April 20, 2019

ರಾಶಿ ಭವಿಷ್ಯ

ರಾಶಿ ಭವಿಷ್ಯ

ದಿನಾಂಕ: 13.04.2019 ರಿಂದ ದಿನಾಂಕ: 20.04.2019 ರವರೆಗೆ

– ಜಯತೀರ್ಥಾಚಾರ್ ವಡೇರ್, ದಾವಣಗೆರೆ.


ಮೇಷ:

ಅಶ್ವಿನಿ, ಭರಣಿ, ಕೃತ್ತಿಕಾ (ಚೂ.ಚೇ.ಚೋ..ಲಿ..ಲೇ.ಲೊ..)

ಮಾಡುವ ಕೆಲಸಗಳಲ್ಲಿ ಅಚ್ಚುಕಟ್ಟುತನವಿರಲಿ. ಅವಸರ ಅಥವಾ ಅಲಕ್ಷೆಯಿಂದ ಮುಂದುವರೆದಲ್ಲಿ ನಷ್ಟ ಕಟ್ಟಿಟ್ಟ ಬುತ್ತಿಯಾಗಲಿದೆ. ಸಾಲ ತಂದ ಹಣ ಸರಿಯಾಗಿ ವಿನಿಮಯವಾಗುವಂತೆ ನೋಡಿಕೊಳ್ಳಿ. ಇಲ್ಲವಾದಲ್ಲಿ ಸಾಲದ ಮೊತ್ತ ಹೆಚ್ಚುತ್ತಾ ಹೋದೀತು. ತಿರುಗಾಟ ಅನಿವಾರ್ಯವಾಗಲಿದ್ದು ಅದಕ್ಕೊಂದು ಅರ್ಥ ಬರುವಂತೆ ನೋಡಿಕೊಳ್ಳಿ. ಅತಿಯಾದ ಶ್ರಮ ಅನಾರೋಗ್ಯಕ್ಕೆ ಕಾರಣವಾದೀತು. ಅನುಭವಿಗಳಾದ ಹಿರಿಯರ ಅಣತಿಯಂತೆ ನಡೆದುಕೊಂಡು ಹೋದಲ್ಲಿ ಯಶಸ್ಸಿನ ದಾರಿ ಸುಗಮವಾದೀತು. ಗೆಳೆಯರ ಸಹಕಾರದಿಂದ ಶುಭ ಕಾರ್ಯಗಳು ನಡೆಯಲಿವೆ. ತೀರ್ಥ ಕ್ಷೇತ್ರಗಳ ದರ್ಶನಕ್ಕೆಂದು ಬಂದ ಅವಕಾಶವನ್ನು ಬಿಡಬೇಡಿ. ಆದಾಯದ ಮೂಲಕ್ಕೇನೂ ಕೊರತೆಯಿಲ್ಲ. ಕುಲದೇವತಾರಾಧನೆ ಮಾಡಿ.

ಸೋಮವಾರ, ಮಂಗಳವಾರ,  ಬುಧವಾರ ಶುಭ ದಿನಗಳು.


ವೃಷಭ:

ಕೃತ್ತಿಕಾ, 2,3,4, ರೋಹಿಣಿ, ಮೃಗ 1,2 (.....ವಿ.ವು.ವೆ.ವೋ)

ನಿಮ್ಮ ಪಾಡಿಗೆ ನೀವು, ನಿಮ್ಮ ಕೆಲಸಕ್ಕಷ್ಟೇ ಗಮನಕೊಟ್ಟಲ್ಲಿ ಯಶಸ್ಸಿನ ದಾರಿ ಸುಗಮವಾಗುವುದು, ಅನೇಕರು ಅನೇಕ ಸಲಹೆಗಳನ್ನು ಕೊಡುತ್ತಾ ನಿಮ್ಮ ದಾರಿ ತಪ್ಪುವಂತೆ ಮಾಡಬಹುದು. ಅಂತಹವರ ಬಗ್ಗೆ ಎಚ್ಚರದಿಂದಿರಿ. ಅನಾವಶ್ಯಕವಾಗಿ ಹಣವನ್ನು ಪೋಲು ಮಾಡಬೇಡಿ. ಬಂಧು ಮಿತ್ರರೊಂದಿಗೆ ಅನಾವಶ್ಯಕ ಮಾತು ಬೇಡ. ವಿದ್ಯಾರ್ಥಿ ತಮ್ಮ ಅಭ್ಯಾಸದ ಕಡೆ ಕೇಂದ್ರೀಕೃತರಾಗುವುದು ಉತ್ತಮ. ಲೌಕಿಕ ಆಕರ್ಷಣೆ ಹೆಚ್ಚಾದಲ್ಲಿ ಅದು ಭವಿಷ್ಯಕ್ಕೆ ಮುಳ್ಳಾಗಬಹುದು, ಅತಿಯಾದ ತಿರುಗಾಟದಿಂದ ನಿಮ್ಮ ಹಣವೇ ವ್ಯರ್ಥವಾಗುವುದು. ಆಸ್ತಿ ವಿಭಾಗದ ವಿಚಾರವನ್ನು ಸದ್ಯದ ಮಟ್ಟಿಗೆ ಮುಂದು ಹಾಕುವುದು ಲೇಸು. ಮನೆಯ ಸದಸ್ಯರನ್ನೇಲ್ಲಾ ಸಂತೃಪ್ತಿ ಪಡಿಸಬೇಕಾದ ಪ್ರಸಂಗ ಬರಲಿದೆ. ಆಗ ಇಲ್ಲಿ ನಿಮ್ಮ ಜಾಣತನ ಹಾಗೂ ಬುದ್ಧಿವಂತಿಕೆ ಪ್ರಯೋಜನಕ್ಕೆ ಬರಲಿದೆ. 

ಬುಧವಾರ, ಗುರುವಾರ, ಶುಕ್ರವಾರ ಶುಭ ದಿನಗಳು.


ಮಿಥುನ:

3,4, ಆರಿದ್ರಾ, ಪುನರ್ವಸು 1,2,3, (.ಕಿ.ಕು., , .ಕೆ.ಕೋ..)

ನೀವು ಸರ್ಕಾರಿ ನೌಕರರಾಗಿದ್ದಲ್ಲಿ ನಿಮ್ಮ ನಿಷ್ಛತೆ ಹಾಗೂ ಪ್ರಾಮಾಣಿಕತೆಯನ್ನು ಮೇಲಾಧಿಕಾರಿಗಳಿಗೆ ಮನವರಿಕೆ ಮಾಡಿಕೊಡಿ. ಇಲ್ಲವಾದಲ್ಲಿ ಸಹೋದ್ಯೋಗಿಗಳ ಚಿತಾವಣೆಯಿಂದ ಎಲ್ಲರೂ ನಿಮ್ಮ ಮೇಲೆ ಅವಿಶ್ವಾಸ ತೋರಬಹುದು. ತಪ್ಪು ತಿಳುವಳಿಕೆಯಿಂದಾಗಿ, ಕುಟುಂಬದಲ್ಲಿ ಮಾತ್ರವಲ್ಲದೇ ಬಂಧು ಬಳಗದವರಿಗೆ ನಿಷ್ಠೂರವಾಗಬೇಕಾದೀತು. ನೆರೆಹೊರೆಯವರೊಂದಿಗೆ ಅನಾವಶ್ಯಕವಾದ ವಿವಾದಗಳು ಬೇಡ. ಅನಗತ್ಯ ಕೋಪ-ತಾಪಗಳಿಂದಾಗುವ ತೊಂದರೆಗಳನ್ನು ತಪ್ಪಿಸಲು ಸಮಾಧಾನ ಒಂದೇ ಮೂಲಮಂತ್ರ. ಮನೋ ಚಾಂಚಲ್ಯತೆಯ ಮೇಲೆ ನಿಯಂತ್ರಣ ಸಾಧಿಸಲು ಪ್ರಯತ್ನಿಸಿ ವ್ಯವಹಾರದಲ್ಲಿ ಪಾಲುದಾರರು ಕೊಡುವ ಕೆಲವು ಸಲಹೆಗಳನ್ನು ಸ್ವೀಕರಿಸಿದಲ್ಲಿ ವಿಶ್ವಾಸಕ್ಕೆ ಕುಂದು ಬರುವುದಿಲ್ಲ, ಹಣಕಾಸಿನ ವಿಚಾರದಲ್ಲಿ ಯಾರನ್ನೂ ನಂಬದೇ ಇರುವುದು ಉತ್ತಮ. ಅಪರಿಚಿತರ ವಿಚಾರದಲ್ಲಿ ಎಚ್ಚರವಿರಲಿ.

ಭಾನುವಾರ, ಬುಧವಾರ, ಗುರುವಾರ ಶುಭ ದಿನಗಳು.


ಕಟಕ:

ಪುನ 4, ಪುಷ್ಯ, ಆಶ್ಲೇಷ (ಹಿ.ಹು.ಹೆ.ಹೂ..ಡಿ.ಡು.ಡೆ.ಡೋ)

ಅಂದುಕೊಂಡ ಕೆಲಸಗಳು ತಾವಾಗಿ ಕೈಗೂಡಲಿದ್ದು ನಿಮ್ಮ ಶ್ರಮವನ್ನು ಕಡಿಮೆ ಮಾಡಲಿದೆ. ಹಾಗೆಂದ ಮಾತ್ರಕ್ಕೆ ಉದಾಸೀನ ಪ್ರವೃತ್ತಿ ಸಲ್ಲದು. ಯಶಸ್ಸಿನ ಹಾದಿ ಸುಗಮವಾಗಲಿದೆ. ಆಸ್ತಿ ಖರೀದಿ ವಿಚಾರದಲ್ಲಿ ಈಗ ಮುಂದುವರೆಯಬಹುದು. ಅದಕ್ಕೆ ಸಂಬಂಧಪಟ್ಟಂತೆ ಹಲವು ರೀತಿಯ ನೆರವು ತಾನಾಗಿಯೇ ಒದಗಿ ಬರಲಿದೆ. ಬಂಧುಗಳೊಂದಿಗಿದ್ದ ಭಿನ್ನಾಭಿಪ್ರಾಯ ಮಾತುಕತೆಯಾಡುವುದರಿಂದ ದೂರವಾಗಲಿದೆ. ಮತ್ತೊಬ್ಬ ವಿಚಾರದಲ್ಲಿ ನಿಮ್ಮ ಪ್ರವೇಶ ಬೇಡ. ಇಲ್ಲವಾದಲ್ಲಿ ಅವಮಾನ ಹೊಂದಬೇಕಾದೀತು. ವಿದ್ಯಾರ್ಥಿಗಳು ತಮ್ಮ ಅಧ್ಯಯನದಲ್ಲಿ ವಿಶೇಷ ಕಾಳಜಿ ವಹಿಸುವುದು ಉತ್ತಮ. ಅವರು ವಿದೇಶದಲ್ಲಿ ಓದಲು ಬಯಸಿದಲ್ಲಿ ಅದಕ್ಕೆ ಬೇಕಾದ ನೆರವು ದೊರೆಯಲಿದೆ. ಅದನ್ನು ಸದುಪಯೋಗಪಡಿಸಿ ಕೊಳ್ಳಲಿ. ಮನೆಯಲ್ಲಿ ವಿಶೇಷ ಮಂಗಳ ಕಾರ್ಯಗಳು ನಡೆಯಲಿವೆ. ಅದಕ್ಕೆ ಹಿರಿಯರ ಬೆಂಬಲ ದೊರೆಯಲಿದೆ.

ಸೋಮ, ಗುರು, ಶನಿವಾರ ಶುಭದಿನಗಳು.


ಸಿಂಹ:

ಮಘ, ಪುಬ್ಬ, ಉತ್ತರ 1. (.ಮಿ.ಮು.ಮೋ.ವೆ..ಟಿ.ಟು.ಟೆ)

ಕೌಟುಂಬಿಕ ವಿಚಾರಗಳನ್ನು ಹಿರಿಯರಿಗೆ ಒಪ್ಪಿಸಿ ತಟಸ್ಥರಾಗಿರುವುದು ಲೇಸು. ತುಸು ವ್ಯತ್ಯಾಸವಾದಲ್ಲಿ ನೀವು ಮುಖಭಂಗಕ್ಕೆ ಒಳಗಾಗುವಿರಿ. ಮತ್ತೊಬ್ಬರ ಹಣಕಾಸಿನ ವಿಚಾರದಲ್ಲಿ ಮಧ್ಯಸ್ಥರಾಗ ಲೇಬೇಡಿ. ಮತ್ತಾರದೋ ಮುಲಾಜಿಗೆ ಒಳಗಾದಲ್ಲಿ ನೀವು ಸಾಲದಲ್ಲಿ ಮುಳುಗ ಬೇಕಾದೀತು. ಹಿರಿಯರ ಆರೋಗ್ಯದಲ್ಲಿ ತುಸು ವ್ಯತ್ಯಾಸವಾಗ ಬಹುದು. ಅದನ್ನು ಅಲಕ್ಷಿಸಿದಲ್ಲಿ ವಿಪರೀತಕ್ಕೆ ಹೋಗಬಹುದು. ದಂಪತಿ ಗಳು ಚಾಡಿಮಾತನ್ನು ಕೇಳದೇ ತುಸು ತಾಳ್ಮೆಯಿಂದ ಕುಳಿತು ಮಾತು ಕತೆ ನಡೆಸಿದಲ್ಲಿ ಸಮಸ್ಯೆಗಳು ತಾವಾಗಿಯೇ ಬಗೆಹರಿಯಲಿವೆ. ಶತ್ರುಗಳೊಂದಿಗೆ ಶಾಂತತೆಯಿಂದ ವರ್ತಿಸಿದಲ್ಲಿ ಮುಂದೆ ಅವರೇ ಮಿತ್ರರಾಗುವ ಸಂಭವವಿದೆ. ರಾಜಕಾರಣಿಗಳಿಗೆ ಉತ್ತಮ ದಿನಗಳೇ ಆಗಿದ್ದರೂ ಕೂಡ ಅವನ್ನು ಹಿಂದಿಕ್ಕಲು ಪ್ರಯತ್ನಿಸುವವರಿಗೇನೂ ಕಡಿಮೆಯಿಲ್ಲ. ಮನೆ ವಾರ್ತೆ ವಿಷಯದಲ್ಲಿ ತಾಳ್ಮೆಯಿಂದ ನಡೆದುಕೊಳ್ಳಲು ಪ್ರಯತ್ನಿಸಿ. ಆರೋಗ್ಯದ ಬಗ್ಗೆ ನಿಗಾ ಇರಲಿ.

ಭಾನು, ಮಂಗಳ, ಬುಧ ಶುಭದಿನಗಳು.


ಕನ್ಯಾ:

ಉತ್ತರಾ 2,3,4, ಹಸ್ತಾ, ಚಿತ್ತಾ 1,2 (ಟೋ..ಪಿ.ಪು....ಪೆ.ಪೋ)

ಹಣಕಾಸಿನ ವಿಚಾರದಲ್ಲಿ ಯಾವುದೇ ಕೊರತೆ ಕಂಡು ಬರದಿದ್ದರೂ ಕೂಡ ಉಳಿತಾಯದ ವಿಷಯದಲ್ಲಿ ತೀವ್ರಗೊಂದಲ ಕಾಣಲಿದೆ. ಹರಿದು ಬರಲಿರುವ ಹಣಕಾಸಿನ ನೆರವು, ನಿಮ್ಮ ಹೊಸ ಯೋಜನೆಗಳಿಗೆ ಸಹಕಾರವಾಗಲಿದೆ. ಆಸ್ತಿಕೊಳ್ಳುವ ವಿಚಾರವಿದ್ದಲ್ಲಿ ಅದನ್ನು ಅನಾವಶ್ಯಕವಾಗಿ ಮುಂದೂಡಬೇಡಿ. ಬರಲಿರುವ ಉತ್ತಮ ಅವಕಾಶಗಳು ಕೈ ತಪ್ಪಿ ಹೋಗದಂತೆ ನೋಡಿಕೊಳ್ಳಿ, ಕಳೆದು ಹೋದ ಘಟನೆಗಳನ್ನೇ ಮೆಲುಕು ಹಾಕುತ್ತಾ ಇರುವುದರಿಂದ ನಿಮ್ಮ ಭವಿಷ್ಯ ಹಾಳಗಬಹುದು. ಮನೆಯಲ್ಲಿರುವ ಅಮೂಲ್ಯ ವಸ್ತುಗಳನ್ನು ಜೋಪಾನವಾಗಿ ಕಾಪಾಡಿಕೊಳ್ಳಿ. ಪ್ರಯಾಣ ಮಾಡದಿರುವುದು ಹಾಗೂ ಅತಿಯಾದ ಮನರಂಜನೆಗಳನ್ನು ಕಡಿಮೆ ಮಾಡುವುದು ಎಲ್ಲಾ ದೃಷ್ಟಿಯಿಂದ ಉತ್ತಮ.

ಸೋಮವಾರ, ಬುಧವಾರ, ಗುರುವಾರ ಶುಭ ದಿನಗಳು.


ತುಲಾ:

ಚಿತ್ತಾ 3,4, ಸ್ವಾತಿ, ವಿಶಾಖ 1,2,3 (.ರಿ.ರು.ರೆ.ರೊ..ತಿ.ತು.ತೆ.)

ನೀವು ನಿಮ್ಮನ್ನು ಎಷ್ಟೇ ಬುದ್ಧಿವಂತರೆಂದು ತಿಳಿದಿದ್ದರೂ ಕೂಡ ಬೇರೆಯವರ ವಂಚನೆಯ ಸಂಚಿಗೆ ಬಲಿಯಾಗುವ ಸಂಭವವಿದೆ. ಇದರ ಬಗ್ಗೆ ಸಾಕಷ್ಟು ಎಚ್ಚರ ವಹಿಸಿರಿ. ಯೋಜನಾ ಬದ್ಧವಲ್ಲದ ಕಾರ್ಯಕ್ರಮಗಳಿಂದಾಗಿ ಉಂಟಾಗಬಹುದಾದ ನಷ್ಟವು ನಿಮಗೆ ಮಾನಸಿಕ ಹಿಂಸೆಯಾಗಬಹುದು. ಮನೆಯಲ್ಲಿ ಅಂಕೆ ಮೀರಿ ಆಗುತ್ತಿರುವ ಖರ್ಚುಗಳಿಗೆ ಒಂದು ಕಡಿವಾಣ ಹಾಕುವುದು ಲೇಸು. ಮಿತ್ರರೊಂದಿಗೆ ಅನಾವಶ್ಯಕ ವಾಗ್ವಾದ ಅಥವಾ ಪಣ ಕಟ್ಟುವಿಕೆಯನ್ನು ಖಂಡಿತಾ ಮಾಡಬೇಡಿ. ಮಕ್ಕಳ ವಿದ್ಯಾಭ್ಯಾಸದಲ್ಲಿ ಸಾಕಷ್ಟು ಪ್ರಗತಿ ಕಂಡು ಬರಲಿದ್ದು ಅದು ನಿಮಗೆ ತುಸು ನೆಮ್ಮದಿ ತರಲಿದೆ. ನಿಮ್ಮ ಅನಿಸಿಕೆಗಳನ್ನು ಆಪ್ತರೊಂದಿಗೆ ಮಾತ್ರ ಹಂಚಿಕೊಳ್ಳಿ. ಚಾಡಿಮಾತುಗಳ್ನು ಕೇಳದಿರುವುದೇ ಉತ್ತಮ. ಹಿರಿಯರ ಸಲಹೆಯಂತೆ ನಡೆದುಕೊಂಡಲ್ಲಿ ಅದು ಮುಂದೆ ಪ್ರಯೋಜನಕ್ಕೆ ಬರಲಿದೆ.

ಸೋಮವಾರ, ಶುಕ್ರವಾರ, ಶನಿವಾರ ಶುಭ ದಿನಗಳು.


ವೃಶ್ಚಿಕ:

ವಿಶಾಖ 4, ಅನೂ, ಜೇಷ್ಠ (ತೊ..ನಿ.ನು.ನೆ.ನೋ..ಯಿ.ಯು.)

ಕಂಡವರನ್ನೆಲ್ಲಾ ಪರಮಾಪ್ತರೆಂದು ತಿಳಿದು ನಿಮ್ಮ ಒಳಗುಟ್ಟನ್ನು ಅಥವಾ ಮನೋಭಾವನೆಗಳನ್ನು ಹಂಚಿಕೊಂಡಲ್ಲಿ ಮುಂದೆ ನೀವು ಅಪಮಾನಕ್ಕೆ ಗುರಿಯಾಗಬೇಕಾದೀತು. ಕೈಗೊಂಡ ಉದ್ಯಮ ಲಾಭದ ಹಾದಿಯಲ್ಲಿ ಸಾಗಲಿದ್ದು, ಸಾಕಷ್ಟು ಧನ ಲಾಭ, ಕೀರ್ತಿ ತರುವುದು, ಮಕ್ಕಳ ಮುಂದಿನ ಭವಿಷ್ಯದ ಬಗ್ಗೆ ಈಗಲೇ ಒಂದು ಯೋಜನೆ ಸಿದ್ಧಪಡಿಸಿಕೊಳ್ಳುವುದು ಉತ್ತಮ. ಬಿಡುವಿಲ್ಲದ ಕಾರ್ಯಕ್ರಮದ ನೆಪದಲ್ಲಿ ದೇಹಾರೋಗ್ಯವನ್ನು ಕಡೆಗಣಿಸಬೇಡಿ. ಊಟೋಪಚಾರದ ವಿಷಯದಲ್ಲಿ ಕಟ್ಟು ನಿಟ್ಟಿನ ಕ್ರಮ ವಹಿಸಿರಿ. ಮಡದಿ ಮನೆ ಕಡೆ ಆರ್ಥಿಕ ನೆರವು ಕೋರಿ ಬಂಧುಗಳು ಬರಬಹುದು. ಸಾಮಾಜಿಕ ಸೇವೆಯಲ್ಲಿ ತೊಡಗಬಯಸುವ ನಿಮಗೆ ಕುಟುಂಬದ ಕಡೆಯಿಂದ ಸಂಪೂರ್ಣ ನೆರವು ದೊರೆಯಲಿದೆ. ಹಿರಿಯರನ್ನು ಗೌರವಿಸಿರಿ.

ಭಾನುವಾರ, ಗುರುವಾರ, ಶುಕ್ರವಾರ ಶುಭ ದಿನಗಳು.


ಧನಸ್ಸು:

ಮೂಲ, ಪೂರ್ವಾಷಾಡ, ಉತ್ತರಾಷಾಡ,  (ಯೆ.ಯೋ. .ಬಿ.ಬು....ಬೆ.)

ವಿದ್ಯಾವಂತರಾದ ಪದವೀಧರರಾದ ಯುವಕರಿಗೆ ಸದ್ಯದಲ್ಲೇ ಸಾಧಾರಣ ವೇತನದ ನೌಕರಿ ದೊರೆಯಲಿದೆ. ಬಂದ ಅವಕಾಶವನ್ನು ಕೈ ಚೆಲ್ಲದೇ ಅದರಲ್ಲೇ ಮುಂದುವರೆದಲ್ಲಿ ಹಣ ಮೂಲದಲ್ಲಿ ಹೆಚ್ಚಳ ಕಂಡುಬರಲಿದ್ದು ಅದನ್ನು ಸಾಕಷ್ಟು ಗೌಪ್ಯವಾಗಿಡುವುದು ಉತ್ತಮ. ಇಲ್ಲವಾದಲ್ಲಿ ಅನಾವಶ್ಯಕ ವಸ್ತುಗಳ ಖರೀದಿಗೆಂದು ಬಂದ ಹಣ ಖರ್ಚಾಗಬಹುದು. ಹಿರಿಯರ ಸಣ್ಣ-ಪುಟ್ಟ ಅನಾರೋಗ್ಯಗಳನ್ನು ಯಾವುದೇ ಕಾರಣಕ್ಕೂ ಉದಾಸೀನ ಮಾಡಬೇಡಿ. ಬಿಟ್ಟು ಹೋಗಿದ್ದ ಸೋದರ ಬಾಂಧವ್ಯ ಮತ್ತೆ ಬೆಸೆಯಲಿದೆ. ಇದರಿಂದ ಮನೆಯಲ್ಲಿ ನಡೆಯಲಿರುವ ಮಂಗಳ ಕಾರ್ಯಗಳಿಗೆ ಒಳ್ಳೆಯ ಕಳೆ ಕಟ್ಟಲಿದೆ. ಅರ್ಥಯಿಲ್ಲದ ಮಾನಸಿಕ ತಳಮಳವನ್ನು ಹತೋಟಿಗೆ ತರಲು ಯೋಗಾಭ್ಯಾಸವನ್ನು ಕಲಿಯಲು ಯತ್ನಿಸಿ. ಹಳೆ ಮಿತ್ರರ ಆಗಮನದಿಂದ ಮನೆಯಲ್ಲಿ ಸಂತಸ ಮೂಡಲಿದೆ. 

ಸೋಮವಾರ, ಬುಧವಾರ, ಗುರುವಾರ ಶುಭ ದಿನಗಳು. 


ಮಕರ:

ಉತ್ತರಾಷಾಢ 2,3,4, ಶ್ರವಣ, ಧನಿಷ್ಠಾ 1,2 (ಜೊ..ಜಿ.ಜೆ.ಶಿ.ಶು.ಶೇ.ಶೋ..ಗಿ)

ನೀವು ವೈದ್ಯರಾಗಿದ್ದಲ್ಲಿ ಮಾಡಲಿರುವ ಕರ್ತವ್ಯವನ್ನು ನಿಷ್ಠೆ ಹಾಗೂ ಪ್ರಾಮಾಣಿಕತೆಯಿಂದ ನಿರ್ವಹಿಸುವುದು ಉತ್ತಮ. ತುಸು ಮೈ ಮರೆತರೂ ವೃಥಾ ಕೋಪ ತಪ್ಪಿದ್ದಲ್ಲಿ ಆಸ್ತಿ ಖರೀದಿ ವಿಚಾರದಲ್ಲಿ ತುಸು ಬುದ್ಧಿವಂತಿಕೆಯಿಂದ ನಡೆದುಕೊಳ್ಳಿ. ಸ್ನೇಹಿತರ ಒತ್ತಾಯದ ಮೇರೆಗೆ ದೂರ ಪ್ರಯಾಣ ಮಾಡಬೇಕಾಗಬಹುದು, ಉದ್ಯೋಗದಲ್ಲಿ ಸಹಕಾರ ಮನೋಭಾವವನ್ನು ರೂಢಿಸಿಕೊಳ್ಳಿ. ಖಾಸಗಿ ಕಂಪನಿ ನೌಕರರು ಸದ್ಯದ ಪರಿಸ್ಥಿಯಲ್ಲಿ ನೌಕರಿ ಬದಲಾಯಿಸದಿರುವುದು ಲೇಸು. ವರ್ತಕ ವರ್ಗದವರಿಗೆ ವಹಿವಾಟು ಚೆನ್ನಾಗಿ ನಡೆದರೂ ಕೂಡ ಮಧ್ಯವರ್ತಿಗಳಿಂದ ವಂಚನೆಗೆ ಒಳಗಾಗುವ ಸಂಭವವಿದೆ. ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ಹೆಚ್ಚಿನ ಹೂಡಿಕೆ ಬೇಡ. ಬಡ ವಿದ್ಯಾರ್ಥಿಗಳಿಗೆ ಆರ್ಥಿಕ ನೆರವು ನೀಡಲು ಯತ್ನಿಸಿ.

ಸೋಮವಾರ, ಗುರುವಾರ, ಶನಿವಾರ ಶುಭ ದಿನಗಳು.


ಕುಂಭ:

ಧನಿಷ್ಠಾ, ಶತಭಿಷಾ, ಪೂರ್ವಾಭಾದ್ರ 1,2,3 (ಗು.ಗೆ.ಗೊ..ಸಿ.ಸು.ಸೆ.ಸೋ.)

ನೀವು ನಿರೀಕ್ಷಿಸಿದ ರೀತಿಯಲ್ಲೇ ಅಂದುಕೊಂಡ ಕೆಲಸಗಳು ಶೀಘ್ರದಲ್ಲಿಯೇ ನೆರವೇರಲಿವೆ. ಈ ವಿಷಯದಲ್ಲಿ ರಾಜಕಾರಣಿಗಳ ಮರ್ಜಿ ಹಿಡಿದಲ್ಲಿ ಇನ್ನೂ ಬೇಗನೆ ಆಗಲಿದೆ. ಆದಾಯದ ಮೂಲದಲ್ಲಿ ಹೆಚ್ಚಳ ಕಂಡುಬಂದರೂ ಒಂದು ಕಡೆಯಿಂದ ಹೆಚ್ಚುತ್ತಿರುವ ಖರ್ಚು ಉಳಿತಾಯಕ್ಕೆ ಕೊರತೆ ತರಲಿದೆ. ಖಾಸಗಿ ಕಂಪನಿ ನೌಕರರಿಗೆ ಬೇರೆ ಜಾಗಗಳಿಗೆ ಅನೀರೀಕ್ಷಿತ ವರ್ಗವಾಗಲಿದೆ. ಆದರೂ ಅವರು ಪರಸ್ಥಳದಲ್ಲಿಯೂ ತಮ್ಮ ವರ್ಚಸ್ಸನ್ನು ಉಳಿಸಿಕೊಳ್ಳಲಿದ್ದಾರೆ. ವಿದ್ಯಾರ್ಥಿಗಳು ತೀವ್ರ ತರವಾದ ಒತ್ತಡದಲ್ಲಿ ವಿದ್ಯಾಭ್ಯಾಸ ಮುಂದುವರೆಸುವರು. ಸ್ನೇಹಿತರು ಉತ್ತಮ ಸಲಹೆಗಳನ್ನು ಕೂಡಲಿದ್ದು ಅದನ್ನು ಸದುಪಯೋಗಪಡಿಸಿಕೊಳ್ಳಿ. ಚಾಡಿಮಾತುಗಳನ್ನು ಯಾವುದೇ ಕಾರಣಕ್ಕೂ ಆಡದಿರಿ. ಸೋದರಿಯ ಮಗಳಿಗೆ ಉತ್ತಮ ಸಂಬಂಧವೊಂದು ತಾನಾಗಿಯೇ ಹುಡುಕಿಕೊಂಡು ಬರಲಿದೆ.

ಮಂಗಳ, ಶುಕ್ರವಾರ, ಶನಿವಾರ ಶುಭ ದಿನಗಳು.


ಮೀನ:

ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ    (ದಿ.ದು....ದೆ.ದೋ...ಚಿ.)

ಬಿಡುವಿಲ್ಲದ ಕಾರ್ಯದ ನಡುವೆಯೂ ಬಂಧುಗಳ ಮನೆಯಲ್ಲಿ ನಡೆಯಲಿರುವ ಶುಭ ಕಾರ್ಯಗಳಲ್ಲಿ ಭಾಗವಹಿಸು ವಿರಿ.  ಆ ಕಾರ್ಯದಲ್ಲಿ ಭೇಟಿಯಾಗಲಿರುವ ಬಂಧುಗಳೊಂದಿಗೆ ವಾಗ್ವಾದ ವಾಗುವ ಸಂಭವವಿದೆ. ಈ ಸಂದರ್ಭದಲ್ಲಿ ನೀವು ತುಸು ತಾಳ್ಮೆ ಹಾಗೂ ಜಾಣ್ಮೆ ಯಿಂದ ನಡೆದುಕೊಳ್ಳಿ. ಪೂರ್ವಯೋಜಿತ ಪ್ರಯಾಣ, ಸುಖಕರವಾಗಲಿದೆ. ಕೆಲಸದ ಒತ್ತಡದಿಂದಾಗಿ ಆರೋಗ್ಯದಲ್ಲಿ ತುಸು ವ್ಯತ್ಯಾಸ ಕಂಡು ಬರಬಹುದು. ಸೂಕ್ತ ವೈದ್ಯರಿಂದ ಚಿಕಿತ್ಸೆ ಪಡೆಯಿರಿ. ನಿಮ್ಮ ಸ್ವಂತ ಉದ್ಯೋಗದಲ್ಲಿ ಸದ್ಯದ ಮಟ್ಟಿಗೆ ಏನೂ ತೊಂದರೆಯಿಲ್ಲದಿದ್ದರೂ ಕೂಡ ವಾರಾಂತ್ಯದಲ್ಲಿ ಸ್ವಲ್ಪ ಅಡಚಣೆ ಕಾಣಬಹುದು. ಪ್ರಾಧ್ಯಾಪಕ ವರ್ಗದವರ ವೇತನದಲ್ಲಿ ಹೆಚ್ಚಳ ಕಂಡು ಬರಲಿದ್ದು, ಅವರ ಆರ್ಥಿಕ ಪರಿಸ್ಥಿತಿ ಸಾಕಷ್ಟು ಸುಧಾರಿಸಲಿದೆ. ಬೇರೆ ಯವರ ವಾಹನಗಳನ್ನು ಚಾಲಿಸಲು ಹೋಗಬೇಡಿ. ಊಟೋಪಚಾರ ವಿಷಯ ದಲ್ಲಿ ತುಸು ಎಚ್ಚರದಿಂದಿರಿ.

ಭಾನು, ಸೋಮ, ಗುರುವಾರ ಶುಭ ದಿನಗಳು.