ಹೊನ್ನಾಳಿ, ಅ. 8 – ಹರಿಯಾಣ ರಾಜ್ಯದ ಬಿಜೆಪಿಯ ಗೆಲುವಿಗೆ ಹೊನ್ನಾಳಿ ಬಿಜೆಪಿ ಮುಖಂಡ ಎಂ.ಆರ್. ಮಹೇಶ್ ನೇತೃತ್ವದಲ್ಲಿ ಸಂಗೊಳ್ಳಿ ರಾಯಣ್ಣ ವೃತ್ತದಲ್ಲಿ ಪಟಾಕಿ ಸಿಡಿಸಿ ವಿಜಯೋತ್ಸವ ಆಚರಿಸಲಾಯಿತು.

ಎಂ.ಆರ್. ಮಹೇಶ್ ಮಾತನಾಡಿ, ಹರಿಯಾಣ ಮತದಾರರು ಪಕ್ಷದ ಮುಖಂ ಡರಾದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಹಾಗೂ ಪಕ್ಷದ ಮುಖಂಡರಾದ ನಡ್ದಾ ಅವರ ಜನಪರ ಆಡಳಿತವನ್ನು ಮೆಚ್ಚಿ ಮೂರನೇ ಬಾರಿಗೆ ಪಕ್ಷದ ಗೆಲುವಿಗೆ ಮತ ನೀಡಿ ಬೆಂಬಲಿಸಿದ್ದು, ಲೋಕಸಭಾ ಚುನಾವಣೆಯ ನಂತರದ ದಿನಗಳಲ್ಲಿ ಜಾಗೃತಗೊಂಡ ಅಲ್ಲಿನ ಮತದಾರರು ಹರಿ ಯಾಣದ 90 ಕ್ಷೇತ್ರಗಳಲ್ಲಿ 48 ಅಭ್ಯರ್ಥಿಗಳ ಆಯ್ಕೆ ಮಾಡುವ ಮೂಲಕ ಸರಳ ಬಹುಮತದ ತೀರ್ಪನ್ನು ನೀಡಿ ಬೆಂಬಲಿಸಿದ್ದಾರೆ ಎಂದು ಹರ್ಷ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಬಿಜೆಪಿ ಕಾರ್ಯಕರ್ತರಾದ ಶಾಂತರಾಜ್ ಪಾಟೀಲ್, ಕುಮಾರ್ ಮಂಜುನಾಥ್, ಸಚಿನ್ ಚಂದ್ರು ಇನ್ನಿತರರು ಇದ್ದರು.