August 17, 2019

ರಾಶಿ ಭವಿಷ್ಯ

ರಾಶಿ ಭವಿಷ್ಯ

ದಿನಾಂಕ: 30.06.2019 ರಿಂದ ದಿನಾಂಕ: 06.07.2019 ರವರೆಗೆ

– ಜಯತೀರ್ಥಾಚಾರ್ ವಡೇರ್, ದಾವಣಗೆರೆ.


ಮೇಷ:

ಅಶ್ವಿನಿ, ಭರಣಿ, ಕೃತ್ತಿಕಾ (ಚೂ.ಚೇ.ಚೋ..ಲಿ..ಲೇ.ಲೊ..)

ಕೆಲಸ ಕಾರ್ಯಗಳ ನೆಪ ಹೇಳದೆ, ಆರೋಗ್ಯದ ಕಡೆ ಗಮನವಿಡಿ. ಹೊಸ ಯೋಜನೆಗಳ ವಿಚಾರ ಬಿಟ್ಟು, ಸದ್ಯಕ್ಕೆ ಇರುವುದನ್ನೇ ಮುಂದುವರೆಸಿ. ಆರ್ಥಿಕ ಪರಿಸ್ಥಿತಿ ಸಾಧಾರಣವಾಗಿದ್ದು ಹೆಚ್ಚು ಖರ್ಚುವೆಚ್ಚಗಳಿಗೆ ಹೋಗದಿರಿ. ವೃತ್ತಿ ಜೀವನದಲ್ಲಿ ಸಾಕಷ್ಟು ಪ್ರಗತಿ, ಮೇಲಾಧಿಕಾರಿಗಳು ನಿಮ್ಮ ಮೇಲೆ ಪೂರ್ಣ ಭರವಸೆ ಇಡುವರು. ವಿದ್ಯಾರ್ಥಿಗಳ ಪ್ರಾಮಾಣಿಕ ಪ್ರಯತ್ನಕ್ಕೆ ಹೆಚ್ಚಿನ ಫಲ, ವ್ಯವಹಾರದಲ್ಲಿ ಮಕ್ಕಳಿಗೂ ಸ್ವಲ್ಪ ಜವಾಬ್ದಾರಿ ಕೊಡಿ. ಅಪರಿಚಿತ ಸ್ಥಳಗಳಿಗೆ ಹೋಗಬೇಡಿ. ಗಣೇಶನನ್ನು ಆರಾಧಿಸಿ.

ಸೋಮವಾರ, ಮಂಗಳವಾರ, ಗುರುವಾರ ಶುಭ ದಿನಗಳು.


ವೃಷಭ:

ಕೃತ್ತಿಕಾ, 2,3,4, ರೋಹಿಣಿ, ಮೃಗ 1,2 (.....ವಿ.ವು.ವೆ.ವೋ)

ಸ್ವಯಂ ಪ್ರೇರಿತರಾಗಿ ಸಾಮಾಜಿಕ ಸೇವೆಯಲ್ಲಿ ತೊಡಗಲಿರುವ ನಿಮಗೆ ಸಾರ್ವಜನಿಕ ಬೆಂಬಲವಿದೆ ಜೊತೆಗೆ ಗೌರವ-ಘನತೆ ಇಮ್ಮಡಿಗೊಳ್ಳಲಿದೆ. ಸೋದರರ ಭೇಟಿ, ಹಿರಿಯರ ಒತ್ತಾಯದ ಮೇರೆಗೆ ಪುಣ್ಯ ಕ್ಷೇತ್ರಗಳ ಸಂದರ್ಶನ, ವ್ಯಾಪಾರಿಗಳು ಗ್ರಾಹಕರೊಂದಿಗೆ ಪ್ರಾಮಾಣಿಕತೆಯಿಂದ ನಡೆದುಕೊಳ್ಳುವುದು ಲೇಸು. ಮಕ್ಕಳ ವಿದ್ಯಾಭ್ಯಾಸದಲ್ಲಿ ಪ್ರಗತಿ, ಮಡದಿಯು ಅಧ್ಯಾತ್ಮದ ಕಡೆ ಹೆಚ್ಚಿನ ಒಲವು. ಆದಾಯದಲ್ಲಿ ಹೆಚ್ಚಿನ ಹರಿವು, ಭಾನು, ಗುರು, ಶುಕ್ರ, ಶುಭ ದಿನಗಳು.


ಮಿಥುನ:

3,4, ಆರಿದ್ರಾ, ಪುನರ್ವಸು 1,2,3, (.ಕಿ.ಕು., , .ಕೆ.ಕೋ..)

ಯಾವುದೇ ವಿಚಾರಗಳನ್ನು ನಿರ್ಧರಿಸುವ ಮೊದಲು ದ್ವಂದ್ವಗಳಿಂದ ಹೊರಬರಲು ಪ್ರಯತ್ನಿಸಿ. ಹೆಚ್ಚಿನ ಮೊತ್ತದ ಹೂಡಿಕೆ ಸರಿಯಲ್ಲ. ಅತಿಯಾದ ಭೋಜನ ಅಷ್ಟು ಒಳ್ಳೆಯದಲ್ಲ. ಉದರ ಸಂಬಂಧಿ ಕಾಯಿಲೆಗಳನ್ನು ಅಲಕ್ಷಿಸಬೇಡಿ. ಕುಟುಂಬದಲ್ಲಿ ಆತಂಕದ ಕ್ಷಣಗಳು,  ಅದರಿಂದ ವಿಚಲಿತರಾಗದೇ ಧೈರ್ಯದಿಂದ ಎದುರಿಸಿ. ಸರ್ಕಾರಿ ನೌಕರರಿಗೆ ಸದ್ಯದ ಮಟ್ಟಿಗೆ ನಿರಮ್ಮಳ ವಾತಾವರಣ, ಸಂಗೀತಗಾರರಿಗೆ ಆದಾಯದಲ್ಲಿ ಪ್ರಗತಿ, ಕೃಷಿಕ ಮಿತ್ರರಿಗೆ ಬಿಡುವಿಲ್ಲದ ಕೆಲಸ.

ಭಾನುವಾರ, ಸೋಮವಾರ, ಬುಧವಾರ ಶುಭ ದಿನಗಳು.


ಕಟಕ:

ಪುನ 4, ಪುಷ್ಯ, ಆಶ್ಲೇಷ (ಹಿ.ಹು.ಹೆ.ಹೂ..ಡಿ.ಡು.ಡೆ.ಡೋ)

ವಿರೋಧಿಗಳು ತಮ್ಮ ಕಾರ್ಯ ಸಾಧನೆಗೆ ನಿಮ್ಮನ್ನು ಅಸ್ತ್ರವನ್ನಾಗಿ ಬಳಸಿಕೊಳ್ಳಬಹುದು. ಅಂತಹವರನ್ನು ದೂರವಿಡುವುದು ಉತ್ತಮ. ಹಿರಿಯರು ತುಂಬು ಹೃದಯದಿಂದ ಆಶೀರ್ವದಿಸುವರು. ಮಕ್ಕಳ ವಿದ್ಯಾಭ್ಯಾಸದ ಬಗ್ಗೆ ಉದಾಸೀನ ಬೇಡ. ಕ್ರೀಡಾಪಟುಗಳಿಗೆ ವಿದೇಶದಲ್ಲಿ ಪ್ರತಿಭಾ ಪ್ರದರ್ಶನಕ್ಕೆ ಅವಕಾಶ ದೊರೆಯಲಿದೆ. ಸರ್ಕಾರಿ ಕೆಲಸಗಳು ರಾಜಕಾರಣಿಗಳ ಸಹಾಯದಿಂದ ಆಗಲಿದೆ. ಆಸ್ತಿ ಪಾಲುದಾರಿಕೆ ವಿಚಾರವನ್ನು ಸಾಧ್ಯವಾದಲ್ಲಿ ಮುಂದುಹಾಕಿರಿ. ಸಾಕು ಪ್ರಾಣಿಗಳ ಆರೋಗ್ಯದಲ್ಲಿ ವ್ಯತ್ಯಾಸ,  ಸೋಮ, ಗುರು, ಶುಕ್ರ ಶುಭ ದಿನಗಳು.


ಸಿಂಹ:

ಮಘ, ಪುಬ್ಬ, ಉತ್ತರ 1. (.ಮಿ.ಮು.ಮೋ.ವೆ..ಟಿ.ಟು.ಟೆ)

ಸಹೋದ್ಯೋಗಿಗಳ ಕಷ್ಟಕ್ಕೆ ನೆರವು,  ಮುಂದೆ ಅವರಿಂದಲೇ ಸಮಸ್ಯೆಗಳು ಎದುರಾಗಬಹುದು. ಸ್ಥಿರಾಸ್ತಿ ಖರೀದಿ ವಿಚಾರದಲ್ಲಿ ಅನುಭವಿಗಳ ಸಲಹೆ ಪಡೆಯಿರಿ. ರಾಜಕಾರಣಿಗಳ ಬದುಕಿನಲ್ಲಿ ಸ್ಥಿತ್ಯಂತರ ಕಾಪಾಡಿಕೊಳ್ಳುವುದು ಕಷ್ಟವಾಗಬಹುದು. ಮನೆ ಪಾಠ, ಕೇಶಾಲಂಕಾರ ಹಾಗೂ ಸಂಗೀತ ವಾದ್ಯಗಾರರ ಆದಾಯದಲ್ಲಿ ಹೆಚ್ಚಳ, ಆರಕ್ಷರ ವೇತನದಲ್ಲಿ ಹೆಚ್ಚಳ, ಬೇರೆಯವರು ಹೇಳುವ ಬುದ್ಧಿವಾದವನ್ನು ಕೇಳದಿದ್ದರೂ, ಕನಿಷ್ಠ ಕೇಳುವ ತಾಳ್ಮೆಯಿರಲಿ. ಅವಿವಾಹಿತರಿಗೆ ಇಷ್ಟರಲ್ಲೇ ಕಂಕಣಭಾಗ್ಯ.

ಭಾನುವಾರ, ಮಂಗಳವಾರ, ಗುರುವಾರ ಶುಭ ದಿನಗಳು.


ಕನ್ಯಾ:

ಉತ್ತರಾ 2,3,4, ಹಸ್ತಾ, ಚಿತ್ತಾ 1,2 (ಟೋ..ಪಿ.ಪು....ಪೆ.ಪೋ)

ಆರ್ಥಿಕ ಪರಿಸ್ಥಿತಿ ಸದ್ಯದ ಮಟ್ಟಿಗೆ ಸುಧಾರಿಸುವುದು ಕಷ್ಟ. ಅನಾವಶ್ಯಕ ಖರ್ಚುಗಳು, ಕೌಟುಂಬಿಕ ಸಮಸ್ಯೆಗಳು ನಿಮ್ಮಿಂದಲೇ ಪರಿಹಾರ. ಖಾಸಗಿ ಕಂಪನಿ ನೌಕರರಿಗೆ ವೇತನದಲ್ಲಿ ಹೆಚ್ಚಳ, ರಾಜಕಾರಣಿಗಳೊಂದಿಗೆ ಅತಿಯಾದ ಸ್ನೇಹ ಬೇಡ. ಪರಿವಾರದೊಂದಿಗೆ ಪುಣ್ಯ ಕ್ಷೇತ್ರಗಳ ಸಂದರ್ಶನ, ಮಗಳಿಗೆ ಸಾಧಾರಣ ವೇತನದ ನೌಕರಿ, ಚಿಕ್ಕ ಮಕ್ಕಳ ಆರೋಗ್ಯದ ಕಡೆ ಗಮನವಿರಲಿ. ಕುಲದೇವತಾರಾಧನೆ ಮಾಡಿರಿ.

ಸೋಮವಾರ, ಬುಧವಾರ, ಶುಕ್ರವಾರ ಶುಭ ದಿನಗಳು.  


ತುಲಾ:

ಚಿತ್ತಾ 3,4, ಸ್ವಾತಿ, ವಿಶಾಖ 1,2,3 (.ರಿ.ರು.ರೆ.ರೊ..ತಿ.ತು.ತೆ.)

ನೀವು ಮತ್ತೊಬ್ಬರಿಗೆ ಭರವಸೆಗಳನ್ನು ಕೊಡುವಾಗ ಅದರ ಸಾಧ್ಯಾಸಾಧ್ಯತೆಗಳ ಅರಿವಿರಲಿ. ಬೇರೆಯವರು ನಿಮ್ಮ ಮೇಲೆ ಇಟ್ಟಿರುವ ವಿಶ್ವಾಸಕ್ಕೆ ಧಕ್ಕೆ ಬರದಂತೆ ನೋಡಿಕೊಳ್ಳಿ. ತಾಯಿಯ ಆರೋಗ್ಯದಲ್ಲಿ ಸುಧಾರಣೆ, ರಾಜಕಾರಣಿಗಳು ವಿರೋ ಧಿಗಳ ಬಲೆಗೆ ಬೀಳುವ ಸಂಭವವಿದೆ. ಹಣಕಾಸಿನ ಸ್ಥಿತಿ ಚೆನ್ನಾಗಿದೆ. ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ತುಸು ಎಚ್ಚರ. ಶೀತ ಸಂಬಂಧಿ ಅನಾ ರೋಗ್ಯ ಸಮಸ್ಯೆ ನಿಮ್ಮನ್ನು ಬಾಧಿಸಬಹುದು.

ಬುಧವಾರ, ಶುಕ್ರವಾರ, ಶನಿವಾರ ಶುಭ ದಿನಗಳು.


ವೃಶ್ಚಿಕ:

ವಿಶಾಖ 4, ಅನೂ, ಜೇಷ್ಠ (ತೊ..ನಿ.ನು.ನೆ.ನೋ..ಯಿ.ಯು.)

ವೈಯಕ್ತಿಕ ವೃತ್ತಿಯಲ್ಲಿ ತೊಂದರೆ, ಬೇರೆಯವರು ತಾವು ಮಾಡಿದ ತಪ್ಪನ್ನು ನಿಮ್ಮ ಮೇಲೆ ಹಾಕಬಹುದು. ನಿಮ್ಮ ಸಹಾಯಕರು ತೃಪ್ತರಾಗಿದ್ದಲ್ಲಿ ಮಾತ್ರ ನಿಮಗೆ ಯಶಸ್ಸು,  ಸಾಮಾಜಿಕ ಸೇವೆ ಪ್ರತಿಷ್ಠೆ ತರಲಿದೆ. ಬಂಧುಗಳೊಂದಿಗೆ ಸೌಹಾರ್ದತೆ ಬೆಳೆಸುವುದು ಉತ್ತಮ. ವಿದ್ಯಾರ್ಥಿಗಳು ಬರಲಿರುವ ಉತ್ತಮ ಅವಕಾಶಗಳನ್ನು ಸದ್ಭಳಕೆ ಮಾಡಿಕೊಳ್ಳಿ. ಸಹೋದರನಿಗೆ ನೆರವು, ವಾಹನಗಳನ್ನು ಚಲಿಸುವಾಗ ಎಚ್ಚರದಿಂದಿರಿ. ದುರ್ಗಾರಾಧನೆ ಮಾಡಿರಿ.

ಭಾನುವಾರ, ಮಂಗಳವಾರ, ಬುಧವಾರ ಶುಭ ದಿನಗಳು.


ಧನಸ್ಸು:

ಮೂಲ, ಪೂರ್ವಾಷಾಡ, ಉತ್ತರಾಷಾಡ,  (ಯೆ.ಯೋ. .ಬಿ.ಬು....ಬೆ.)

ಹಿಂದೆ ಮಾಡಿದ್ದ ಸಾಲವನ್ನು ತೀರಿಸಲು ಮತ್ತೊಂದು ಸಾಲ ಮಾಡ ಬೇಕಾಗಬಹುದು, ಈ ರೀತಿಯ ಪ್ರವೃತ್ತಿ ಅಷ್ಟು ಒಳ್ಳೆಯದಲ್ಲ,  ಮಕ್ಕಳ ವಿದ್ಯಾಭ್ಯಾಸ ದಲ್ಲಿ ಹೆಚ್ಚಿನ ಖರ್ಚು. ಸಾಲ ವಸೂಲಾತಿ ವಿಚಾರದಲ್ಲಿ ವಾದ-ವಿವಾದ, ಸಂಶೋಧ ನಾಕಾರರಿಗೆ ಯಶಸ್ಸು, ಆರ್ಥಿಕ ಪರಿಸ್ಥಿತಿಗೆ ಅನುಗುಣವಾಗಿ ಬದುಕು ಸಾಗುವಂತೆ ನೋಡಿಕೊಳ್ಳಿ. ಔಷಧಿ ಹಾಗೂ ರಸಗೊಬ್ಬರ ವ್ಯಾಪಾರಿಗಳಿಗೆ ಹೆಚ್ಚಿನ ವಹಿವಾಟು, ಆರೋಗ್ಯದ ಕಡೆ ಗಮನವಿರಲಿ.

ಸೋಮವಾರ, ಬುಧವಾರ, ಗುರುವಾರ ಶುಭ ದಿನಗಳು.


ಮಕರ:

ಉತ್ತರಾಷಾಢ 2,3,4, ಶ್ರವಣ, ಧನಿಷ್ಠಾ 1,2 (ಜೊ..ಜಿ.ಜೆ.ಶಿ.ಶು.ಶೇ.ಶೋ..ಗಿ)

ಬದಲಾವಣೆ ಎಂಬುದು ಜೀವನದಲ್ಲಿ ಅನಿವಾರ್ಯವಾಗಿರುವುದ ರಿಂದ ಹೊಂದಿಕೊಳ್ಳುವುದು ಉತ್ತಮ. ಮಿತಿ ಮೀರುತ್ತಿರುವ ಖರ್ಚು, ಬ್ಯಾಂಕ್ ಗಳಿಂದ ನೆರವು, ಮಗಳ ಉನ್ನತ ವಿದ್ಯಾಭ್ಯಾಸದ ಚಿಂತೆ, ಕುಟುಂಬದ ಸದಸ್ಯರೊಂದಿಗೆ ಅನಾವಶ್ಯಕ ವಾಗ್ವಾದಗಳು ಬೇಡ, ವಿದ್ಯಾರ್ಥಿಗಳಿಗೆ ಪರೀಕ್ಷೆಯಲ್ಲಿ ಉತ್ತಮ ಫಲಿತಾಂಶ, ಸಂಗೀತಗಾರರ ಪ್ರತಿಭಾ ಪ್ರದರ್ಶನಕ್ಕೆ ಉತ್ತಮ ವೇದಿಕೆ, ವ್ಯವಹಾರದಲ್ಲಿ ಪಾಲುದಾರರ ಅಭಿಪ್ರಾಯಗಳನ್ನು ಗೌರವಿಸಿ.

ಬುಧವಾರ, ಗುರುವಾರ, ಶನಿವಾರ, ಶುಭ ದಿನಗಳು.


ಕುಂಭ:

ಧನಿಷ್ಠಾ, ಶತಭಿಷಾ, ಪೂರ್ವಾಭಾದ್ರ 1,2,3 (ಗು.ಗೆ.ಗೊ..ಸಿ.ಸು.ಸೆ.ಸೋ.)

ನೀವು ಖಾಸಗಿ ಕಂಪನಿ ನೌಕರರಾಗಿದ್ದಲ್ಲಿ ಪದೋನ್ನತಿಯೊಂದಿಗೆ ವೇತನದಲ್ಲಿ ಹೆಚ್ಚಳ, ನವ ದಂಪತಿಗಳಿಗೆ ಖಾಯಂ ಅತಿಥಿ ಬರುವ ಶುಭ ಸೂಚನೆ, ಮಕ್ಕಳ ನಡಾವಳಿ ಬಗ್ಗೆ ಉದಾಸೀನ ಸಲ್ಲದು. ವಿದೇಶದಲ್ಲಿ ಬಂಡವಾಳ ಹೂಡುವ ವಿಚಾರವನ್ನು ಮತ್ತೊಮ್ಮೆ ಅಲೋಚಿಸಿ. ಸಂಬಂಧಿಗಳಲ್ಲಿ ಭಿನ್ನಾಭಿಪ್ರಾಯ, ಶಿಕ್ಷಣ ಸಂಸ್ಥೆ ನಡೆಸುವವರಿಗೆ ಸರ್ಕಾರದಿಂದ ಸಕಲ ಸೌಲಭ್ಯ, ದಿನಸಿ ವ್ಯಾಪಾರಿಗಳಿಗೆ, ವೈದ್ಯರಿಗೆ ಹೆಚ್ಚಿನ ಆದಾಯ, ರಕ್ಷಣೆ ವಿಭಾಗದಲ್ಲಿ ಕೆಲಸ ಮಾಡುವವರಿಗೆ ಬಿಡುವಿಲ್ಲದ ಕೆಲಸ, ಅತಿಯಾದ ಕರಿದ ಪದಾರ್ಥಗಳ ಸೇವನೆ ಆರೋಗ್ಯದ ಮೇಲೆ ಅಡ್ಡಪರಿಣಾಮ ಬೀರಬಹುದು. ಸೋಮ, ಗುರು, ಶನಿ ಶುಭ ದಿನಗಳು. 

ಸೋಮವಾರ, ಬುಧವಾರ, ಶನಿವಾರ ಶುಭ ದಿನಗಳು.


ಮೀನ:

ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ    (ದಿ.ದು....ದೆ.ದೋ...ಚಿ.)

ಹಿರಿಯರೊಂದಿಗೆ ಹೊಂದಿದ್ದ ಭಿನ್ನಾಭಿಪ್ರಾಯಗಳು ದೂರವಾಗಿ, ಸಂಬಂಧ ವೃದ್ಧಿಸಲಿದೆ. ತಾಯಿಯ ಆರೋಗ್ಯದಲ್ಲಿ ತೀವ್ರ ವ್ಯತ್ಯಾಸವಾಗಲಿದೆ. ಅದಕ್ಕಾಗಿ ವೈದ್ಯಕೀಯ ವೆಚ್ಚವನ್ನು ಹೆಚ್ಚಿನ ಮಟ್ಟದಲ್ಲಿ ಭರಿಸಬೇಕಾಗಬಹುದು. ಮಠಾಧಿಪತಿಗಳ ಅಭಿವೃದ್ಧಿ ಕಾರ್ಯಗಳಿಗೆ ಸರ್ಕಾರದಿಂದ ಹಾಗೂ ಸಾರ್ವಜನಿಕರಿಂದ ಸಂಪೂರ್ಣ ಸಹಕಾರ ದೊರೆಯಲಿದೆ. ವಿದ್ಯಾರ್ಥಿ ಗಳಿಗೆ ಪರೀಕ್ಷೆಯಲ್ಲಿ ಉತ್ತಮ ಫಲಿತಾಂಶ ಬರಲಿದೆ. ಅನವಶ್ಯಕ ಖರ್ಚುಗಳಿಗೊಂದು ಕಡಿವಾಣ ಹಾಕುವುದು ಲೇಸು.

ಭಾನುವಾರ, ಮಂಗಳವಾರ, ಗುರುವಾರ ಶುಭ ದಿನಗಳು.