ರಾಶಿ ಭವಿಷ್ಯ

Home ರಾಶಿ ಭವಿಷ್ಯ

ದಿನಾಂಕ : 24.01.2021 ರಿಂದ 30.01.2021

ಜಯತೀರ್ಥಾಚಾರ್ ವಡೇರ್, ದಾವಣಗೆರೆ. 

ಮೇಷ (ಅಶ್ವಿನಿ, ಭರಣಿ, ಕೃತ್ತಿಕಾ)
(ಚೂ.ಚೇ.ಚೋ.ಲ.ಲಿ.ಉ.ಲೇ.ಲೊ.ಅ.)

ಸ್ನೇಹಿತರು ಕೊಡುವ ಸಲಹೆಗಳು, ನಿಮ್ಮನ್ನು ದಾರಿ ತಪ್ಪಿಸಬಹುದು. ಕೌಟುಂಬಿಕ ವಿಚಾರದಲ್ಲಿ ತುಸು ಎಚ್ಚರದಿಂದ ವ್ಯವಹರಿಸಿರಿ. ಪ್ರೇಮಿಗಳು ತಮ್ಮ ಹುಚ್ಚಾಟಕ್ಕೊಂದು ಕಡಿವಾಣವಿರಲಿ, ಅನಿರೀಕ್ಷಿತವಾಗಿ ಮಡದಿಯ ಆರೋಗ್ಯದಲ್ಲಿ ತೀವ್ರ ವ್ಯತ್ಯಾಸ. ಪರಸ್ಪರ ಹೊಂದಾಣಿಕೆಯಿಂದ ಪಾಲುದಾರರಲ್ಲಿ ವಿಶ್ವಾಸವಿದ್ದಲ್ಲಿ ಹೆಚ್ಚಿನ ಲಾಭ, ಉದ್ಯಮಿಗಳು ತುಸು ಎಚ್ಚರದಿಂದ ವ್ಯವಹರಿಸುವುದು ಲೇಸು.ಆದಾಯದ ಮೂಲದಲ್ಲಿ ಹೆಚ್ಚಳ, ಅದು ಹೊಸ ಯೋಜನೆಗಳಿಗೆ ಪುಷ್ಟಿ ಕೊಡಲಿದೆ. ಆರೋಗ್ಯದ ವಿಷಯದಲ್ಲಿ ಉದಾಸೀನತೆಬೇಡ.ದುರಭ್ಯಾಸಗಳನ್ನು ದೂರಮಾಡಿ, ಅನುಭವಿಗಳ ಸಲಹೆಗಳು ಮುಂದೆ ನಿಮಗೇ ಪ್ರಯೋಜನವಾಗಲಿದೆ. ಮಂಗಳ-ಬುಧ-ಗುರು ಶುಭ ದಿನಗಳು.


ವೃಷಭ (ಕೃತ್ತಿಕಾ, 2,3,4, ರೋಹಿಣಿ, ಮೃಗ 1,2)
(ಇ.ಉ.ಎ.ಒ.ವ.ವಿ.ವು.ವೆ.ವೋ)

ಅವಿವಾಹಿತರಿಗೆ ಉತ್ತಮ ಸಂಬಂಧ ಕೂಡಿಬರಲಿದೆ. ನಿರುದ್ಯೋಗಿ ಪದವೀಧರರಿಗೆ ನೌಕರಿ ಸಿಗಲಿದೆ. ಸತ್ಯಾನ್ವೇಷಣೆಗೆ ಹೊರಟವರಿಗೆ ಅನೇಕ ಸಂಕಷ್ಟಗಳು ಎದುರಾಗಬಹುದು. ಆದರೆ ಕೊನೆಗೆ ಸತ್ಯಕ್ಕೇ ಜಯ ಎಂಬುದನ್ನು ಅವರು ಮರೆಯಬಾರದು. ಪೊಲೀಸ್‌ ಇಲಾಖೆಯಲ್ಲಿರುವವರಿಗೆ ಒತ್ತಡಗಳು ಹೆಚ್ಚು. ಸಂಶೋಧನಾ ವಿದ್ಯಾರ್ಥಿಗಳಿಗೆ, ಸರ್ಕಾರದಿಂದ ಅನುದಾನ, ಹಿರಿಯರು ಹರಸಿಕೊಂಡ ಹರಕೆಗಳು, ಆರ್ಥಿಕ ಪ್ರಗತಿ ಉತ್ತಮಗೊಳ್ಳಲಿದೆ.ಉಳಿತಾಯಕ್ಕೆ ತುಸು ಹೆಚ್ಚು ಒತ್ತುಕೊಡು ವುದು ಲೇಸು. ಬಿರುನುಡಿಗಳಿಂದ ಬಾಂಧವ್ಯಕ್ಕೆ ದಕ್ಕೆ ಬರದಂತೆ ನೋಡಿಕೊಳ್ಳಿ. ಮಹಿಳೆ ಯರಿಗೆ ಉತ್ತಮ ದಿನಗಳು.ಕುಲದೇವತಾರಾಧನೆಯಿಂದ ಇಷ್ಟಾರ್ಥಗಳು ಈಡೇರಲಿವೆ. ಸೋಮ-ಬುಧ-ಶುಕ್ರ ಶುಭ ದಿನಗಳು.


ಮಿಥುನ (3,4, ಆರಿದ್ರಾ, ಪುನರ್ವಸು 1,2,3)
(ಕ.ಕಿ.ಕು.ಘ, ಔ, ಚ.ಕೆ.ಕೋ.ಹ.)

ಆರಂಭದಲ್ಲಿ ವೇಗ ಪಡೆದಿದ್ದ ಹೊಸ ಯೋಜನೆಗಳು ಮಂದಗತಿಯಲ್ಲಿ ಸಾಗಲಿವೆ. ಚಿಂತೆ ಬೇಡ. ಧನಾದಾಯದಲ್ಲಿ ಕುಸಿತ ಕಂಡರೂ ದೈನಂದಿನ ಜೀವನಕ್ಕೆ ತೊಂದರೆಯಿಲ್ಲ. ಖಾಸಗಿ ಕಂಪನಿ ನೌಕರರು ತಮ್ಮ ವೃತ್ತಿ ಬದಲಿಸುವ ಮೊದಲು ಹಲವು ಬಾರಿ ಯೋಚಿಸುವುದು ಉತ್ತಮ. ಇಲ್ಲವಾದಲ್ಲಿ ಪಶ್ಚಾತ್ತಾಪ ಪಡಬೇಕಾದೀತು. ವಿದ್ಯಾರ್ಥಿಗಳು ಹೆಚ್ಚಿನ ಶ್ರಮ ಪಡದೆ ವಿಧಿಯಿಲ್ಲ. ನೆರೆಹೊರೆಯವರೊಂದಿಗೆ ಸೌಹಾರ್ದತೆಯಿಂದ ವರ್ತಿಸಿ. ತಾಮ್ರ, ಹಿತ್ತಾಳೆ ಮತ್ತಿತರೆ ಲೋಹದ ವಸ್ತುಗಳಿಗೆ ಬೇಡಿಕೆ ಹೆಚ್ಚಲಿದೆ. ಮಹಿಳೆಯರ ಮಾತಿನಲ್ಲಿ ನಿಗಾ ಇಡುವುದು ಉತ್ತಮ. ಕುಶಲಕರ್ಮಿಗಳು ಹೆಚ್ಚಿನಾದಯ ನಿರೀಕ್ಷಿಸಬಹುದು.  ನಡುರಾತ್ರಿ ಸಂಚಾರ ಬೇಡ. ಕುಲದೇವತಾ ದರ್ಶನ ಭಾಗ್ಯ ಬಿಡಬೇಡಿ. ಸೋಮ, ಬುಧ, ಗುರು ಶುಭ ದಿನಗಳು.


ಕರ್ಕಾಟಕ (ಪುನ 4, ಪುಷ್ಯ, ಆಶ್ಲೇಷ)
(ಹಿ.ಹು.ಹೆ.ಹೂ.ಡ.ಡಿ.ಡು.ಡೆ.ಡೋ)

ಮಾಡಬಹುದಾದ ಕೆಲಸಗಳಿಗೆ ಗಮನ ಕೊಡುವುದು ಉತ್ತಮ, ಹಣಕಾಸಿನ ವಿಷಯದಲ್ಲಿ ಶಿಸ್ತುಬದ್ಧತೆ ತೋರದೇ ಹೋದಲ್ಲಿ ಭಾರೀ ನಷ್ಟವನ್ನು ಅನುಭವಿಸಬೇಕಾದೀತು. ಕೃಷಿಕರ ಬೆಳೆಗೆ ಉತ್ತಮ ಬೆಂಬಲ ಬೆಲೆ ದೊರೆಯುವುದರಿಂದ ಅವರ ಆರ್ಥಿಕ ಸಮಸ್ಯೆಗಳು ತಕ್ಕಮಟ್ಟಿಗೆ ಬಗೆಹರಿಯಲಿವೆ. ಕೆಲಸಗಳನ್ನು ಅನಾವಶ್ಯಕವಾಗಿ ಮುಂದೂಡುವುದರಿಂದ ಯಶಸ್ಸು ವಿಳಂಬವಾದೀತು. ವಿದ್ಯಾರ್ಥಿಗಳು ಅಧ್ಯಯನವನ್ನು ಗಂಭೀರವಾಗಿ ಪರಿಗಣಿಸಿ,  ಚಿಕ್ಕಮಕ್ಕಳನ್ನು ಹರಿತವಾದ ಆಯುಧಗಳಿಂದ ದೂರವಿರಿಸಿ. ಸರ್ಕಾರಿ ಮೇಲಾಧಿಕಾರಿಗಳು ಸ್ವಯಂ ನಿವೃತ್ತಿಗೆ ಮನಸ್ಸು ಮಾಡುವರು. ಆದರೆ ಈ ನಿರ್ಧಾರ ಅಷ್ಟು ಸೂಕ್ತವಲ್ಲ. ಸೋಮ-ಗುರು-ಶುಕ್ರ ಶುಭ ದಿನಗಳು.


ಸಿಂಹ ( ಮಘ, ಪುಬ್ಬ, ಉತ್ತರ 1)
(ಮ.ಮಿ.ಮು.ಮೋ.ವೆ.ಟ.ಟಿ.ಟು.ಟೆ)

ನಿಮ್ಮ ಸಹೋದ್ಯೋಗಿಗಳೇ ನಿಮ್ಮ ವಿರುದ್ಧ ಭಾರೀ ಸಂಚನ್ನು ಹೂಡಬಹುದು. ಈ ವಿಷಯವನ್ನು ಬಹಳ ಗಂಭೀರವಾಗಿ ಪರಿಗಣಿಸುವುದು ಲೇಸು. ಅನಾವಶ್ಯಕ ಖರ್ಚುಗಳಿಂದ ಉಳಿತಾಯದ ಹಣವೂ ಕರಗೀತು. ಶ್ರಮ-ಶ್ರದ್ಧೆಗಳು ಮಾತ್ರ ನಿಮ್ಮನ್ನು, ಯಶಸ್ಸಿನೆಡೆಗೆ ಒಯ್ಯಬಹುದು. ಮುರಿದು ಹೋಗಿದ್ದ ಮದುವೆ ಮಾತುಕತೆಗೆ ಮತ್ತೆ ಚಾಲನೆ ದೊರೆಯಲಿದೆ. ವಿದೇಶಗಳಲ್ಲಿ ನೌಕರಿ ಹುಡುಕುತ್ತಿರುವವರಿಗೆ ಹೇರಳ ಅವಕಾಶಗಳು ದೊರೆಯಲಿವೆ, ಮಕ್ಕಳ ವಿದ್ಯಾಭಾಸದ ವಿಷಯದಲ್ಲಿ ಶುಭ ಸಮಾಚಾರ ಕೇಳಿಬರಲಿದೆ.ಉದ್ಯಮಿಗಳ ದೊಡ್ಡ ಯೋಜನೆಗಳಿಗೆ ಉತ್ತಮ ಚಾಲನೆ ಸಿಗಲಿದೆ. ತಾಯಿಯ ಆರೋಗ್ಯದಲ್ಲಿ ಸುಧಾರಣೆ, ಮನಸ್ಸಿಗೆ ನೆಮ್ಮದಿ ತರಲಿದೆ.ಆರ್ಥಿಕ ಮೂಲವನ್ನು ಹೆಚ್ಚಿಸಿಕೊಳ್ಳಲು, ಹರಸಾಹಸಪಡುವಿರಿ. ಭಾನು-ಸೋಮ-ಮಂಗಳ ಶುಭ ದಿನಗಳು.


ಕನ್ಯಾ (ಉತ್ತರಾ 2,3,4, ಹಸ್ತಾ, ಚಿತ್ತಾ 1,2)
(ಟೋ.ಪ.ಪಿ.ಪು.ಷ.ಣ.ಠ.ಪೆ.ಪೋ)

ಸ್ಥಾನಮಾನಗಳಿಂದ ಏನೂ ಪ್ರಯೋಜನ ಇಲ್ಲದಿದ್ದರೂ, ಗಣ್ಯ ವ್ಯಕ್ತಿಗಳೊಂದಿಗೆ ಒಡನಾಟ ಹೆಚ್ಚಿಸಿಕೊಳ್ಳುವಿರಿ. ಇದರಿಂದ, ಸಮಾಜದಲ್ಲಿ ನಿಮ್ಮ ಗೌರವಕ್ಕೆ ಕುಂದು ಬಂದೀತು. ಬಣ್ಣ ಬಣ್ಣದ ಜಾಹೀರಾತುಗಳಿಗೆ ಮರುಳಾಗಿ ಹೂಡಿಕೆ ಮಾಡಲು ಹೋಗಲೇಬೇಡಿ.ಮಿತ್ರರು ಈಗ ಕೊಡುವ ಸಲಹೆ, ಸೂಚನೆಗಳು ಮುಂದೆ ನಿಮ್ಮ ಪ್ರಯೋಜನಕ್ಕೆ ಬರಲಿವೆ. ಉದ್ಯೋಗಾಕಾಂಕ್ಷಿಗಳಿಗೆ ಸಾಧಾರಣ ವೇತನದ ನೌಕರಿ ಸಿಗಲಿದೆ. ಸಜ್ಜನರ ಒಡನಾಟವನ್ನು ಸದುಪಯೋಗಪಡಿಸಿಕೊಳ್ಳಿ. ಪೌರ ಕಾರ್ಮಿಕರಿಗೆ ಹೆಚ್ಚಿನ ವೇತನ ದೊರೆಯಲಿದೆ. ಪೊಲೀಸ್‌ ಇಲಾಖೆಯಲ್ಲಿರುವವರು, ತಮ್ಮ ಮೇಲಾಧಿಕಾರಿಗಳೊಂದಿಗೆ ಹೊಂದಿಕೊಂಡು ಹೋಗದೇ ವಿಧಿಯಿಲ್ಲ. ಸಾಧ್ಯವಾದಲ್ಲಿ ಪ್ರತಿನಿತ್ಯ ದತ್ತಾತ್ರೇಯ ಸ್ತೋತ್ರವನ್ನು ಪಠಿಸಿರಿ. ಮಂಗಳ-ಬುಧ-ಗುರು ಶುಭ ದಿನಗಳು.


ತುಲಾ (ಚಿತ್ತಾ 3,4, ಸ್ವಾತಿ, ವಿಶಾಖ 1,2,3)
(ರ.ರಿ.ರು.ರೆ.ರೊ.ತ.ತಿ.ತು.ತೆ.)

ಬಹಳ ದಿನಗಳಿಂದ ಕಾಡುತ್ತಿದ್ದ ಕೌಟುಂಬಿಕ ಚಿಂತೆ ಈ ವಾರ ಬಗೆಹರಿಯ ಲಿದೆ. ಮತ್ತೊಬ್ಬರ ಹಣಕಾಸಿನ ಸಮಸ್ಯೆಗಳಿಗೆ ನೀವು ಜವಾಬ್ದಾರರಾಗಬೇಡಿ. ಆರ್ಥಿಕ ಪರಿಸ್ಥಿತಿಯು ಸುಧಾರಿಸುವ ಎಲ್ಲಾ ಲಕ್ಷಣಗಳು ಕಂಡು ಬರಲಿವೆ. ಮಕ್ಕಳ ವಿದ್ಯಾಭ್ಯಾಸಕ್ಕೆ ಹೆಚ್ಚಿನ ಖರ್ಚಾಗಲಿದೆ. ಕಾರಣಾಂತರದಿಂದ  ಕೆಲಕಾಲ ವಾಸಸ್ಥಳದಿಂದ ದೂರವಾಸ ಮಾಡುವಿರಿ. ಬಂಧು ಜನರಿಂದಲೇ ಅನಾವಶ್ಯಕ ತೊಂದರೆ ಅನುಭವಿಸಬೇಕಾದೀತು. ವ್ಯವಹಾರದಲ್ಲಿ ಬರುವ ಗೊಂದಲಗಳು ಸ್ನೇಹಿತರ ನೆರವಿನಿಂದ ಬಗೆಹರಿಯಲಿವೆ. ಆದಾಯದ ಮೂಲದಲ್ಲಿ ತುಸು ಹೆಚ್ಚಿನ ಕೊರತೆ ಕಂಡು ಬರಬಹುದು. ಅದನ್ನು ಎದುರಿಸುವ ಸಾಮರ್ಥ್ಯ ನಿಮಗೆ ಹಿತೈಷಿಗಳಿಂದ ಬರಲಿದೆ. ವೈದ್ಯಕೀಯ ವೃತ್ತಿಯಲ್ಲಿರುವ ವರಿಗೆ ಜವಾಬ್ದಾರಿ ಹೆಚ್ಚಲಿದೆ. ಅತಿಯಾದ ತಿರುಗಾಟ ಆರೋಗ್ಯದ ಮೇಲೆ ಅಡ್ಡ ಪರಿ ಣಾಮ ಬೀರಲಿದೆ. ವಿಷ್ಣು ಸಹಸ್ರನಾಮ ಪಠಿಸಿ. ಗುರು, ಶುಕ್ರ, ಶನಿ ಶುಭ ದಿನಗಳು.


ವೃಶ್ಚಿಕ (ವಿಶಾಖ 4, ಅನೂ, ಜೇಷ್ಠ)
(ತೊ.ನ.ನಿ.ನು.ನೆ.ನೋ.ಯ.ಯು.)

ಬಗೆಹರಿಯದ ಸಮಸ್ಯೆಗಳಿಗೆ ಹಿರಿಯರಿಂದ ಪರಿಹಾರ, ಬಿಡುವಿಲ್ಲದ ಕೆಲಸಗಳು ನಿಮ್ಮ ಆದಾಯವನ್ನು ಹೆಚ್ಚಿಸಿದರೂ, ಉಳಿತಾಯ ಮಾತ್ರ ಶೂನ್ಯ. ಸಂಪಾದನೆ ಎಲ್ಲವೂ ಪರೋಪಕಾರಕ್ಕೋಸ್ಕರ ವ್ಯಯವಾಗಲಿದೆ. ಸಂಬಂಧಪಡದ ವಿಚಾರದಲ್ಲಿ ಮಡದಿ-ಮಕ್ಕಳು ಮತ್ತು ನಿಮ್ಮ ನಡುವೆ ವಾಗ್ವಾದ ನಡೆಯಲಿದೆ. ಬರಬೇಕಾಗಿರುವ ಬಾಕಿ ಹಣ ಇಷ್ಟರಲ್ಲೇ ಕೈಸೇರಲಿದೆ. ನ್ಯಾಯವಾದಿಗಳಿಗೆ ಬಿಡುವಿಲ್ಲದ ಕೆಲಸ, ನಿಮ್ಮ ಏಳಿಗೆಗಾಗಿ ಶ್ರಮಿಸುವವರನ್ನು ಗೌರವಿಸಿರಿ. ಸರ್ಕಾರಿ ಕಛೇರಿಗಳಿಗೆ ಲೇಖನಿ ಮೊದಲಾದ ವಸ್ತುಗಳನ್ನು ಪೂರೈಸುವವರು ಬಾಕಿ ಹಣಕ್ಕಾಗಿ ಪರದಾಡಬೇಕಾದೀತು. ರಾಜಕೀಯ ಪ್ರವೇಶ ಮಾಡಲು ಇನ್ನೂ ಕೆಲಕಾಲ ಕಾಯುವುದು ಉತ್ತಮ. ಮಹಿಳೆಯರು, ಲಲಿತ ಸಹಸ್ರನಾಮ ಪಠಣದಿಂದ ನೆಮ್ಮದಿ. ಸೋಮ-ಮಂಗಳ-ಶುಕ್ರ ಶುಭ ದಿನಗಳು.


ಧನಸ್ಸು (ಮೂಲ, ಪೂರ್ವಾಷಾಡ, ಉತ್ತರಾಷಾಡ)
(ಯೆ.ಯೋ. ಬ.ಬಿ.ಬು.ಧ.ಫ.ಡ.ಬೆ.)

ಈ ಹಿಂದೆ ಆರಂಭಿಸಿದ ಕೆಲಸ ಕಾರ್ಯಗಳು ಫಲ ಕೊಡಲಿವೆ. ಮತ್ತೊಬ್ಬರ ವಿಷಯದಲ್ಲಿ ಅನಾವಶ್ಯಕಾವಾಗಿ ಮೂಗು ತೂರಿಸಬೇಡಿ, ಇದರಿಂದ ನಿಮಗೇ ಹೆಚ್ಚು ಅಪಮಾನವಾದೀತು. ಸರ್ಕಾರದಿಂದ ಬರಬೇಕಾಗಿರುವ ನೆರವು ತುಸು ತಡವಾದರೂ, ಸಂಪೂರ್ಣವಾಗಿ ದೊರೆಯಲಿದೆ. ಖಾದ್ಯತೈಲ ವ್ಯಾಪಾರಿಗಳಿಗೆ ವಹಿವಾಟು ಚೆನ್ನಾಗಿ ನಡೆಯಲಿದೆ. ವಕೀಲಿ ವೃತ್ತಿಯಲ್ಲಿರುವವರಿಗೆ ಸಂಪಾದನೆ ಹೆಚ್ಚಲಿದೆ. ಅಚಾತುರ್ಯದಿಂದ ಕಳೆದುಹೋಗಿದ್ದ ರಾಜಕಾರಣಿಗಳಿಗೆ, ಪಕ್ಷದಲ್ಲಿ ವರ್ಚಸ್ಸು ಹೆಚ್ಚಲಿದೆ, ಜೊತೆಗೆ, ಪದೋನ್ನತಿಯೂ ಆಗಲಿದೆ. ಸಾಹಿತ್ಯ ರಂಗದಲ್ಲಿರುವವರಿಗೆ, ಜನಪ್ರಿಯತೆ ವಿಶೇಷವಾಗಿ ಸಿಗಲಿದೆ. ಅನಾವಶ್ಯಕ ಸಾಲಗಳು ಸೂಕ್ತವಲ್ಲ. ಹೂವು, ಹಣ್ಣು, ತರಕಾರಿ ವ್ಯಾಪಾರಿಗಳಿಗೆ ಹೆಚ್ಚಿನ ಲಾಭ, ಕುಲದೇವತಾ ದರ್ಶನ ಮಾಡಿರಿ.


ಮಕರ (ಉತ್ತರಾಷಾಢ 2,3,4, ಶ್ರವಣ, ಧನಿಷ್ಠಾ 1,2)
(ಜೊ.ಜ.ಜಿ.ಜೆ.ಶಿ.ಶು.ಶೇ.ಶೋ.ಗ.ಗಿ)

ಆರ್ಥಿಕ ಪರಿಸ್ಥಿತಿ ಕ್ರಮೇಣ ಸುಧಾರಿಸಲಿದೆ, ಸಂಬಂಧಿಗಳ ಮಧ್ಯದಲ್ಲಿ ಎಷ್ಟೇ ವಿರೋಧಿಗಳಿದ್ದರೂ, ಅವರನ್ನು ಎದುರಿಸುವ ಸಾಮರ್ಥ್ಯ ನಿಮಗಿದೆ, ರಾಜಕಾರಣಿಗಳ ಮರುಳು  ಮಾತಿಗೆ ಮೋಸ ಹೋಗುವ ಸಂಭವವಿದೆ. ನಿವೃತ್ತಿಯಂಚಿನಲ್ಲಿರುವವರು ತಮ್ಮ ಮುಂದಿನ ಜೀವನದ ಬಗ್ಗೆ ಈಗಲೇ ಯೋಚಿಸುವುದು ಲೇಸು. ಮಡದಿ, ಮಕ್ಕಳ ದುಂದು ವೆಚ್ಚಕ್ಕೆ ಕೂಡಿಟ್ಟ ಹಣವೂ ಕರಗಬಹುದು. ಅವಿವಾಹಿತ ಮಗನಿಗೆ ಉತ್ತಮ ಸಂಬಂಧ ಕೂಡಿಬರಲಿದೆ. ರೈತಾಪಿ ಮಿತ್ರರು, ಸಾಂಪ್ರದಾಯಿಕ ಕೃಷಿಗೆ ಒತ್ತುಕೊಡುವುದು ಲೇಸು. ತಾಯಿಯು ಮಾಡುವ ಧನಸಹಾಯ ನಿಮ್ಮ ಕಷ್ಟಕಾಲಕ್ಕೆ ಉಪಯೋಗವಾಗಲಿದೆ. ವಿದ್ಯಾರ್ಥಿಗಳು ಮನೋಚಾಂಚಲ್ಯವನ್ನು ಬಿಡುವುದು ಉತ್ತಮ. ಪ್ರತಿನಿತ್ಯ ವಿಷ್ಣು ಸಹಸ್ರನಾಮ ಪಾರಾಯಣ ರೂಢಿಸಿಕೊಳ್ಳಿ. ಸೋಮ-ಗುರು-ಶನಿ ಶುಭ ದಿನಗಳು.


ಕುಂಭ (ಧನಿಷ್ಠಾ, ಶತಭಿಷಾ, ಪೂರ್ವಾಭಾದ್ರ 1,2,3)
(ಗು.ಗೆ.ಗೊ.ಸ.ಸಿ.ಸು.ಸೆ.ಸೋ.ದ)

ನಿಮ್ಮ ಮಾತಿನ ಕಲೆಯಿಂದಲೇ ಎಲ್ಲಾ ಕೆಲಸಗಳನ್ನು ಸಾಧಿಸುವ ಕಲೆಯನ್ನು ಎಲ್ಲರೂ ಮೆಚ್ಚುವರು. ಉದ್ಯಮದಲ್ಲಿ ಪ್ರತಿಸ್ಪರ್ಧಿಗಳನ್ನು ಉಪಾಯವಾಗಿಯೇ ಮಣಿಸುವಿರಿ. ಹಿರಿಯರ ಕೋರಿಕೆಗಳನ್ನು ಪೂರೈಸುವುದರ ಮುಖಾಂತರ ಅವರ ವಿಶ್ವಾಸ ಗಳಿಸುವಿರಿ. ಇದನ್ನು ಕಂಡು ಮತ್ಸರಪಡುವವರ ಬಗ್ಗೆ ಚಿಂತೆಬೇಡ. ಅನಿರೀಕ್ಷಿತವಾಗಿ ಖರ್ಚಿನ ಬಾಬ್ತು ತುಸು ಹೆಚ್ಚಾಗಬಹುದು. ಹೊಸದಾಗಿ ಕೆಲಸಕ್ಕೆ ಸೇರಿದವರು ತಮ್ಮ ಚುರುಕಾದ ಕೆಲಸಗಳಿಂದ ಮೇಲಾಧಿಕಾರಿಗಳ ಗಮನ ಸೆಳೆಯುವರು. ಕೌಟುಂಬಿಕ ಸಮಸ್ಯೆಗಳು ಬಗೆಹರಿದು, ಮನಸ್ಸಿಗೆ ನೆಮ್ಮದಿ ಮೂಡಲಿದೆ. ಮಹಿಳೆಯರು ಅನಾವಶ್ಯಕ ವಿವಾದಗಳಿಂದ ದೂರವಿರಿ, ಹಣ-ಕಾಸಿನ ಹರಿವು ಸಾಧಾರಣ, ವ್ಯವಹಾರದಲ್ಲಿ ಹೆಚ್ಚಿನ ಹೂಡಿಕೆ ಬೇಡ. ಬುಧ-ಶುಕ್ರ—ಶನಿ ಶುಭ ದಿನಗಳು.


ಮೀನ (ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ)
(ದಿ.ದು.ಖ.ಝ.ಥ.ದೆ.ದೋ.ಖ.ಚ.ಚಿ.)

ನೀವು ದೊಡ್ಡಮಟ್ಟದ ಗುತ್ತಿಗೆದಾರರಾಗಿದ್ದಲ್ಲಿ, ಕಛೇರಿಯ ಲೆಕ್ಕಪತ್ರಗಳ ಬಗ್ಗೆ ಹೆಚ್ಚಿನ ಗಮನವಿಡಿ. ಹೊಸ ಯೋಜನೆಗಳಿಗೆ ಸಂಪನ್ಮೂಲವನ್ನು ಕ್ರೋಢೀಕರಿಸಲು ಯತ್ನಿಸುವಿರಿ. ಅದರಲ್ಲಿ ಯಶಸ್ವಿಯಾಗುವಿರಿ. ಲೇವಾದೇವಿ ವ್ಯವಹಾರ ದಲ್ಲಿ ತುಸು ಮೈಮರೆತರೂ ಭಾರೀ ನಷ್ಟವುಂಟಾಗಬಹುದು.ಸಂತಾನಾಪೇಕ್ಷಿಗಳಿಗೆ ಶುಭ ಸಮಾಚಾರ, ಸರ್ಕಾರೀ ಸಂಸ್ಥೆಗಳೊಂದಿಗೆ ವ್ಯವಹರಿಸುವವರಿಗೆ ಹೆಚ್ಚಿನ ಲಾಭ ದೊರೆಯಲಿದೆ. ಮಡದಿ, ಮಕ್ಕಳ ಒತ್ತಾಯದ ಮೇರೆಗೆ ಇಷ್ಟವಿಲ್ಲದಿದ್ದರೂ ಒಡವೆ ವಸ್ತುಗಳ ಖರೀದಿ ಮಾಡಲೇ ಬೇಕಾದ ಪ್ರಸಂಗ ಬರಬಹುದು. ಆದರೆ, ಇದು ಅನಿವಾರ್ಯ ಮತ್ತು ಅಪರಿಹಾರ್ಯ. ನಿರುದ್ಯೋಗಿಗಳಿಗೆ ಸಾಧಾರಣ ವೇತನದ ನೌಕರಿ ದೊರೆಯಲಿದೆ. ಹಳೇಮಿತ್ರರ ಭೇಟಿ ಸಂತಸ ತರಲಿದೆ. ಭಾನು-ಸೋಮ-ಗುರು ಶುಭ ದಿನಗಳು.


ವಿಶೇಷ ದಿನಗಳು : ದಿನಾಂಕ-28-1-2021 ಗುರುವಾರ ಬನದ ಹುಣ್ಣಿಮೆ ಶ್ರೀಕ್ಷೇತ್ರ ಬನಶಂಕರಿಯಲ್ಲಿ ರಥೋತ್ಸವ,ಇದೇ ದಿನ ಪುಷ್ಯಾನಕ್ಷತ್ರವಿರುವುದರಿಂದ ಗುರುಪುಷ್ಯ ಅಮೃತಸಿದ್ಧಿಯೋಗ.