನ್, ಶೋಯೆಬ್ ಇವರುಗಳು ಅಧಿಕ ಮತಗಳನ್ನು ಪಡೆದು ಜುಮ್ಮಾ ಮಸೀದಿಯ ನೂತನ ನಿರ್ದೇಶಕರುಗಳಾಗಿ ಆಯ್ಕೆಯಾಗಿದ್ದಾರೆ.