September 18, 2019

ರಾಶಿ ಭವಿಷ್ಯ

ರಾಶಿ ಭವಿಷ್ಯ

ದಿನಾಂಕ: 08.09.2019 ರಿಂದ ದಿನಾಂಕ: 04.09.2019 ರವರೆಗೆ – ಜಯತೀರ್ಥಾಚಾರ್ ವಡೇರ್, ದಾವಣಗೆರೆ.


ಮೇಷ:

ಅಶ್ವಿನಿ, ಭರಣಿ, ಕೃತ್ತಿಕಾ (ಚೂ.ಚೇ.ಚೋ..ಲಿ..ಲೇ.ಲೊ..)

ಆಂತರಿಕ ತೊಳಲಾಟದಿಂದಾಗಿ ಮಾನಸಿಕ ಚಂಚಲತೆ, ಧ್ಯಾನ-ಯೋಗಗಳಿಂದ ಮನಸ್ಸನ್ನು ನಿಯಂತ್ರಿಸಿ, ಪದೇ ಪದೇ ಬದಲಾಗುವ ನಿರ್ಣಯಗಳು ನಿಮ್ಮ ವೃತ್ತಿಯ ಮೇಲೆ ಅಡ್ಡ ಪರಿಣಾಮ, ಯುವಕರಿಗೆ ರಾಜಕೀಯ ಪ್ರವೇಶಕ್ಕೆ ಸ್ವಾಗತ, ಆಸೆಗಳು ಈಡೇರಲು ಕಾಯದೇ ವಿಧಿಯಿಲ್ಲ, ಕುಟುಂಬದಲ್ಲಿ ಅನುಮಾನಗಳು ಸುಳಿದಾಡಲಿದ್ದು, ಅದನ್ನು ಆರಂಭಿಕ ಹಂತದಲ್ಲೇ ನಿವಾರಿಸುವುದು ಉತ್ತಮ. ಸೋಮವಾರ, ಮಂಗಳವಾರ, ಬುಧವಾರ ಶುಭ ದಿನಗಳು. 


ವೃಷಭ:

ಕೃತ್ತಿಕಾ, 2,3,4, ರೋಹಿಣಿ, ಮೃಗ 1,2 (.....ವಿ.ವು.ವೆ.ವೋ)

ವಿದ್ಯಾರ್ಥಿಗಳ ಸಾಧನೆ ಉತ್ತಮವಾಗಿದೆ. ಹಣಕಾಸಿನ ವಿನಿಮಯದ ವ್ಯವಹಾರ ಅತ್ಯುತ್ತಮವಾಗಿ ನಡೆಯಲಿದೆ. ದೊಡ್ಡ ಮಟ್ಟದ ವಹಿವಾಟಿನವರಿಗೆ ಜಾರಿ ನಿರ್ದೇಶನಾಲಯ ಆದಾಯ ತೆರಿಗೆ ಅಧಿಕಾರಿಗಳಿಂದ ಕಿರುಕುಳ, ಕೃಷಿ ಪ್ರಧಾನ ವ್ಯಾಪಾರಿಗಳಿಗೆ ಹೊರ ರಾಜ್ಯದಿಂದ ಹೆಚ್ಚಿನ ಸರಕುಗಳ ಬೇಡಿಕೆ ಬರಲಿದೆ. ಆದಾಯದ ವಿಚಾರದಲ್ಲಿ ಚಿಂತೆ ಬೇಡ. ಬಡ್ಡಿ ವ್ಯವಹಾರದಲ್ಲಿ ಹೆಚ್ಚಿನ ಹೂಡಿಕೆ ಹಿತವಲ್ಲ. ಪ್ರಯಾಣದಿಂದ ಲಾಭ. ಬುಧವಾರ, ಗುರುವಾರ, ಶುಕ್ರವಾರ ಶುಭದಿನಗಳು.  


ಮಿಥುನ:

3,4, ಆರಿದ್ರಾ, ಪುನರ್ವಸು 1,2,3, (.ಕಿ.ಕು., , .ಕೆ.ಕೋ..)

ಪದೋನ್ನತಿ ಪಡೆದ ರಾಜಕಾರಣಿಗಳಿಗೆ ಅನಿರೀಕ್ಷಿತವಾಗಿ ಖಾತೆ ಬದಲಾವಣೆ, ಹಣಕಾಸು ಸಂಸ್ಥೆಗಳಿಂದ ಹೆಚ್ಚಿನ ಬಡ್ಡಿಯ ಆಮಿಷ ಬರಲಿದೆ. ಅತಿಯಾಸೆ ಒಳ್ಳೆಯದಲ್ಲ ಎಂಬುದು ನೆನಪಿರಲಿ. ಹಿರಿಯ ಮೇಲಾಧಿಕಾರಿಗಳಿಗೆ ಊಹಿಸಲಾಗದ ರೀತಿಯಲ್ಲಿ ವರ್ಗಾವಣೆ ಆದೇಶ ಬರಲಿದೆ.ಮಗನಿಂದ ಆರ್ಥಿಕ ನೆರವು, ಬಂಧುಗಳೊಂದಿಗೆ ವಾಗ್ವಾದ ಬೇಡ, ಬಂಡವಾಳ ಹೂಡಿಕೆ ಮಾಡುವ ಮೊದಲು ಆಲೋಚಿಸಿ, ಭಾನುವಾರ, ಮಂಗಳವಾರ, ಬುಧವಾರ ಶುಭ ದಿನಗಳು. 


ಕಟಕ:

ಪುನ 4, ಪುಷ್ಯ, ಆಶ್ಲೇಷ (ಹಿ.ಹು.ಹೆ.ಹೂ..ಡಿ.ಡು.ಡೆ.ಡೋ)

ನಿಮಗೆ ಬರಲಿರುವ ಅವಕಾಶವನ್ನು ಎದುರಾಳಿಗಳು ಕಸಿದುಕೊಳ್ಳುವಲ್ಲಿ ವಿಫಲರಾಗುವರು. ನೀವು ಗುತ್ತಿಗೆದಾರರಾಗಿದ್ದಲ್ಲಿ ಬರಬೇಕಾಗಿರುವ ಮೊತ್ತ ಇಷ್ಟರಲ್ಲೇ ನಿಮ್ಮ ಕೈ ಸೇರಲಿದೆ. ಅವಿವಾಹಿತರಿಗೆ ಉತ್ತಮ ಸಂಬಂಧಗಳು ಬರಲಿವೆ. ಕರಿದ ಪದಾರ್ಧಗಳ ವ್ಯಾಪಾರಿಗಳು ಹೆಚ್ಚಿನ ವಹಿವಾಟು ನಡೆಸುವರು, ಮದ್ಯ ಮಾರಾಟಗಾರರು ಯಾವುದೇ ವ್ಯತ್ಯಾಸವಿಲ್ಲ, ಕೃಷಿ ಹೈನುಗಾರಿಕೆಯಲ್ಲಿ ಹೆಚ್ಚಿನ ಸ್ಪರ್ಧೆ, ಸೋಮಾವಾರ, ಬುಧವಾರ, ಗುರುವಾರ ಶುಭ ದಿನಗಳು.


ಸಿಂಹ:

ಮಘ, ಪುಬ್ಬ, ಉತ್ತರ 1. (.ಮಿ.ಮು.ಮೋ.ವೆ..ಟಿ.ಟು.ಟೆ)

ವಿದ್ಯಾರ್ಥಿಗಳ ಉನ್ನತ ಅಧ್ಯಯನಕ್ಕೆ ಸಮಾಜದಿಂದ ಮುಕ್ತ ನೆರವು, ಆಗಬೇಕಾಗಿರುವ ಕೆಲಸಗಳು ನಿಧಾನಗತಿಯಲ್ಲಿ ಸಾಗಿದರೂ ಉತ್ತಮ ಫಲಿತಾಂಶ, ಮಗನ ವಿದೇಶ ವಿದ್ಯಾಭ್ಯಾಸಕ್ಕೆ ಹಲವು ಅಡ್ಡಿ ಆತಂಕಗಳು, ರಾಜಕಾರಣಿಗಳನ್ನು ನಂಬಿ ಯಾವುದೇ ಯೋಜನೆಗಳನ್ನು ಆರಂಭಿಸಬೇಡಿ, ನಿಮ್ಮಲ್ಲಿರುವ ಅನುಭವಗಳನ್ನು ಸಮಾಜಕ್ಕೆ ಕೊಡಮಾಡಿರಿ. ಸನ್ನಿವೇಶ ಎಷ್ಟೇ ಕ್ಲಿಷ್ಟವಾಗಿದ್ದರೂ ಅದನ್ನು ನಿಭಾಯಿಸುವ ಸಾಮರ್ಥ್ಯ ನಿಮಗಿದೆ. ಮತ್ತೊಬ್ಬರ ಭಾವನೆಗಳನ್ನು ಗೌರವಿಸಿ. ಭಾನುವಾರ, ಗುರುವಾರ, ಶುಕ್ರವಾರ ಶುಭ ದಿನಗಳು. 

ಕನ್ಯಾ:

ಉತ್ತರಾ 2,3,4, ಹಸ್ತಾ, ಚಿತ್ತಾ 1,2 (ಟೋ..ಪಿ.ಪು....ಪೆ.ಪೋ)

ನೀವು ಎಷ್ಟೇ ಪ್ರಯತ್ನ ಪಟ್ಟರೂ ಮಿತಿ ಮೀರಿ ಹೋಗುತ್ತಿರುವ ಖರ್ಚು, ನಿಮ್ಮನ್ನು ಕಂಗಾಲಾಗಿಸಬಹುದು. ಜನಪ್ರಿಯತೆಯನ್ನು ಸಂಪಾದಿಸುವ ನಿಮಗೆ ಯಾವುದೂ ಅಸಾಧ್ಯವಲ್ಲ, ಹೊಸದಾಗಿ ದೊರೆಯಲಿರುವ ಉದ್ಯೋಗದಲ್ಲಿ ಹುಮ್ಮಸ್ಸಿನಿಂದ ಭಾಗವಹಿಸುವಿರಿ. ಅನಿರೀಕ್ಷಿತ ಪ್ರಯಾಣ ಲಾಭದಾಯಕವಲ್ಲ. ಖಾಸಗಿ ನೌಕರರ ವೇತನದಲ್ಲಿ ಹೆಚ್ಚಳ, ಹಿರಿಯರ ಆರೋಗ್ಯದಲ್ಲಿ ಕಾಳಜಿ ಇರಲಿ. ಆದಾಯದಲ್ಲಿ ತುಸು ಕೊರತೆ, ಅತಿಯಾದ ಖಾರ ಪದಾರ್ಥ ಒಳ್ಳೆಯದಲ್ಲ, ಕುಲದೇವತಾ ದರ್ಶನ ಮಾಡಿ. ಸೋಮವಾರ, ಬುಧವಾರ, ಶುಕ್ರವಾರ ಶುಭ ದಿನಗಳು.  


ತುಲಾ:

ಚಿತ್ತಾ 3,4, ಸ್ವಾತಿ, ವಿಶಾಖ 1,2,3 (.ರಿ.ರು.ರೆ.ರೊ..ತಿ.ತು.ತೆ.)

ಆದಾಯದ ಮೂಲದಲ್ಲಿ ಹೆಚ್ಚಳ, ಕೈಗೊಂಡ ಪ್ರತಿಯೊಂದು ಕೆಲಸದಲ್ಲೂ ಯಶಸ್ಸು, ಆಸ್ತಿ ಖರೀದಿ ಬಗ್ಗೆ ಸರಿಯಾದ ನಿರ್ಧಾರ ಕೈಗೊಳ್ಳಿ. ಪುಸ್ತಕ ವ್ಯಾಪಾರಿಗಳಿಗೆ ಹೆಚ್ಚಿನ ವಹಿವಾಟು, ಮಡದಿ ಮಕ್ಕಳ ಒತ್ತಾಯದ ಮೇಲೆ ಹೊರ ಸಂಚಾರ ಮಾಡುವಿರಿ. ಮತ್ತೊಬ್ಬರ ವಾಹನವನ್ನು ಚಾಲಿಸುವ ಹುಚ್ಚು ಸಾಹಸಕ್ಕೆ ಕೈ ಹಾಕಬೇಡಿ. ಸೈನ್ಯದಲ್ಲಿ ಕೆಲಸ ಮಾಡುವವರಿಗೆ ಅತ್ಯುತ್ತಮ ಸೌಲಭ್ಯಗಳು, ಕೃಷಿ ಉಪಕರಣಗಳನ್ನು ಉಪಯೋಗಿಸುವಾಗ ಎಚ್ಚರವಿರಲಿ. ಹೈನುಗಾರಿಕೆ ಲಾಭ, ಅವಿವಾಹಿತರಿಗೆ ಕಂಕಣಭಾಗ್ಯ. ಬುಧವಾರ, ಶುಕ್ರವಾರ, ಶನಿವಾರ ಶುಭ ದಿನಗಳು.  

ವೃಶ್ಚಿಕ:

ವಿಶಾಖ 4, ಅನೂ, ಜೇಷ್ಠ (ತೊ..ನಿ.ನು.ನೆ.ನೋ..ಯಿ.ಯು.)

ನೀವು ಅಂದುಕೊಂಡಂತೆಯೇ ಎಲ್ಲವೂ ನಡೆಯುತ್ತದೆ ಎಂಬ ಭ್ರಾಂತಿಯಿಂದ ಹೊರಬರಲು ಪ್ರಯತ್ನಿಸಿ. ಅಹಮಿಕೆ ಅವನತಿಗೆ ಕಾರಣ, ಆದಾಯ ಎಷ್ಟೇ ಹೆಚ್ಚಾಗಿದ್ದರೂ ಅದಕ್ಕೆ ತಕ್ಕಂತೆ ಖರ್ಚು ಎದುರಾಗುವುದು. ಉಳಿತಾಯ ಶೂನ್ಯವಾಗಲಿದೆ. ಮಗಳಿಗೆ ಉತ್ತಮ ಸಂಬಂಧವೊಂದು ತಾನಾಗಿಯೇ ಬರಲಿದೆ. ಮಗನ ವಿದೇಶ ಪ್ರವಾಸ ಯೋಗ ಬರಲಿದೆ. ಹಿರಿಯರ ಆಸ್ತಿಯಲ್ಲಿ ಪಾಲು, ವಿದ್ಯಾರ್ಥಿಗಳಿಗೆ ಕಠಿಣ ಶ್ರಮ, ಶ್ರದ್ಧೆಯಿಂದ ಯಶಸ್ಸು, ಚಿಲ್ಲರೆ ವ್ಯಾಪಾರಿ ಗಳಿಗೆ ಸ್ವಲ್ಪ ಕಷ್ಟದ ದಿನಗಳು. ಸೋಮವಾರ, ಮಂಗಳವಾರ, ಗುರುವಾರ ಶುಭ ದಿನಗಳು.  


ಧನಸ್ಸು:

ಮೂಲ, ಪೂರ್ವಾಷಾಡ, ಉತ್ತರಾಷಾಡ,  (ಯೆ.ಯೋ. .ಬಿ.ಬು....ಬೆ.)

ಹಿರಿಯರ ಆರೋಗ್ಯದಲ್ಲಿ ತೀವ್ರ ವ್ಯತ್ಯಾಸ, ವೈದ್ಯಕೀಯ ವೆಚ್ಚ, ಪದವೀಧರೆಯಾದ ಮಗಳಿಗೆ ಉತ್ತಮ ಸಂಸ್ಥೆಯಲ್ಲಿ ನೌಕರಿ ದೊರೆಯಲಿದೆ. ಹಮ್ಮಿಕೊಂಡ ಕೆಲಸಗಳು ನಿರಾತಂಕವಾಗಿ ಆಗಲಿವೆ. ಬಂಧುಗಳ ನಡುವೆ ಹಣ ಕಾಸಿನ ವ್ಯವಹಾರ ಸಂಬಂಧದ ದೃಷ್ಟಿಯಿಂದ ಅಷ್ಟು ಒಳ್ಳೆಯದಲ್ಲ. ಸರ್ಕಾರಿ ನೌಕರಿ ಸಂಬಂಧಿ ತಿರುಗಾಟ, ಸಹೋದ್ಯೋಗಿಗಳೊಂದಿಗಿದ್ದ ಭಿನ್ನಾಭಿಪ್ರಾಯ ದೂರವಾಗಲಿದೆ. ಅತಿಯಾದ ತಿರುಗಾಟ ಆರೋಗ್ಯದ ಮೇಲೆ ಪರಿಣಾಮ. ಸ್ನೇಹಿ ತರ ಉಪಕಾರಕ್ಕೆ ಕೃತಜ್ಞತೆ ಇರಲಿ. ಭಾನುವಾರ, ಸೋಮವಾರ,  ಗುರುವಾರ ಶುಭ ದಿನಗಳು.


ಮಕರ:

ಉತ್ತರಾಷಾಢ 2,3,4, ಶ್ರವಣ, ಧನಿಷ್ಠಾ 1,2 (ಜೊ..ಜಿ.ಜೆ.ಶಿ.ಶು.ಶೇ.ಶೋ..ಗಿ)

ಬೋಧನಾ ಸಾಮರ್ಥ್ಯ ಇರುವವರಿಗೆ ಎಲ್ಲೆಡೆ ಅವಕಾಶಗಳು ತಾವಾಗಿಯೇ ಹುಡುಕಿಕೊಂಡು ಬರಲಿವೆ. ಮನೆಯಲ್ಲಿ ನಡೆಯಲಿರುವ ಕಾರ್ಯಗಳಿಗೆ ಖರ್ಚು ವೆಚ್ಚಗಳನ್ನು ನೀವೇ ಭರಿಸಬೇಕಾದೀತು. ಲೇವಾ ದೇವಿ ವ್ಯವಹಾರದಲ್ಲಿ ಆರಂಭಿಕ ತೊಂದರೆಗಳು ಕಂಡು ಬಂದರೂ, ಕ್ರಮೇಣ ಸರಿಹೋಗಲಿವೆ. ಸ್ತ್ರೀಯರು ಗುಟ್ಟಾಗಿ ಮಾಡುವ ಹಣಕಾಸಿನ ವ್ಯವಹಾರದಲ್ಲಿ ಇಷ್ಟರಲ್ಲೇ ಮೋಸ ಹೋಗಬಹುದು. ಕುಟುಂಬ ಸದಸ್ಯರಲ್ಲಿ ಸೌಹಾರ್ದತೆ ಕಾಪಾಡಿಕೊಳ್ಳಲು ಪ್ರಯತ್ನಿಸುವಿರಿ. ನೆರೆಹೊರೆಯವರೊಂದಿಗೆ ವಾಗ್ವಾದ ಬೇಡ. ಊಟೋಪಚಾರದಲ್ಲಿ ಎಚ್ಚರವಿರಲಿ. ಬುಧವಾರ, ಶುಕ್ರವಾರ, ಶನಿವಾರ ಶುಭ ದಿನಗಳು. 


ಕುಂಭ:

ಧನಿಷ್ಠಾ, ಶತಭಿಷಾ, ಪೂರ್ವಾಭಾದ್ರ 1,2,3 (ಗು.ಗೆ.ಗೊ..ಸಿ.ಸು.ಸೆ.ಸೋ.)

ಖಾಸಗಿ ಕಂಪನಿ ನೌಕರರು ತಮ್ಮ ವೃತ್ತಿಯಲ್ಲಿ ಹೆಚ್ಚು ಶ್ರಮ ಪಡದೇ ವಿಧಿಯಿಲ್ಲ. ವಿದ್ಯಾರ್ಥಿಗಳಿಗೆ ದಾರಿ ತಪ್ಪುವಂತಹ ಮಾರ್ಗದರ್ಶನ ಅವರಿವರಿಂದ ದೊರೆಯಲಿದೆ. ಈ ವಿಷಯದಲ್ಲಿ ಅವರು ಎಚ್ಚರದಿಂದಿರುವುದು ಉತ್ತಮ. ಮತ್ತೊಬ್ಬರ ವೈಯಕ್ತಿಕ ವಿಚಾರದಲ್ಲಿ ಮಧ್ಯೆ ಪ್ರವೇಶ ಮಾಡಲು ಹೋಗಿ ನೀವು ಬೈಗುಳವನ್ನು ಕೇಬೇಕಾದೀತು. ಧಾರ್ಮಿಕ ಕಾರ್ಯಕ್ರಮಗಳಿಗೆ ಮುಕ್ತ ಹಸ್ತದಿಂದ ದೇಣಿಗೆ ಕೊಡುವಿರಿ. ಸೋದರಿಯರ ಮಧ್ಯೆ  ಇದ್ದ ಮುನಿಸು ದೂರವಾಗಿ ಸಂಬಂಧ ವೃದ್ಧಿಸಲಿದೆ. ಸರ್ಕಾರದಿಂದ ಆಗಬೇಕಾಗಿರುವ ಕೆಲಸಗಳು ತುಸು ಮಂದಗತಿಯಲ್ಲಿ ಸಾಗಲಿವೆ. ಸ್ವಯಂ ವೈದ್ಯಕೀಯ ಮಾಡಿಕೊಳ್ಳಲು ಹೋಗಿ ಅನಾರೋಗ್ಯ ಸಮಸ್ಯೆ ಎದುರಿಸಬೇಕಾದೀತು. ಸ್ತ್ರೀಯರಿಗೆ ತವರು ಮನೆ ನೆರವು ದೊರೆಯಲಿದೆ. ಸೋಮವಾರ, ಗುರುವಾರ, ಶನಿವಾರ ಶುಭ ದಿನಗಳು.


ಮೀನ:

ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ    (ದಿ.ದು....ದೆ.ದೋ...ಚಿ.)

ವ್ಯವಹಾರದಲ್ಲಿ ಎಲ್ಲರನ್ನೂ ನಂಬಿಯೂ ನಂಬಂದಂತೆ ಇರುವುದು ಉತ್ತಮ. ಸ್ನೇಹ ಸಂಬಂಧಗಳು ನಿಮ್ಮ ಕಷ್ಟಕ್ಕೆ ನೆರವಾಗಲಿವೆ. ರಾಜಕಾರಣಿಗಳು ತಮ್ಮ ವಿರೋಧಿಗಳ ಚಟುವಟಿಕೆಯ ಮೇಲೆ ಗಮನವಿರಲಿ. ನಿವೃತ್ತ ನೌಕರರು ತಮ್ಮ ಪಿಂಚಣಿ ಪಡೆಯಲು ತುಂಬಾ ಅಲೆದಾಡಬೇಕಾದೀತು. ಆಸ್ತಿ ಮಾರುವ ವಿಚಾರದಲ್ಲಿ ಉತ್ತಮ  ಬೆಲೆ ದೊರೆಯಲಿದೆ. ಮಕ್ಕಳ  ವಿದ್ಯಾಭ್ಯಾಸಕ್ಕೆ ಹೆಚ್ಚಿನ ಖರ್ಚು ಭರಿಸ ಬೇಕಾದೀತು. ಪ್ರಯಾಣವನ್ನು ಸಾಧ್ಯವಾದಷ್ಟು ಮಾಡದಿರುವುದು ಉತ್ತಮ. ಹಳೇ ವಾಹನಗಳನ್ನು ಯಾವುದೇ ಕಾರಣಕ್ಕೂ ಖರೀದಿಸಲೇಬೇಡಿ. ಬುಧವಾರ, ಗುರುವಾರ, ಶುಕ್ರವಾರ ಶುಭ ದಿನಗಳು.