ನಗರದ ಕೆ.ಬಿ.ಬಡಾವಣೆಯ ದೀಕ್ಷಿತ್ ರಸ್ತೆಯಲ್ಲಿರುವ ಶ್ರೀ ರಾಘವೇಂದ್ರ ಸ್ವಾಮಿಗಳವರ ಮಠದ ಅರ್ಚಕ ಚನ್ನಗಿರಿ ಮಧುಸೂಧನಾಚಾರ್‌ ಅವರು ಇಂದು ಮಧ್ಯಾಹ್ನ 3.30ಕ್ಕೆ ಬೆಂಗಳೂರಿನಲ್ಲಿ ನಿಧನರಾದರು. ಮೃತರಿಗೆ 62 ವರ್ಷ ವಯಸ್ಸಾಗಿತ್ತು.   ಮಧುಸೂಧನಾಚಾರ್‌, ವೇ. ಚನ್ನಗಿರಿ ರಾಮಾಚಾರ್ಯರ ಸುಪುತ್ರ. ಪತ್ನಿ, ಪುತ್ರ, ಸೊಸೆ ಮತ್ತು ಮಗಳನ್ನಲ್ಲದೇ, ಅನೇಕ ಬಂಧು- ಬಾಂಧವರನ್ನು ಅಗಲಿದ್ದಾರೆ. ಬೆಂಗಳೂರಿನ ಚಾಮರಾಜ ಪೇಟೆಯಲ್ಲಿರುವ ಮುಕ್ತಿ ಧಾಮದಲ್ಲಿ ಇಂದು ಸಂಜೆ ಅಂತ್ಯಕ್ರಿಯೆ ನಡೆಯಿತು ಎಂದು ಕುಟುಂಬವರ್ಗದವರು ತಿಳಿಸಿದ್ದಾರೆ.